Ephesians 2:1 - De Beebaa Dabu

¹ Gai goodou ne maakau i hiidinga o denga hegau dee heohi ma denga haisala,

Ephesians 2:1 Referans Kwoze

Colossians 2:13

De masavaa oodou goi maakau ai i de baasi gi de hagasaalunga ma de nnoho i lodo oodou haisala, gai tigi tuu dagaholiage oodou angaanga, gai de Maadua ne hai goodou gi mouli age madali Klisdo, ga degi mai gi odaadeu haisala alodahi,

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

Ephesians 4:18

Alaadeu maanadu e kona mmao de gohu, gilaadeu gu vvae gee i de mouli o de Maadua, i hiidinga delaadeu llodo ssenga ma de makaga olaadeu lodo;

John 5:21

Gai e bei donu de hai a Tamana e hagamouli age ai laa de gau maakau, ga gaavange gi gilaadeu de mouli, gai e bei ai hogi, Tama e gaavange de mouli gi gilaadeu aana e lodo e vange aagena.

1 John 3:14

Gidaadeu e iloo bolo gidaadeu gu ssao ma gu hulo gee i de magau gai gu ulu i de mouli, go hiidinga gidaadeu e aaloha i denga daina. Tangada e dee aloha gu noho donu i lalo de magau.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

1 Timothy 5:6

Aagai de hine gu magau dono bodu gai e hagamalangilangi donu huu ia gu magau donu, e dee galemu donu ia goi mouli huu.

John 5:25

Ni muna abodonu, ni muna abodonu aagu e hai adu nei gi goodou, gu dae mai donu de aoaa a de gau maakau e langona ai de leo o Tama Daane a de Maadua; gai gilaadeu alodahi e langona e mouli age naa.

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

John 10:10

Tangada gaiaa se humai e gaiaa, ma de daa gi maakau aama de oha; au ne humai gi maua ai e gilaadeu de mouli, go de mouli e honu abodonu.

Revelation 3:1

“Gai siia ange muna nei gi tangada de langi o de nohoanga dabu i Sardis: Aanei muna mai i daho de ia e nnoho laa denga hagasaalunga dogohidu o de Maadua i ono daha, ma de daohi denga heduu e hidu laa. Au e iloo dagodo o au hegau. Koe e hagabinga bolo e mouli, aagai koe e magau donu.

Luke 15:32

Gai e danuaa taadeu gaimee ga lodo danuaa ma de malangilangi, go hiidinga doo daina daane gu magau, aagai gu mouli age ange hogi; ia gu dee maleva, gai gu gidee ange hogi.’ ”

Luke 15:24

Go hiidinga dagu dama daane nei gu magau, aagai gu mouli age ange hogi. Ia gu dee maleva, gai gu gidee ange hogi.’ Aagai gilaadeu ga daamada de gaimee ma de lodo danuaa.

Matthew 8:22

Aagai Iesu ne hai ange gi de ia, “Daudali mai i de au, gai dugua ange gilaadeu e maakau gi danumia alaadeu maakau.”

2 Corinthians 5:14

Go hiidinga de aloha o Klisdo e usuusu mai gimaadeu, i hiidinga gimaadeu gu iloo de mee nei: e dahi ne magau i hiidinga o dangada alodahi, deelaa ai, dangada alodahi gu maakau madali ia.

Genesis 8:21

Gai Tagi Maolunga gu dungua de kala o ssigidaumaha laa, gai Tagi Maolunga ga hagadaba i ono lodo: “Au gu dee ahe ange naa donu e hagamalaia de gelegele i hiidinga o dangada, e dee galemu donu maanadu i lodo o tangada, e baubau donu mai i dono gauligi. Au gu dee ahe ange naa donu e daa gi maakau mee alodahi e mouli, bei dagu hai ne hai ai nei i de haonga nei.