Ephesians 2:10 - De Beebaa Dabu

¹⁰ Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

Ephesians 2:10 Referans Kwoze

Philippians 2:13

i hiidinga go de Maadua donu e hai hegau i oodou lodo, ga hai ai goodou gi llodo ma de maua i de hai ono mee e malangilangi ai.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

2 Corinthians 5:17

Deenei ai, noo tangada gu noho i lodo o Klisdo, ia gu se dangada hoou. Mee duai gu llilo; tilo, mee hoou gu daamada.

2 Corinthians 9:8

Gai de Maadua gi hagalaumalie ina dono abodonu adu gi goodou, gi deai ai oodou mee e duasala ai i masavaa alodahi, gai gi maua ai e goodou i de hai denga hegau danuaa alodahi.

Ephesians 4:24

ga hakahu goodou i tangada hoou, ne hai laa ga bei de hagadulagi o de Maadua i de heohi abodonu laa aama de dabu.

Philippians 1:6

Gai au e iloo abodonu bolo de Maadua ne damadaa ina laa de hegau danuaa i oodou lodo naa, e duudagi naa donu de hegau naa ga dae ai gi dana hagalava i de laangi o Klisdo Iesu e ahe mai ai.

2 Timothy 3:17

e hagadabena ange ai tangada o de Maadua gi denga hegau danuaa alodahi.

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

2 Timothy 2:21

Deenei ai, noo tangada e hagagilimalali ia mai i mee e dee hagadubu, gai ia e hai ga se goloa e hai ai hegau hagamogomogo, gai gu vvae gee e hai gi dabu, ma de haigamaiana ange gi tangada aamua o de hale gai gu baba ange e hai denga hegau danuaa alodahi.

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Isaiah 43:21

go dangada aagu ne hai e hai ai ogu dangada, gai gilaadeu ga tala ai dogu tuhi.

Ephesians 1:4

Gai ia ne hili gidaadeu i mua de hai o henua i lodo o Klisdo, gai ia ga hai ai gidaadeu gi dabu ma tee haisala i mada luoono mada i de aloha.

1 Timothy 6:18

Gilaadeu gi haia tanuaa, ma de hagaduu ngae i denga hegau danuaa, gai gilaadeu gi paba ange ma de malangilangi i de abodonu ange gi dangada.

Titus 3:14

Gai balea ange odaau dangada gi agoagona de hai denga hegau danuaa, gi maua ai e gilaadeu i de bale ange dangada gu duasala abodonu, gilaadeu gi dee ngadi nnoho.

Hebrews 10:24

Gai gidaadeu ga maanadu taadeu hai e hagadau hagammahi ange ai gidaadeu gi de aloha ma denga hegau danuaa,

Titus 3:8

Muna nei ni muna abodonu. Gai au e lodo koe gi hagamanadua ina ange gi dangada mee nei, gi kana ange ai dangada gu hagadonusia laa de Maadua gi haia denga hegau danuaa. Mee nei ni mee e danuaa ma de haigamaiana ange gi dangada alodahi.

Colossians 3:10

gai gu kahu i tangada hoou, e hagahoou laa i doodou iloo dagodo o de ia ne haia goodou.

Titus 2:7

Gai koe haia doo mouli gi se hagaago danuaa i au hegau alodahi e hai. Gai koe gi agoago i de lodo se muna abodonu gai e dee hai gi ni mee e hakadanga ai,

1 Corinthians 3:9

Gai gimaau ni dangada e hai hegau madali de Maadua; gai goodou go de veelenga a de Maadua aama de hale o de Maadua.

1 Peter 2:12

Gai goodou gi dahulinga danuaa i magavaa o denga Gentile, e dee galemu donu delaadeu tala bolo goodou e hai de baubau, gai ga gidee naa huu e gilaadeu oodou hegau danuaa, gai gilaadeu ga tuhi de Maadua i dono laangi e humai ai.

Titus 3:1

Gai hagamanadua ange gi dangada gilaadeu gi hagadubu ina denga dagi ma gilaadeu iai ssauaa e dagi ai, gilaadeu gi daudali i alaadeu muna, ma de hai gi paba ange gilaadeu gi denga hegau danuaa alodahi;

1 John 2:6

be goai e hagadaba bolo ia e noho i lodo o de Maadua, gai ia gi seesee bei de hai o Iesu ne seesee ai laa.

Psalm 138:8

Tagi Maolunga e hagasula naa dana hagatau mai gi de au; Tagi Maolunga, doo abodonu e dagodo ga hano ai. Koe gi dee dilia dangada aau ne hai i luoo lima.

Isaiah 29:23

Gai ga gidee naa huu e gilaadeu alaadeu dama, go gilaadeu aagu ne hai i olaadeu magavaa, gai gilaadeu ga hagadabu dogu ingoo; gilaadeu e tala naa bolo de Ia Dabu o Jacob e dabu, gai gilaadeu e maatagu naa i de Maadua o Israel.

Matthew 5:16

Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.

