Ephesians 1:13 - De Beebaa Dabu

¹³ Goodou gu dau hogi madali Klisdo, i de masavaa oodou ne langona ai de muna abodonu, go de longo danuaa oodou ne hagamouli ai, ma doodou hagadonusia ia, ga hagailonga i de Hagasaalunga Dabu gu lava laa i de hagatoo donu ai,

Ephesians 1:13 Referans Kwoze

2 Corinthians 1:22

ma de maaga gidaadeu i dono hagailonga, i dana gaamai dono Hagasaalunga gi noho i odaadeu lodo e hagadonu ai mee e loomai.

Ephesians 4:30

Gai goodou gi dee hagadaemaha ina de Hagasaalunga Dabu o de Maadua, go de ia oodou ne hagailonga ange ai gi de laangi e hagahonu ai doodou hagaola.

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

1 Thessalonians 2:13

Gimaadeu e hagaahe ange hogi de abodonu gi de Maadua i masavaa alodahi, go hiidinga de masavaa oodou ne kave ai muna a de Maadua oodou ne langona laa i omaadeu daha, gai goodou tee kave bei dagodo muna a dangada, aagai ne kave bei ono dagodo donu, go muna a de Maadua, gai gu hai hegau i lodo o oodou gu hagadonusia laa.

Romans 4:11

Gai dono tuu dagaholiage se hagailonga, e maaga ai dono hai ga se dangada e heohi i de gai, i de masavaa oona tigi tuu dagaholiage ai. Deenei ai, go ia tamana o dangada alodahi e hagadonusia aagai tigi tuu dagaholiage. Gilaadeu gu dau gi ni dangada e heohi i olaadeu kai.

Titus 2:11

Go hiidinga de abodonu o de Maadua ne hagaago mai, gi hagamouli ai dangada alodahi,

Galatians 3:14

gai gi maua ai hogi e denga Gentile i de kave de manuuia o Abraham i daho Klisdo Iesu, gai gi maua ai e gidaadeu i de kave de Hagasaalunga gu hagatoo donu laa i de gai.

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

John 14:26

Gai de Ia Bale, go de Hagasaalunga Dabu, go de ia a Tamana e hai gi humai i dogu ingoo, e agoago adu goodou i mee alodahi, ma de hagamaanadu adu gi goodou mee alodahi, aagu gu lava i de tala adu gi goodou.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

Luke 24:49

Gai tilo, au e hai naa gi hano iho gi oodou elunga, de ia a dogu Damana gu hagatoo donu laa. Aagai goodou nnoho i de aduhale nei, ga dae ai gi doodou kave ssauaa mai i de mommee maolunga.”

Psalm 119:43

Koe gi dee aaua gee au muna heohi mai i lo togu ngudu, go hiidinga dagu tali hagalodolodo go au hagamodu.

1 Peter 2:10

I mua gai goodou e dee se huaahenua, aagai iainei goodou go de huaahenua o de Maadua; i mua gai goodou tee kave tegi o de Maadua, aagai iainei goodou gu kave hogi dono degi.

Romans 6:17

Aagai de abodonu ange gi de Maadua! I mua gai goodou ni mee hai hegau niio de haisala, aagai iainei goodou gu hagallongo ange gi mee oodou gu agoago ai, i oodou lodo alodahi.

Acts 1:4

Dono masavaa nogo noho ai i olaadeu daha, gai ia ne hai ange gi gilaadeu, “Goodou e dee hulo gee mai i Jerusalem, gai goodou nnoho daalia de hagatoo donu a Tamana, go mee oodou gu langona mai i ogu daha.

John 15:26

“De masavaa naa huu o de Ia Bale e humai ai, go de ia aagu e hai gi humai i daho Tamana — go de Hagasaalunga o de muna abodonu, e humai laa i daho Tamana — gai ia ga tala hagadonu adu ogu dagodo.

Acts 13:26

Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu.

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

Luke 11:13

Goodou ni dangada baubau, gai goodou e iloo de hai e gaavange ai mee danuaa gi oodou dama. Aagai doodou Damana i de langi, e kii ange donu dono lodo e gaavange de Hagasaalunga Dabu gi gilaadeu e dangidangi ange ai gi de ia!”

Revelation 7:2

Gai au ne gidee ange hogi dahi dangada de langi e hanage i baasi i dua, gai ia e poo de mee hagamakaga a de Maadua e mouli laa. Gai ia ne oo ga hai ange gi denga dangada de langi e dogohaa laa, go de gau de langi gu gaavange laa aagena ssauaa e oha ai honga de henua ma honga tai,

James 1:18

Gai ia ne lodo e hagadili gidaadeu i de muna abodonu, gai ia ga hai ai gidaadeu go hua i taamada o mee alodahi aana ne hai.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

2 Timothy 3:15

Gai koe e iloo bolo mai i doo gauligi, gai koe gu iloo muna o de Beebaa Dabu, e maua laa i de gaavadu gi de goe de heiangi e dagina ange laa goe gi de hagamouli i doo gai ange gi Klisdo Iesu.

2 Timothy 2:15

Gai koe hagaduu ngae haia gi se dangada goe e hagamalangilangi ina de Maadua, se dangada hai hegau e dee dogaa, gai e maua i de agoago muna a de Maadua gi heohi.

Ephesians 4:21

Goodou gu langona ono dagodo ma de agoago i de mee abodonu i lodo o Iesu.

2 Corinthians 6:7

ma de tala de muna abodonu, ma ssauaa o de Maadua, ma denga goloa hebagi o de heohi i de lima madau ma de lima masui;

John 3:33

Gai tangada e hagadonusia ana muna gu tala hagadonu bolo de Maadua e hai hegau i de mee abodonu.

James 1:21

Deenei ai, goodou dilia denga dahulinga hakino gee ma dahulinga baubau alodahi, gai daohia agoago gu daakodo laa donu i oodou lodo, i de lodo maolalo, go muna e maua i de hagamouli goodou.