Ephesians 3:1 - De Beebaa Dabu

¹ Gai deenei dogu hiidinga, go Paul, tangada o Klisdo Iesu gu nnoa ai laa i lo te hale pono i oodou hiidinga denga Gentile —

Ephesians 3:1 Referans Kwoze

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

2 Timothy 1:8

Gai koe gi dee dogaa i de tala hagadonu dagodo o taadeu Dagi Maolunga, aabe gi dogaa i de au, go tangada gu noho i lo te hale pono i ono hiidinga. Aagai koe gi hagaduasala madali au i hiidinga o de longo danuaa i ssauaa o de Maadua,

Ephesians 6:20

go de longo danuaa ne haia nei au go dahi sui o de Maadua i lo te hale pono, gai gi lo taane ai au i de tala gi heohi de longo danuaa.

Philemon 1:9

Gai au e dee lodo e hai de mee nei, aagai au e dangidangi adu i hiidinga dogu aloha i de goe. Deenei ai, go au go Paul, au se daane madumadua, gai iainei gu noho i lo te hale pono i hiidinga o Klisdo Iesu,

Philippians 1:7

Gai de heohi donu dagu maanadu goodou alodahi i tagodo nei, go hiidinga goodou e hagamogomogo donu i ogu daha, gai goodou alodahi gu kave tuuhanga hegau nei madali au, i dogu masavaa e nnoho ai i lo te hale pono, aama dagu tala hagadonu dagodo o de longo danuaa.

Philemon 1:1

Mai i daho Paul, taane gu hhao laa gi lo te hale pono, i hiidinga o Klisdo Iesu, aama mai i daho Timothy taadeu daina. Ange gi Philemon, demaau soa hai hegau hagamogomogo,

Acts 23:18

Gai taane laa ga kave tama daane laa gi tagi o de hebagi, ga hai ange, “Paul, taane i lo te hale pono, ne hagahi mai au ga dangidangi mai au gi gaamai tama daane nei gi oo daha. E hanu ana muna e tala adu gi de goe.”

Luke 21:12

Aagai i mua de tae mai o mee nei alodahi, gai dangada e booboo naa goodou ga vaivai hai. Gilaadeu e kave naa goodou ga hagamodu oodou muna i denga synagogue, ma de hhao gi lodo hale pono, ma de kave goodou gi mada i mua o denga hodooligi ma denga goobenaa i hiidinga o dogu ingoo.

Philemon 1:23

Epaphras, taane madali au i lo te hale pono i hiidinga o Klisdo Iesu, e gaavadu hogi dana hagaboo gi de goe,

Acts 26:29

Paul ne hai ange, “E dee hilihili donu be se masavaa bodobodo aabe se masavaa daulooloa — gai au e dalodalo ange gi de Maadua bolo e dee go koe donu huu, aagai go dangada alodahi e langona agu muna anailaa nei, gi hagadonusia hogi bei ogu dagodo, deelaa donu huu, goodou gi dee noonoodia i daula baalanga bee nei.”

2 Timothy 1:16

Gai Tagi Maolunga gi abodonu ange gi de huaabodu o Onesiphorus, i hiidinga ia e dee modu donu de hagaaneane ogu lodo, gai e dee dogaa donu i de au i dogu hhao gi lo te hale pono;

Colossians 4:18

Go au donu go Paul ne siia de hagaboo nei i dogu lima donu. Goodou manadua mai au i dogu noho i lo te hale pono. De abodonu ⌊o de Maadua⌋ gi dagodo i oodou daha.

Colossians 4:3

Goodou dalodalo hogi i gimaadeu, gai de Maadua ga dugu mai ai de masavaa danuaa e tala ai dagodo o Klisdo e dee iloo laa, deenei de hiidinga oogu gu noho ai nei i lo te hale pono.

2 Corinthians 11:23

Noo gilaadeu ni dangada hai hegau niio Klisdo, gai au e danuaa ange donu i gilaadeu — au e basa adu bei dagodo o dahi dangada senga. Agu hegau e maolunga ange, gai ne lagolago ange ogu hanonga ne tili ange ai gi lo te hale pono, gai e dee maua i de dau ogu hanonga ne hagailiilihia ai, ne dee modu dogu duu ange gi de magau.

2 Corinthians 10:1

Go au donu go Paul, au e dangidangi adu gi goodou i de lodo e daudonu ma de lodo maolalo o Klisdo — au se dangada e dee muu i de masavaa odaadeu e hegide ai, gai e lo taane i de basa i de masavaa oogu e dee noho ai i oodou daha! —

Acts 21:33

Gai tagi o de hebagi ga humai ga poo a Paul ga hagadaba bolo gi noodia ia i daula baalanga. Gai ia ne ssili be goai donu taane laa, gai be ni aha aana gu hai.

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

Ephesians 3:13

Deenei ai, au e dangidangi adu goodou gi dee baageaa oodou lodo i ogu hagaduasala lagolago i oodou hiidinga; mee nei go doodou mahamaha.

Galatians 5:11

Denga daina, noo au goi agoago ange huu dangada gi tuu dagaholiage, gai gu aha goi vaivai haia ai nei huu au? E bei ai naa ssele e laavea ai laa dangada i dagodo o de laagau lui gu hagadeai.

Galatians 5:2

Go au go Paul, au e tala adu bolo noo goodou e tuu dagaholiage, gai gu deai donu haigamaiana o Klisdo adu gi goodou.

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

2 Corinthians 1:6

Noo gimaau gu duasala, gai ne hai e hagaaneane ai hogi ma de hagamouli ai goodou; noo gimaau gu hagaaneane ina omaau lodo, gai goodou e hagaaneane ai naa hogi, gi lodo mmahi ai goodou i de golomagi lodo i doodou hagaduasala ina bei omaau dagodo.

Galatians 5:24

Gai dangada alodahi o Klisdo Iesu gu lava i de daa gi maakau lodo o de angaanga aama ana maanadu alodahi.

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Ephesians 3:11

De mee nei ne hai bei dagodo o dana hagatau dee ngado mai gu lava laa i de hagassula i daho Klisdo Iesu taadeu Dagi Maolunga,