Ephesians 4:12 - De Beebaa Dabu

¹² e hagadabena ange ai ono dangada gi denga duuhanga hegau, e hagaduu age ai de angaanga o Klisdo,

Ephesians 4:12 Referans Kwoze

Ephesians 4:16

Go ia e haia gi duu age de angaanga alodahi, i denga sugusuguinga alodahi iai. Gai ga hai hegau naa huu denga diba alodahi, gai de angaanga gu somo danuaa ma de hagadagadaga age i de aloha.

1 Corinthians 12:27

Goodou go de angaanga donu o Klisdo, gai dahi ma dahi se diba niio dono angaanga.

Romans 15:14

Denga daina, au e iloo abodonu bolo goodou e abodonu mmao, goodou e hoohonu i de iloo mee, ma de maua i de hagadau agoago goodou.

1 Corinthians 14:26

Denga daina, dee hee ai tagodo o mee i doodou masavaa e hagabuni ai? Dahi dangada e hai dahi daahili, e dahi se agoago, e dahi dangada e dahi ana mee e hagaago adu, dahi e basa i denga hagadaagangaa muna, aabe e hagadonu muna laa. Gai haia mee alodahi gi hagadagadaga age ai alodahi.

Romans 14:19

Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

1 Timothy 1:12

Au e hagaahe ange de abodonu gi Klisdo Iesu taadeu Dagi Maolunga, go de ia ne hagammahi ina ogu lodo, ia ne hagabinga bolo au se daane e hai hegau i de mee abodonu, ga hili au gi haia ana hegau.

1 Corinthians 14:12

Gai e bei ai hogi oodou dagodo; go hiidinga goodou e llodo mmao i duuhanga mai i daho de Hagasaalunga, deenei ai, goodou hagammahi gi kii ange doodou maua i de hai gi hagadagadaga age de nohoanga dabu.

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

Hebrews 6:1

Deenei ai, gidaadeu ga dugu agoago o Klisdo i taamada, ga hai gidaadeu gi ni dangada gu maatua abodonu, gidaadeu gi dee aahe ange gi hagadagodo ina tagelo, go de dahuli o de lodo mai i adaadeu hegau e deai laa ono haigamaiana, ma de gai ange de Maadua,

2 Corinthians 6:3

Gimaadeu tee hagahai ngadaa goodou i dahi mee, gi dee hagabaubau ina ai demaadeu duuhanga hegau,

2 Corinthians 5:18

Mee nei alodahi go de Maadua ne haia, gai ia ne hagadanuaa odaadeu magavaa ma ia i de magau o Klisdo, ma de gaamai gi gidaadeu tuuhanga hegau go de hagadanuaa magavaa o dangada ma de Maadua;

Luke 22:32

Gai au gu dalodalo i de goe gi dee helui ai doo gai. Aagai de masavaa naa huu oou e ahe mai ai, gai koe ga hagammahi ange oo daina.”

2 Timothy 4:5

Aagai koe gi dagitilo i masavaa alodahi, ma de hagaduu ngae i de lodo mmahi i doo hagaduasala ina, ma de hai hegau a tangada e hagadele ina de longo danuaa, ma de hagasula hegau alodahi o dau duuhanga hegau.

Colossians 4:17

Gai goodou hai ange gi Archippus, “Koe gi diiloo hagalava ina tuuhanga hegau a Tagi Maolunga gu gaavadu koe gi haia.”

Colossians 1:28

Gai go ia donu omaadeu e agoago ai nei, ma de hagakana ange ai dangada alodahi i de heiangi alodahi, gi maua ai e gimaadeu i de gaamai gilaadeu alodahi gu maatua abodonu i lodo o Klisdo.

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

Ephesians 1:23

go dono angaanga donu, deenei de honu abodonu o Klisdo, go de ia e hagahoohonu ina mee alodahi.

2 Corinthians 12:19

Goodou e maanadu naa bolo gimaadeu e hagaheohi adu gimaadeu? Gimaadeu e pasa adu nei i mada luu mada o de Maadua bei dagodo o dangada e seesee i lodo o Klisdo, denga daina hagamogomogo, mee nei alodahi ne hai e hagammahi ai oodou kai.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

2 Corinthians 4:1

Deenei ai, gimaadeu e dee baageaa omaadeu lodo, i demaadeu hai tuuhanga hegau nei i de abodonu o de Maadua.

2 Corinthians 3:8

gai dee hee maa ai naa de laumalie ange de mahamaha hegau a de Hagasaalunga?

1 Corinthians 14:14

Gai noo au e basa i denga hagadaagangaa muna e dalodalo ai, gai dogu hagasaalunga e dalodalo, aagai au e dee donu ange gi agu muna e tala.

Romans 15:29

Au e iloo bolo de masavaa naa huu oogu e dae adu ai gi oodou daha, gai au e hanadu naa i de manuuia laumalie mai i daho Klisdo.

Romans 15:2

Dahi ma dahi gi hagamalangilangi ina tangada ange laa gi danuaa ange ai gi tangada ange laa, gai gi hagadagadaga age ai dono gai.

Romans 12:7

noo go de bale ange dangada, gai gidaadeu gi balea ange dangada; noo go de agoago, gai tangada gi agoago;

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Acts 9:31

Aagai denga nohoanga dabu alodahi i Judea ma Galilee aama Samaria gu nnoho paba ma de hagadagadaga age. Gilaadeu gu hai hegau i de madagu i Tagi Maolunga ma de hagaaneane i daho de Hagasaalunga Dabu, gai gilaadeu gu hagadaga ange donu de soa.

Acts 1:25

gai ia ga kave ai tuulanga hegau a de gau tala, go tuulanga a Judas ne dugu laa, gai ga hano gi dono mommee donu.”

Acts 1:17

Ia se daane madali gimaadeu, gai ne kave tuuhanga hegau nei madali gimaadeu.”

2 Timothy 4:11

Go Luke donu huu i ogu daha. Gai koe gaamai hogi a Mark madali goe, go hiidinga ia e haigamaiana mai donu gi de au.

Ephesians 4:29

Goodou aude daalaa hanu muna baubau i oodou ngudu, aagai goodou daalaa donu huu muna danuaa e hagammahi ina lodo o dangada, ma de heohi ange gi de masavaa, ma de bale ange ai gilaadeu e langona.

Ephesians 4:4

E dahi donu huu angaanga, e dahi donu huu Hagasaalunga, bei doodou hai ne hagahia ai naa gi gaavee de tali hagalodolodo e dahi laa donu huu;

2 Corinthians 13:9

Go hiidinga gimaadeu e malangilangi donu i demaadeu baageaa gai goodou gu mmahi. Gai gimaadeu e dalodalo gi kii ange doodou heohi abodonu.

1 Corinthians 12:7

Gai gu gaavange gi dahi ma dahi dono duuhanga, mai i daho de Hagasaalunga ⌊Dabu⌋ e hagadanuaa ai alodahi.

Romans 12:5

gai e bei ai hogi odaadeu dagodo i lodo o Klisdo: gidaadeu e soa, gai e dahi donu huu angaanga, gai diba alodahi e dau ange gi denga diba ange laa.

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.