Ephesians 4:21 - De Beebaa Dabu

²¹ Goodou gu langona ono dagodo ma de agoago i de mee abodonu i lodo o Iesu.

Ephesians 4:21 Referans Kwoze

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Ephesians 1:13

Goodou gu dau hogi madali Klisdo, i de masavaa oodou ne langona ai de muna abodonu, go de longo danuaa oodou ne hagamouli ai, ma doodou hagadonusia ia, ga hagailonga i de Hagasaalunga Dabu gu lava laa i de hagatoo donu ai,

Colossians 2:7

gai gu hagamakaga oodou aga ma de tuu gi makaga i ono lodo i de gai, bei de hai oodou gu agoago ai, gai gi laumalie ai doodou tuhi ma de hagaahe ange de abodonu.

John 14:17

go de Hagasaalunga o de muna abodonu. Gai de gau henua i lalo e dee maua i de kave ia gi olaadeu lodo, go hiidinga gilaadeu e dee gidee aabe e iloo ia. Gai goodou gu iloo ia, go hiidinga ia e noho madali goodou ma de noho i oodou lodo.

2 Corinthians 11:10

Go hiidinga de mee abodonu i dagodo o Klisdo e dagodo i ogu lodo, dagu tala tuhi nei e dee maua donu i tee tala i denga ungaamee o Achaia.

2 Corinthians 1:20

Gai denga hagatoo donu alodahi a de Maadua se “Uaa” i daho Klisdo. Deenei de hiidinga adaadeu e hagataba ai laa “Amen” i dono ingoo, gi hagamahamaha ina ai de Maadua.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

Luke 10:16

Tangada e hagalaangona oodou muna e hagallongo donu agu muna; gai tangada e kino i goodou e kino donu i de au. Aagai tangada e kino i de au e kino donu hogi i de ia ne haia nei au gi humai.”

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Psalm 45:4

Savini i honga de hoosa i de mahamaha gai koe gi kii, i de muna abodonu, ma de daudonu, aama de mee heohi; gai koe gi hagaagona mai hegau hagalele mouli a doo lima madau e hai.

Romans 10:14

Dee hee de hai a dangada e hagahi ange ai de ia alaadeu tigi hagadonusia laa? Gai dee hee de hai a dangada e hagadonusia ai de ia, alaadeu tigi langona ono dagodo? Gai dee hee de hai a dangada e langona ai noo tigi ai se dangada ne agoagona ange gilaadeu?

Ephesians 2:17

Gai ia ne humai ga agoago adu goodou denga Gentile e mmao gee laa i dagodo o de baba, aama ange hogi gi de gau Ssuu e paa ange laa.

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.