Ephesians 3:19 - De Beebaa Dabu

¹⁹ ma de tonu ange gi dagodo o de aloha o Klisdo e dubu ange laa i de iloo mee o dangada, gai goodou gi hhao gi hoohonu i dagodo alodahi o de Maadua.

Ephesians 3:19 Referans Kwoze

Ephesians 1:23

go dono angaanga donu, deenei de honu abodonu o Klisdo, go de ia e hagahoohonu ina mee alodahi.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

2 Corinthians 5:14

Go hiidinga de aloha o Klisdo e usuusu mai gimaadeu, i hiidinga gimaadeu gu iloo de mee nei: e dahi ne magau i hiidinga o dangada alodahi, deelaa ai, dangada alodahi gu maakau madali ia.

John 1:16

Gai gidaadeu alodahi gu kave de manuuia mai i dono abodonu laumalie e aheahe ange laa ma e gaamai gi gidaadeu.

Philippians 4:7

Gai de baba mai i daho de Maadua, e dee maua laa e dangada gi tonu ange aagena, gi hagaloosi ina oodou lodo ma oodou maanadu i lodo o Klisdo Iesu.

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

Ephesians 3:18

gi maua ai e goodou i de tonu ange madali dangada alodahi o de Maadua gi de lahalaha, ma de looloa, ma de maolunga aama de gelo o de aloha,

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Ephesians 5:25

Denga daane dau bodu, goodou aaloha i oodou bodu, gi bei de aloha o Klisdo i de nohoanga dabu ma de gaavange dono mouli i ono hiidinga,

Psalm 43:4

Gai au e hano gi de mommee o ssigidaumaha a de Maadua, ma daho dogu Maadua i de malangilangi laumalie. Au e tuhi goe i de tale de lyre, de Maadua, go dogu Maadua.

Philippians 1:7

Gai de heohi donu dagu maanadu goodou alodahi i tagodo nei, go hiidinga goodou e hagamogomogo donu i ogu daha, gai goodou alodahi gu kave tuuhanga hegau nei madali au, i dogu masavaa e nnoho ai i lo te hale pono, aama dagu tala hagadonu dagodo o de longo danuaa.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Romans 8:35

Gai goai e maua i de vvae gee gidaadeu mai i de aloha o Klisdo? E maua e de hagaduasala, be go hai ngadaa, be go de vaivai haia, be go de onge, be go teai odaadeu malo, be go de mee hagamanavasaa, aabe go de gadilaasa?

Romans 8:39

be go dahi mommee maolunga, be go dahi mommee gelo, aabe go dahi mee daudahi ne hai i taamada age, i de vvae gee gidaadeu i de aloha o de Maadua i lodo o Klisdo Iesu taadeu Dagi Maolunga.

1 Peter 1:8

E dee galemu donu goodou tee gidee ia, gai goodou e aaloha i de ia; e dee galemu donu goodou e dee gidee ia iainei, gai goodou e hagadonusia ia ma de malangilangi i de malangilangi e dee maua laa i de tala ono dagodo aama de lodo danuaa mmao,