Ephesians 1:18 - De Beebaa Dabu

¹⁸ ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Ephesians 1:18 Referans Kwoze

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Luke 24:45

Gai ia ga hhuge alaadeu maanadu gi tonu ange ai gilaadeu gi muna a de Beebaa Dabu.

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Ephesians 5:8

Go hiidinga i mua goodou e gohu, gai iainei goodou gu maalama i lodo o Tagi Maolunga; deenei ai, goodou mouli bei dagodo o dama a de maalama,

Ephesians 3:16

gai ia ga hai ai gi mmahi oodou lodo i ssauaa o dono Hagasaalunga, bei dagodo de laumalie o dono mahamaha,

Ephesians 4:4

E dahi donu huu angaanga, e dahi donu huu Hagasaalunga, bei doodou hai ne hagahia ai naa gi gaavee de tali hagalodolodo e dahi laa donu huu;

Psalm 119:18

Koe gi huugea luoogu ganomada, gi donu ange ai au gi mee hagalele mouli i lodo au hainga.

Titus 3:7

gi dau ai gidaadeu i de boolonga, ma de dahi adaadeu tali hagalodolodo ange gi de mouli e dee ngado mai, i hiidinga gidaadeu gu hagaheohi i de abodonu o de Maadua.

Isaiah 42:7

e hhuge ai ganomada o dangada e dee kide laa, ma de hagassao mai ai gilaadeu e nnoho i lo te hale pono ma lo te gohu.

2 Thessalonians 1:11

Deenei ai, gimaadeu e dalodalo i goodou i masavaa alodahi, gai de Maadua ga hai ai gi heohi ange goodou gi de kave dana hagahi, ma de hagammahi goodou gi haia tanuaa aama hegau alodahi o de gai i dono sauaa,

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

1 Timothy 6:12

Gai koe gi hagaduu ngae i de hebagi danuaa o de gai. Haia gi maua e goe de kave de mouli e dee ngado mai, go de mee oou gu hagahi ange naa aagena i dau masavaa ne tala hagadonu ai doo gai i madamada o de gau hagadonu soa.

Isaiah 29:10

Tagi Maolunga gu hai goodou gi bei tangada seni magau: ia gu haoli oodou ganomada (bei denga pelaabisi), ia gu haoli oodou biho (bei dangada e daalaa mee e loomai).

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Hebrews 10:32

Goodou manadua oodou dagodo i denga laangi i mua, i dua de maalama oodou lodo; goodou ne golomagi oodou lodo gai ne tuu ga makaga i de masavaa ne kona ai doodou hagaduasala.

1 Thessalonians 2:12

gimaadeu ne hagakana ange goodou, ma de hagaaneane aama de hagammahi adu goodou gi mouli bei dagodo e heohi ange laa gi de Maadua, ne hagahia ange goodou gi dono nohoanga hodooligi ma dono mahamaha.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Isaiah 32:3

Gai ganomada o dangada e gidee laa gu dee pono donu, dalinga o dangada e langona laa e hagallongo naa donu.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

1 Thessalonians 5:8

Aagai go hiidinga gidaadeu ni dangada niio de laangi, gidaadeu ga dagitilo, ga hagauda de gai ma de aloha bei de mee dau i hadahada, aama de goobai go de tali hagalodolodo ange gi de hagamouli.

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Matthew 13:15

Go hiidinga de huaadangada nei e makaga olaadeu lodo, gai olaadeu dalinga gu longoduli, gai gu pono olaadeu ganomada; kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

Hebrews 6:4

Gai noo dangada gu maalama olaadeu lodo, gai gilaadeu gu mamia ange de mee ngadi gaavange mai i de langi, ma de kave de Hagasaalunga Dabu,

Colossians 3:15

Gai de baba o Klisdo gi dagina oodou lodo, go hiidinga goodou ne hagahi gi dau ange gi de angaanga e dahi. Gai goodou gi hagaahe ange de abodonu.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Ephesians 2:12

goodou manadua bolo de masavaa laa, gai goodou e vvae gee mai i Klisdo, goodou e dee dau madali de gau Israel, gai ni dangada i tua de mee, e dee dau i hagatoo donu hagaheloongoi, e deai soodou tali hagalodolodo, gai e deai donu soodou Maadua i henua i lalo.

Galatians 5:5

Gai gidaadeu e hagaduu ngae i de tali hagalodolodo ange gi taadeu hagaheohi i de Hagasaalunga ⌊Dabu⌋ i de gai.

Isaiah 29:18

De laangi laa gai de gau longoduli e langona naa muna i lo te beebaa mulo laa, gai gilaadeu e dee kide ma de nnoho i lo te gohu e aala naa olaadeu ganomada ga gidee.

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

Acts 16:14

Gai e dahi hahine i kilaa ne langona amaadeu agoago, dono ingoo go Lydia. Ia se hine e hagao ina denga malo purple, gai se hine mai i Thyatira e daumaha ange gi de Maadua. Gai Tagi Maolunga ne hhuge ono lodo gi hagalaangona ai e ia muna a Paul.

Philippians 3:14

Au e hagaduu ngae e houhou ange gi maua e au de hagaoanga i de hagaodi, a de Maadua ne hagahi mai au gi gaavee madali Klisdo Iesu.

De Beebaa go Job 42:5

Au gu langona oo dagodo, gai iainei au gu gidee goe;

Isaiah 11:2

De Hagasaalunga o Tagi Maolunga e noho naa i ono daha — go de Hagasaalunga o de heiangi, ma de donu ange, ma de Hagasaalunga o de hagasaele heohi ma de mmahi, ma de Hagasaalunga o de iloo mee, ma de madagu i Tagi Maolunga —

Mark 10:17

De masavaa o Iesu ne daamada ai de seesee e hano gee i kilaa, gai dahi daane ne savini mai ga duuduli i ono mada i mua ga ssili ange gi de ia, “Tangada Agoago danuaa, se aha aagu e hai gi maua ai e au de mouli e dee ngado mai?”

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

Romans 11:29

Go hiidinga de mee ngadi gaavange ma de hagahi a de Maadua e dee maua donu i de sui.

Colossians 1:12

gai hagaahe ange de abodonu gi Tamana; go ia ne haia ga maua e gidaadeu i de kave de boolonga o dangada o de Maadua i de nohoanga hodooligi o de maalama.

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

Colossians 2:2

Au e hai de mee nei e hagalo taane ange ai olaadeu lodo ma de buni i de hagadau aaloha, gi honu danuaa ai delaadeu tonu ange ma de iloo de hagatau a de Maadua e dee iloo laa, go Klisdo.