Ephesians 1:11 - De Beebaa Dabu

¹¹ Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Ephesians 1:11 Referans Kwoze

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

1 Peter 1:4

gai gidaadeu ga tali ai e kave de boolonga e dee maua laa gi lilo, gai e dee maua gi bobo aabe e mmae, gai gu hagadabena adu gi goodou i de langi,

Ephesians 1:14

go de ia e hagadonu ai taadeu boolonga ga dae ai gi taadeu kave de mee gu bolo mai laa gi gidaadeu, gai gidaadeu ga tuhi ai dono mahamaha.

Ephesians 3:11

De mee nei ne hai bei dagodo o dana hagatau dee ngado mai gu lava laa i de hagassula i daho Klisdo Iesu taadeu Dagi Maolunga,

Ephesians 1:5

Gai ia gu hagatau i mua e hai gidaadeu gi ni dama niiana, i dono aloha i gidaadeu, i hiidinga hegau a Iesu Klisdo, bei dagodo o dono malangilangi ma dono lodo —

Galatians 3:18

Gai noo de boolonga nei ne dagelo ange gi de hainga, gai gu dee maua ai loo i de dagelo ange gi de hagatoo donu; aagai de Maadua ne hai ange de boolonga nei gi Abraham i dahi hagatoo donu.

Hebrews 6:17

Gai e bei ai hogi, de masavaa a de Maadua ne lodo ai e hagaago ange gi gilaadeu aana gu hagatoo donu ange aagena, bolo dana hagatoo donu e dee sui donu, gai ia ne hagadonu de mee nei i dahi hagatoo donu soe,

Titus 3:7

gi dau ai gidaadeu i de boolonga, ma de dahi adaadeu tali hagalodolodo ange gi de mouli e dee ngado mai, i hiidinga gidaadeu gu hagaheohi i de abodonu o de Maadua.

Romans 8:17

Gai noo gidaadeu gu ni dama donu, aagai gidaadeu gu dau i de boolonga o de Maadua madali Klisdo; noo gidaadeu e kave de hagaduasala madali Klisdo, gai gidaadeu e kave donu hogi de mahamaha madali ia.

Colossians 1:12

gai hagaahe ange de abodonu gi Tamana; go ia ne haia ga maua e gidaadeu i de kave de boolonga o dangada o de Maadua i de nohoanga hodooligi o de maalama.

Colossians 3:24

Gai goodou e iloo bolo goodou e kave donu de hagaoanga o oodou hegau mai i daho Tagi Maolunga, i hiidinga goodou e hai hegau ange donu gi Tagi Maolunga go Klisdo.

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Acts 20:32

Aagai iainei au e dugu ange goodou gi de Maadua gi diiloo ange, aama dono abodonu, go ia e maua i de hagatuu goodou gi makaga, ma de hai gi maua e goodou de manuuia madali dangada alodahi gu lava i de vvae gee.

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

Acts 20:27

go hiidinga au tee hagammuni donu dahi mee i goodou, gai ne tala adu gi goodou lodo alodahi o de Maadua.

Acts 4:28

Gai gilaadeu ga hagassula ai au mee alodahi gu hagamodu e hai i doo sauaa ma dau hagatau.

Jeremiah 32:19

au hagatau e danuaa mmao gai au hegau e mmahi mmao. Koe e gidee dagodo hegau alodahi a dangada, gai koe e hagao ange hegau a dangada gi bei alaadeu hegau.

Psalm 37:18

Tagi Maolunga e iloo laangi o olaadeu e dee haisala, gai delaadeu boolonga e dagodo ga hano ai.

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

Romans 11:34

“Goai e donu ange gi maanadu a Tagi Maolunga, gai goai e balea ange ana hagasaele?

Zechariah 6:13

Go ia e hagaduulia de temple o Tagi Maolunga, ma de kave de hagadubu o denga hodooligi, gai ia ga hodooligi ai i honga dono nohoanga hodooligi. Gai e dahi naa hogi dangada haimeedabu e balea dono nohoanga hodooligi, gai gilaau e hagadau bale naa ma de heloongoi.’

Jeremiah 23:18

Gai goai de gilaadeu gu duu laa mada luu mada o Tagi Maolunga e hagallongo ai ana muna? Gai goai de gilaadeu gu kana ange laa ma gu hagalaangona ana muna?

Isaiah 28:29

De mee nei ne humai hogi i daho Tagi o denga hagabuulinga hebagi, se ia e haia hagasaele ma de honu i de iloo mee.

Isaiah 5:19

gai dangada e hagataba laa, “Tagi Maolunga gi hagamoolau, ia gi moolau de hai ana hegau gi gidee ai gimaadeu. Haia mee nei gi tae mai, gai gi moolau de hai hegau a de Ia Dabu o Israel, gi iloo ai e gimaadeu!”

Deuteronomy 4:20

Aagai Tagi Maolunga ne poo oodou lima ga hagassao mai goodou i lo te ahi mmahi e hagavaivai ina laa baalanga, go Egypt, ma de hai goodou go de huaadangada o dono boolonga, bei oodou dagodo anailaa nei.

Proverbs 8:14

Muna bale ma de heiangi abodonu e daakodo i ogu daha, au e dahi ogu donu ange ma de mmahi.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Ephesians 1:8

gu hagadohu mai laa hogi gi gidaadeu i de heiangi alodahi ma de iloo mee.

De Beebaa go Job 12:13

De Maadua e heiangi ma de mmahi; go ia iai de hagasaele heohi ma de donu ange.

De Beebaa go Job 33:29

Tilo, de Maadua e hai ange mee alodahi gi tangada, i e lua aabe dolu hanonga,

Isaiah 25:1

Tagi Maolunga, go koe dogu Maadua; au e hagaamua goe ma de tuhi doo ingoo; koe gu hai denga mee hagalele mouli, ma mee aau gu hagatau e hai madagidagi loo, i hiidinga koe e hai hegau i de mee abodonu ma de heohi.

Acts 13:48

Gai ga langona huu e denga Gentile muna nei, gai gilaadeu gu malangilangi ma de tuhi muna a Tagi Maolunga; gai alodahi gu hagamodu ange gi de mouli e dee ngado mai gu hagadonusia.

Romans 8:29

Go hiidinga gilaadeu a de Maadua gu iloo i mua, gu lava hogi i dana hagatau bolo gilaadeu e hai naa gi bei dagodo o dana Dama, gai ia ga hai ai dana Dama go tama madua i magavaa o denga hai daina soa.

Romans 8:30

Gai gilaadeu aana gu lava laa i de hagatau olaadeu dagodo gu lava hogi i dana hagahi, gai gilaadeu aana gu hagahi laa gu lava hogi i dana hai gi dabu; gai dangada aana gu hai laa gi dabu gu lava hogi i dana hagamahamaha.

Romans 9:11

gai i mua de haanau o luu dama daane laa, tigi haia hogi e gilaau tanuaa aabe go de baubau — gai gi hagassula ai de hagatau a de Maadua i dana hilihili e dee maua laa i de sui, gai e dee go hiidinga hegau a dahi, aagai go hiidinga o dana hagahi —

Ephesians 1:9

Gai ia ga hai ai gi iloo e gidaadeu dana hagatau e dee iloo laa, bei dana hagatau gu hai laa i daho Klisdo,

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.