Ephesians 4:1 - De Beebaa Dabu

¹ Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

Ephesians 4:1 Referans Kwoze

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Philippians 1:27

Gai goodou mouli gi bei dagodo muna o de longo danuaa o Klisdo, e dee hilihili be au e hanadu ga hedae adu gi goodou, aabe au e dee maleva, gai au e langona bolo goodou e tuu ma e makaga i de lodo daudahi, ma de hagadau bale i de hebagi i doodou hagadonu de longo danuaa.

1 Thessalonians 2:12

gimaadeu ne hagakana ange goodou, ma de hagaaneane aama de hagammahi adu goodou gi mouli bei dagodo e heohi ange laa gi de Maadua, ne hagahia ange goodou gi dono nohoanga hodooligi ma dono mahamaha.

2 Peter 1:3

Ssauaa o de Maadua gu gaamai gi gidaadeu mee alodahi odaadeu e mouli ai i lodo o de Maadua, i taadeu iloo de ia ne hagahia gidaadeu gi gaavee dono mahamaha ma dono danuaa mmao,

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

1 Corinthians 4:16

Deenei ai, au e dangidangi adu goodou gi ago mai i de au.

2 Thessalonians 1:11

Deenei ai, gimaadeu e dalodalo i goodou i masavaa alodahi, gai de Maadua ga hai ai gi heohi ange goodou gi de kave dana hagahi, ma de hagammahi goodou gi haia tanuaa aama hegau alodahi o de gai i dono sauaa,

Ephesians 4:17

Gai au e hagammahi e tala hagadonu adu mee nei i de ingoo o Tagi Maolunga, goodou gi dee mouli bei dagodo o denga Gentile, gilaadeu e mouli i alaadeu maanadu deai haigamaiana.

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

Romans 12:1

Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

Colossians 2:6

Deenei ai, goodou daudali i lodo o Klisdo Iesu Tagi Maolunga, bei de hai oodou ne kave ai ia i taamada,

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

2 John 1:5

De hine hagadubu, iainei gai au e dangidangi adu gi de goe, gidaadeu ga hagadau aaloha. Agu mee e sisi adu nei e dee ni muna hoou, aagai ni muna donu gu lava i taadeu iloo mai i taamada.

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

Philippians 3:14

Au e hagaduu ngae e houhou ange gi maua e au de hagaoanga i de hagaodi, a de Maadua ne hagahi mai au gi gaavee madali Klisdo Iesu.

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

Ephesians 4:4

E dahi donu huu angaanga, e dahi donu huu Hagasaalunga, bei doodou hai ne hagahia ai naa gi gaavee de tali hagalodolodo e dahi laa donu huu;

Ephesians 3:1

Gai deenei dogu hiidinga, go Paul, tangada o Klisdo Iesu gu nnoa ai laa i lo te hale pono i oodou hiidinga denga Gentile —

Galatians 4:12

Denga daina, au e dangidangi adu goodou gi bei ogu dagodo, go hiidinga au e bei hogi oodou dagodo. Tigi ai donu se mee dee heohi oodou ne hai mai gi de au.

Genesis 5:24

Gai Enoch ne seesee madali de Maadua, gai ia gu dee maleva, i hiidinga de Maadua gu kave gee ia.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

2 Corinthians 10:1

Go au donu go Paul, au e dangidangi adu gi goodou i de lodo e daudonu ma de lodo maolalo o Klisdo — au se dangada e dee muu i de masavaa odaadeu e hegide ai, gai e lo taane i de basa i de masavaa oogu e dee noho ai i oodou daha! —

Jeremiah 38:20

Jeremiah ga hai ange, “Gilaadeu e dee poo naa donu goe e gaavange gi gilaadeu. Gai koe daudali i muna a Tagi Maolunga aagu e tala adu gi de goe, gi danuaa adu ai gi de goe, gai doo mouli e ola naa.

Titus 2:10

Gilaadeu gi dee gaiaadia mee a olaadeu dangada aamua, gai gilaadeu gi hagaagona ange bolo gilaadeu ni dangada e dee hadu muna gai e hai hegau i de muna abodonu, gai alaadeu hegau danuaa gi hagamahamaha ina muna a de Maadua taadeu Ia Hagaola.

Colossians 4:12

Epaphras se dangada mai i oodou daha, gai se dangada hai hegau niio Klisdo Iesu, e gaavadu hogi dana hagaboo. Ia e kona de hagammahi ma e dalodalo i goodou, gi maua e goodou i de tuu gi makaga, ma de maatua abodonu i lodo hagatau a de Maadua.

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

Acts 9:31

Aagai denga nohoanga dabu alodahi i Judea ma Galilee aama Samaria gu nnoho paba ma de hagadagadaga age. Gilaadeu gu hai hegau i de madagu i Tagi Maolunga ma de hagaaneane i daho de Hagasaalunga Dabu, gai gilaadeu gu hagadaga ange donu de soa.

Romans 11:29

Go hiidinga de mee ngadi gaavange ma de hagahi a de Maadua e dee maua donu i de sui.

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.