John 3:21

Gai tangada e haia de mee heohi e humai gi de maalama, gi gidee danuaa ai bolo ana hegau ni mee mai i daho de Maadua.”

Psalm 51:10

De Maadua, hagagilimalali ina ogu lodo, gai hagahoou ina de hagasaalunga heohi i ogu lodo.

2 Thessalonians 2:17

ga hagaaneane ai oodou lodo aama de hagammahi goodou i hegau danuaa alodahi aama de tala muna danuaa.

Romans 8:29

Go hiidinga gilaadeu a de Maadua gu iloo i mua, gu lava hogi i dana hagatau bolo gilaadeu e hai naa gi bei dagodo o dana Dama, gai ia ga hai ai dana Dama go tama madua i magavaa o denga hai daina soa.

Acts 9:31

Aagai denga nohoanga dabu alodahi i Judea ma Galilee aama Samaria gu nnoho paba ma de hagadagadaga age. Gilaadeu gu hai hegau i de madagu i Tagi Maolunga ma de hagaaneane i daho de Hagasaalunga Dabu, gai gilaadeu gu hagadaga ange donu de soa.

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Isaiah 60:21

Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.

2 Corinthians 5:5

Gai de ia e hagadabena ina ange gidaadeu gi de mee nei go de Maadua, ne gaamai laa gi gidaadeu de Hagasaalunga ⌊Dabu⌋ e hagadonu ai de mee nei.

Isaiah 44:21

Jacob, manadua mee nei, Israel, go koe dogu dangada hai hegau. Go au ne haia goe, go koe dogu dangada hai hegau; Israel, au e dee ngalo donu goe.

1 Timothy 5:25

Gai e bei ai hogi, hegau danuaa a hanu e iloo danuaa donu; aagai hegau danuaa tigi iloo laa e dee maua donu i de hagammuni.

1 Timothy 2:10

aagai gilaadeu gi dahulinga danuaa, go mee e heohi i hai a denga hine e hagataba laa, bolo gilaadeu ni dangada e daumaha ange gi de Maadua.

Deuteronomy 5:33

Goodou daudali i muna alodahi a Tagi Maolunga doodou Maadua gu tala adu gi goodou, gi mouli ai goodou ma de nnoho paba, gai gi daulooloa ai doodou nnoho i honga de henua oodou ga hulo naa e kave.

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.

Acts 9:36

Gai e dahi hahine gu hagadonusia e noho i Joppa, dono ingoo go Tabitha, e bei Dorcas i muna Greek. De hine laa ne lagolago ana hegau danuaa ne hai ma de abodonu ange gi de gau hagaau aloha.

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Isaiah 19:25

Gai Tagi o denga hagabuulinga hebagi gu hagamanuuia naa gilaadeu, ga hai ange, “E manuuia ogu dangada go de gau Egypt, ma de gau Assyria aagu ne hai laa i luoogu lima donu, aama de gau Israel, dogu boolonga.”

Psalm 119:3

gai e dee hai hegau i mee dee heohi, aagai gilaadeu e seesee i ono lodo.

Psalm 81:13

Mee naa gi hagallongo mai ogu dangada gi de au, gai Israel gi daudali i ogu lodo!

Galatians 6:15

Gai e deai donu haigamaiana taadeu tuu dagaholiage aabe go taadeu dee tuu dagaholiage, gai de mee hagamogomogo go de mouli hoou.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

Deuteronomy 32:6

De gau ssenga ma teai oodou mee e iloo, deenei doodou hai e hagao ange ai Tagi Maolunga? E dee go ia doodou Damana ne haia ina goodou, ma de hai goodou ga se huaahenua?

Ephesians 2:2

go doodou hai nogo mouli ai, goodou ne daudali i dahulinga o henua i lalo nei, ma de daudali ange i tagi mmahi o lo te langi, go de hagasaalunga e hai hegau i lodo o dangada e dee hagallongo ange gi de Maadua.

Isaiah 43:7

dangada alodahi e hagaingoo i dogu ingoo, go gilaadeu aagu ne hai e hagamahamaha ai au, gai go gilaadeu aagu ne hagaholi aama de hai.”

Ephesians 1:1

Mai i daho Paul, tangada tala o Klisdo Iesu, bei dagodo de hagatau a de Maadua. Ange gi dangada o de Maadua i Ephesus, e hai hegau laa i de mee abodonu i lodo o Klisdo Iesu.

Ephesians 2:6

Gai de Maadua ne hagamouli age gidaadeu madali Klisdo ga hai gidaadeu gi nnoho madali ia i denga mommee i de langi i lodo o Klisdo Iesu,

Ephesians 2:13

Aagai iainei goodou gu nnoho i lodo o Klisdo Iesu; i mua gai goodou e mmao gee i de ia, aagai iainei gu gaamai gi paa mai i dodo o Klisdo.

Ephesians 2:15

i dana hai gi deai haigamaiana o denga hainga ma hagamodu. Gai ia ga hai ai luu hagabuulingaa dangada laa gi dahi donu huu i ono lodo, gai ia ga hagadanuaa ai olaau magavaa.