Ephesians 2:7 - De Beebaa Dabu

⁷ gai ia ga hagaago mai ai dono abodonu laumalie ma dono degi mai gi gidaadeu i lodo o Klisdo Iesu i de masavaa e humai.

Ephesians 2:7 Referans Kwoze

Titus 3:4

Aagai de masavaa huu o de abodonu ma de aloha o de Maadua taadeu Ia Hagaola ne hagasula mai ai,

2 Thessalonians 1:12

gai gi hagamahamaha ai de ingoo o taadeu Dagi Maolunga go Iesu i oodou mouli, gai goodou gu hagamahamaha i ono daha, i de abodonu o taadeu Maadua ma Tagi Maolunga go Iesu Klisdo.

Ephesians 2:4

Aagai de Maadua, de ia e honu abodonu laa dono degi, i hiidinga dono aloha mmao i gidaadeu,

Isaiah 60:15

E dee galemu donu koe ne dilia ma de kino ai o dangada, gai gu deai dangada e loomai laa kilaa, aagai au e hai naa goe gi maolunga ga hano ai, gai gi se mommee e malangilangi ai denga atangada alodahi.

Ephesians 3:5

De Maadua tee hagaago ange mee nei gi denga atangada i mua, bei de hai gu hagaago ange ai gi ono dangada tala dabu, ma denga pelaabisi i daho de Hagasaalunga ⌊Dabu⌋.

Ephesians 3:21

i lo te nohoanga dabu aama lodo o Klisdo Iesu i denga atangada alodahi, ga hano ai e dee ngado mai! Amen.

Psalm 106:48

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai. Gai dangada alodahi gi hai ange, “Amen!” Duuhia Tagi Maolunga!

1 Peter 1:12

Gai ne hagaago ange gi gilaadeu bolo gilaadeu e dee hai hegau ange donu huu gi gilaadeu gai adu hogi gi goodou, i de masavaa alaadeu ne tala adu ai laa mee gu tala adu naa hogi gi goodou iainei i daho olaadeu ne agoagona adu goodou i de longo danuaa, i ssauaa o de Hagasaalunga Dabu ne hai laa gi hano iho i de langi. Gai denga dangada de langi e llodo donu hogi gi tonu ange gilaadeu gi mee nei.

Psalm 41:13

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai! Amen gai Amen.

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,