Ephesians 4:16 - De Beebaa Dabu

¹⁶ Go ia e haia gi duu age de angaanga alodahi, i denga sugusuguinga alodahi iai. Gai ga hai hegau naa huu denga diba alodahi, gai de angaanga gu somo danuaa ma de hagadagadaga age i de aloha.

Ephesians 4:16 Referans Kwoze

Colossians 2:19

Tangada bee nei gu dee pigi ange donu gi de Biho, go Klisdo. Go ia e hagadanuaa ina ma de daohi de angaanga alodahi i denga sugusuguinga ma denga uaua, gi somo danuaa ai bei de hai a de Maadua gu dugu ai.

John 15:5

Go au de grapevine; goodou go denga laa. Be goai e noho i ogu lodo, gai au e noho i ono lodo, gai ia e hua lagolago. Goodou e dee maua donu i de hai dahi mee daudahi, noo goodou e dee noho i ogu lodo.

Colossians 2:2

Au e hai de mee nei e hagalo taane ange ai olaadeu lodo ma de buni i de hagadau aaloha, gi honu danuaa ai delaadeu tonu ange ma de iloo de hagatau a de Maadua e dee iloo laa, go Klisdo.

Ephesians 4:12

e hagadabena ange ai ono dangada gi denga duuhanga hegau, e hagaduu age ai de angaanga o Klisdo,

1 Corinthians 13:13

Mee e dolu nei e dee ngado mai donu: go de gai, ma de tali hagalodolodo, aama de aloha, gai de mee e maolunga hugadoo go de aloha.

Ephesians 4:15

Aagai gidaadeu gi daalaa de muna abodonu i de aloha, gi hagadagadaga age ai taadeu maatua i lodo o Klisdo, go de Biho.

1 Timothy 1:5

De hagaodi o muna nei go de aloha, e daamada mai laa i de lodo e gilimalali ma tagi o de lodo e danuaa aama de gai abodonu.

1 Thessalonians 2:13

Gimaadeu e hagaahe ange hogi de abodonu gi de Maadua i masavaa alodahi, go hiidinga de masavaa oodou ne kave ai muna a de Maadua oodou ne langona laa i omaadeu daha, gai goodou tee kave bei dagodo muna a dangada, aagai ne kave bei ono dagodo donu, go muna a de Maadua, gai gu hai hegau i lodo o oodou gu hagadonusia laa.

Philippians 1:9

Gai au e dalodalo gi hagadagadaga age oodou aaloha, madali de iloo mee abodonu aama de tonu danuaa ange gi de mee heohi,

Ephesians 3:17

gi noho ai Klisdo i oodou lodo i de gai, gai goodou gu hagamakaga ma de dagelo i de aloha,

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Ephesians 3:7

Gai dagodo o dogu hai ga se dangada hai hegau ange gi de longo danuaa, se mee ngadi gaamai gi de au i daho de Maadua i dono sauaa.

Ephesians 1:4

Gai ia ne hili gidaadeu i mua de hai o henua i lodo o Klisdo, gai ia ga hai ai gidaadeu gi dabu ma tee haisala i mada luoono mada i de aloha.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

1 John 4:16

Gai gidaadeu gu iloo ma de hagadonusia de aloha o de Maadua i gidaadeu. De Maadua go de aloha, gai tangada e mouli i de aloha e noho i lodo o de Maadua, gai de Maadua e noho i ono lodo.

2 Thessalonians 1:3

Denga daina, e heohi donu demaadeu hagaahe ange de abodonu gi de Maadua i oodou hiidinga i masavaa alodahi, go hiidinga oodou kai gu kona mmao de hagadagadaga age, gai doodou hagadau aaloha gu kii ange hogi de laumalie.

1 Thessalonians 3:12

Tagi Maolunga gi haia gi kii ange doodou hagadau aaloha aama doodou aaloha ange gi dangada ange laa, bei tagodo demaadeu aaloha i goodou,

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

Romans 12:4

Gai gidaadeu se angaanga e dahi, gai e lagolago ono diba, gai diba alodahi o de angaanga e dagodo daudahi alaadeu hegau,

1 Corinthians 10:17

Go hiidinga e dahi donu huu duudangaa pelaoaa, gai e soa gidaadeu e hai ai de angaanga daudahi, go hiidinga gidaadeu alodahi e gai dahi pelaoaa daudahi.