Ephesians 2:6 - De Beebaa Dabu

⁶ Gai de Maadua ne hagamouli age gidaadeu madali Klisdo ga hai gidaadeu gi nnoho madali ia i denga mommee i de langi i lodo o Klisdo Iesu,

Ephesians 2:6 Referans Kwoze

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

John 14:3

Gai noo au e hano e hagadabena dahi mommee moodou, gai au e ahe mai naa e kave goodou gi nnoho madali au, gai goodou ga nnoho ai hogi i dogu mommee iai.

Matthew 26:29

Au e hai adu gi goodou, au e dee ahe ange naa donu e unu hua o de grapevine, ga dae ai gi de laangi aagu e unu ai uvaini hoou madali goodou, i de nohoanga hodooligi o dogu Damana.”

Luke 12:37

E manuuia de gau hai hegau a tangada aamua e humai ga gidee bolo gilaadeu e dagitilo, i de masavaa oona e dae mai ai. Ni muna abodonu aagu e hai adu nei gi goodou, ia e gahu naa ga hagadabena ga hai gilaadeu gi hakaogao i teebele gi gaimee ai, gai ia ga gaavange alaadeu gai.

Colossians 1:18

Gai go ia de biho o de angaanga, go de nohoanga dabu; go ia taamada gai go ia hugadoo ne mouli age i mua i de gau maakau, deenei ai, go ia tahi i mee alodahi.

Ephesians 1:1

Mai i daho Paul, tangada tala o Klisdo Iesu, bei dagodo de hagatau a de Maadua. Ange gi dangada o de Maadua i Ephesus, e hai hegau laa i de mee abodonu i lodo o Klisdo Iesu.

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

Ephesians 2:13

Aagai iainei goodou gu nnoho i lodo o Klisdo Iesu; i mua gai goodou e mmao gee i de ia, aagai iainei gu gaamai gi paa mai i dodo o Klisdo.