Ephesians 4:22 - De Beebaa Dabu

²² Gai goodou hagauia ma gi dilia gee oodou mouli duai, go tangada duai ne hagasengalia laa i denga lodo donu hakino gee;

Ephesians 4:22 Referans Kwoze

Romans 6:6

Gidaadeu e iloo bolo odaadeu mouli duai gu daudau i de laagau lui madali ia, e oha ai ssauaa o de haisala, gi dee nnoho ai gidaadeu i lalo ssauaa o de haisala.

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

James 1:21

Deenei ai, goodou dilia denga dahulinga hakino gee ma dahulinga baubau alodahi, gai daohia agoago gu daakodo laa donu i oodou lodo, i de lodo maolalo, go muna e maua i de hagamouli goodou.

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.

Titus 3:3

Go hiidinga i mua gai gidaadeu alodahi ni dangada llodo ssenga, ma tee hagallongo i muna, gai ne daahangadia, ma de noodia i denga hagadaagangaa lodo odaadeu e malangilangi ai. Gidaadeu ne mouli i de kino ma de lodo gaiaa, gai e hai hegau i de lili ma de hagadau kino.

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

1 Peter 4:3

Gu odi de masavaa e hai hegau ai bei denga Gentile — go de hai denga dahulinga baubau, ma lodo o de angaanga, ma de unu gi senga, ma de hai daonga e unu ai ga ssenga dangada ma de hagalongaa, aama de daumaha ange gi denga diinonga hakino gee.

Ephesians 4:17

Gai au e hagammahi e tala hagadonu adu mee nei i de ingoo o Tagi Maolunga, goodou gi dee mouli bei dagodo o denga Gentile, gilaadeu e mouli i alaadeu maanadu deai haigamaiana.

2 Peter 2:13

Gilaadeu e kave naa de hagaoanga o alaadeu hegau baubau gu hai. Gilaadeu e maanadu bolo de malangilangi abodonu go de hai daonga ga hagalongaa ai i de laangi. Gilaadeu e bei dagodo o denga duulangaa mee gelegele ma mee baubau, i delaadeu hai denga daonga ga hai ai denga dahulinga hakino gee olaadeu e malangilangi ai laa, gai e loomai hogi ma e daonga madali goodou.

1 Peter 1:18

Goodou e iloo bolo goodou ne hagaola mai i oodou mouli dee haigamaiana, go mee oodou ne ago mai i daho oodou damana madagidagi, gai tee hagao i hanu mee e moolau laa de llilo, bei selevaa ma goolo,

Colossians 2:11

Gai e bei donu goodou gu tuu dagaholiage i doodou nnoho i lodo o Klisdo, i hiidinga goodou gu tili hegau baubau o de angaanga nei. Gai de tuu dagaholiage nei e dee se mee ne hai i lima o dangada, gai go de tuu dagaholiage a Klisdo.

Proverbs 11:18

Tangada baubau e kave denga hagaoanga hagasenga, aagai tangada e hai hegau laa i de mee heohi, e kave donu de hagaoanga abodonu.

De Beebaa go Job 22:23

Noo koe e ahe mai gi de Ia Mmahi Mmao laa, gai koe e hagadaga age ange naa; noo koe e vvae gee de baubau mai i oo hale,

Ephesians 2:3

Gidaadeu alodahi ne mouli bei olaadeu dagodo i masavaa gu hulo, i taadeu hai lodo haisala alodahi o de angaanga, ma de daudali i lodo ma maanadu o de angaanga. Gai gidaadeu gu paba ange donu e hagaduasala i de lili ⌊o de Maadua⌋, bei dagodo o de gau ange laa.

Obadiah 1:3

Doo lodo maolunga gu hagasenga goe; koe e noho i lo te baba, ma de hai doo hale i denga mommee maolunga; koe e hagadaba i oo lodo, ‘Goai e maua i de gave iho au gi honga de gelegele?’

2 Peter 2:7

gai noo ia ne hagaola taane heohi go Lot, go de ia ne daemaha laa ono lodo i dana gide denga dahulinga hakino gee a de gau baubau,

Jeremiah 49:16

Koe gu hagasengalia i hiidinga de maatagu o dangada i de goe, aama doo lodo hagamaolunga, koe e nnoho laa i magavaa o denga hadu maolunga, ma honga mommee maolunga o denga duuduu. Gai e dee galemu donu dau hai doo hoohanga i denga mommee maolunga, gai au e tili iho mai naa goe i kilaa, go Tagi Maolunga e hagadaba.

Galatians 1:13

Gai goodou gu langona dagodo o dogu mouli i de masavaa oogu nogo daumaha ai bei dagodo o de gau Ssuu: au ne kona donu dagu vaivai hai de nohoanga dabu o de Maadua ma de hagatale de oha de nohoanga dabu.

1 Samuel 1:14

Gai Eli ga hai ange gi de ia, “Dee hee maa taulooloa doo unu gi senga goe? Dugua dau unu uvaini!”

Romans 7:11

De haisala ne hagasenga au, gai ne daa ga magau au i muna o de hainga.

James 1:26

Noo dahi dangada e hagadaba bolo ia se dangada taumaha, aagai ia e dee maua i de daohi dono alelo, gai ia e daahanga donu huu ia, dono se dangada taumaha e deai donu haigamaiana.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

Ephesians 4:31

Goodou dilia de golo age de baubau, ma de bole ma de lili, ma de hagadaumee, ma de hai samu, aama denga hagadaagangaa maanadu baubau alodahi.