Ephesians 2:19 - De Beebaa Dabu

¹⁹ Deenei ai, goodou gu dee ni dangada tua de mee aabe ni dangada henua gee, aagai gu ni dangada donu de henua madali dangada o de Maadua, goodou gu ni dangada donu dono huaabodu.

Ephesians 2:19 Referans Kwoze

Philippians 3:20

Aagai gidaadeu, taadeu henua go de langi, go kilaa iai Iesu Klisdo Tagi Maolunga, gai gidaadeu e hagaduu ngae e tali dono ahe mai.

1 John 3:1

Ga dae laa de laumalie de aloha o Tamana i gidaadeu, i dana hagabinga bolo gidaadeu go dama a de Maadua! Gai aanei donu odaadeu dagodo. Deenei ai, henua i lalo e dee iloo gidaadeu, go hiidinga e dee iloo de Maadua.

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

Ephesians 2:12

goodou manadua bolo de masavaa laa, gai goodou e vvae gee mai i Klisdo, goodou e dee dau madali de gau Israel, gai ni dangada i tua de mee, e dee dau i hagatoo donu hagaheloongoi, e deai soodou tali hagalodolodo, gai e deai donu soodou Maadua i henua i lalo.

Ephesians 3:6

Deenei de mee nogo dee iloo laa: denga Gentile gu dau hogi i de boolonga madali de gau Ssuu, gilaadeu alodahi gu dau ange gi de angaanga daudahi, ma de kave de hagatoo donu i lodo o Klisdo Iesu i de longo danuaa.

Hebrews 11:13

Gilaadeu nei alodahi ne mouli i de gai ga dae ai gi delaadeu maakau. Gilaadeu tee kave mee gu lava laa i de hagatoo donu; aagai gilaadeu ne gidee donu huu, bolo mee nei e loomai naa i muli mai ma de malangilangi ai. Gai gilaadeu ne tala bolo gilaadeu ni dangada henua gee, gai ni dangada e nnoho gaainga i henua i lalo.

Ephesians 3:15

go de ia o denga huaabodu alodahi i de langi ma henua i lalo ne hagaingoo ai,

Matthew 10:25

Gai tangada e agoago i daho dahi gi malangilangi noo ia gu bei dagodo o dono dangada agoago, gai tangada hai hegau gi malangilangi noo ia gu bei dagodo o dono dangada aamua. Noo dangada e hagahi ange Beelzebul gi tangada aamua o de hale, gai e kii ange naa donu de baubau mee alaadeu e hagahi ange gi dangada i dono hale.

Hebrews 13:14

Go hiidinga kinei e deai donu sedaadeu aduhale e dagodo ga hano ai, aagai gidaadeu e ssala de aduhale gu dai humai laa.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.