Ephesians 2:16 - De Beebaa Dabu

¹⁶ Gai ia ga hagadanuaa ange ai gidaadeu alodahi gi de Maadua, ga hai gilaadeu gu se huaadangada e dahi, i hiidinga dono magau i honga de laagau lui, gai ia ga hai ai gi deai se hagadau kino.

Ephesians 2:16 Referans Kwoze

Romans 5:10

Gai noo de masavaa odaadeu ni hagadaumee ai niio de Maadua, gai gidaadeu ne hagadanuaa odaadeu magavaa ma de Maadua, i de magau o dana Dama, gai dee hee maa ai naa de kii ange taadeu maua de hagamouli i hiidinga o dono mouli, i dua de hagadanuaa oodou magavaa ma de Maadua.

Colossians 2:14

ia ne ssolo adaadeu muli gu daohi laa ma e hai baasi mai ai gi gidaadeu i de hainga; gai ia ne kave mee nei ga daudau ange gi de laagau lui.

Ephesians 2:15

i dana hai gi deai haigamaiana o denga hainga ma hagamodu. Gai ia ga hai ai luu hagabuulingaa dangada laa gi dahi donu huu i ono lodo, gai ia ga hagadanuaa ai olaau magavaa.

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

Romans 8:7

Go hiidinga maanadu a de angaanga e hagadaumee ange donu gi de Maadua, ma tee hagallongo ange gi hainga a de Maadua, gai e dee maua donu i de hai mee nei.

Romans 6:6

Gidaadeu e iloo bolo odaadeu mouli duai gu daudau i de laagau lui madali ia, e oha ai ssauaa o de haisala, gi dee nnoho ai gidaadeu i lalo ssauaa o de haisala.

1 Corinthians 10:17

Go hiidinga e dahi donu huu duudangaa pelaoaa, gai e soa gidaadeu e hai ai de angaanga daudahi, go hiidinga gidaadeu alodahi e gai dahi pelaoaa daudahi.

Ephesians 3:6

Deenei de mee nogo dee iloo laa: denga Gentile gu dau hogi i de boolonga madali de gau Ssuu, gilaadeu alodahi gu dau ange gi de angaanga daudahi, ma de kave de hagatoo donu i lodo o Klisdo Iesu i de longo danuaa.

Ephesians 4:4

E dahi donu huu angaanga, e dahi donu huu Hagasaalunga, bei doodou hai ne hagahia ai naa gi gaavee de tali hagalodolodo e dahi laa donu huu;

Colossians 3:15

Gai de baba o Klisdo gi dagina oodou lodo, go hiidinga goodou ne hagahi gi dau ange gi de angaanga e dahi. Gai goodou gi hagaahe ange de abodonu.