Ecclesiastes 9:13 - De Beebaa Dabu

¹³ Au gu gidee hogi ma de lele ogu mouli i de hagadagodo o de heiangi i lalo de laa.

Ecclesiastes 9:13 Referans Kwoze

Ecclesiastes 8:16

De masavaa aagu ne ssala ai gi iloo au i de heiangi ma de tilo hegau kona a tangada i henua i lalo — gai ia e dee seni donu i de laangi ma de boo —

Ecclesiastes 7:15

Dogu noho i de mouli deai nei ono haigamaiana, gai au gu gidee luu mee nei ngaadahi: tangada heohi e magau gai ia e hai hegau i de heohi, gai tangada baubau e daulooloa dono mouli gai ia e hai de baubau.

Ecclesiastes 6:1

E dahi hogi mee baubau aagu gu gidee i lalo de laa, gai e hagadaemaha ange gi dangada:

Ecclesiastes 9:11

Au ne gidee ange dahi mee i lalo de laa: de saavini houhou e dee se mee ange donu huu gi tangada gemo, taua e dee se mee ange donu huu gi tangada mmahi; denga gai e dee ni mee ange donu huu gi tangada heiangi, gai de lava e dee se mee ange donu huu gi tangada iloo mee, gai de abodonu e dee se mee ange donu huu gi tangada gu agoagona; aagai de masavaa ma mee e hai ni mee ange gi gilaadeu alodahi.

2 Samuel 20:22

Gai de hine laa ne hano ga basa ange gi dangada i de iloo mee. Gai gilaadeu ga tuu de ua o Sheba, tama daane a Bicri, ga maga iho gi Joab. Gai a Joab ga ili de hanga manu, gai denga daane alodahi gu hulo gee mai i luu baasi de aduhale laa, ga aahe gi olaadeu hale. Gai Joab ne ahe hogi gi daho de hodooligi i Jerusalem.

Ecclesiastes 7:19

De heiangi e hai tangada heiangi gi mmahi ange i e dinoangahulu dagi o dahi aduhale.

Ecclesiastes 9:12

E dahi ange mee: e deai donu se dangada e iloo dono masavaa: de mamu e buulou i lo te galauna baubau, gai de manu lele e noodia i dahi sele, gai e bei ai hogi dangada e gaavee i denga masavaa baubau e daa hagalele laa donu huu de dae mai gi gilaadeu alodahi.

Ecclesiastes 9:14

E dahi damaa aduhale e sogoisi dangada iai. Gai dahi hodooligi mmahi ne humai e hebagi ange aagena, ia ne duuli luu baasi ma de hagatuu denga mee e oha ai de aduhale laa.

Daniel 2:14

De masavaa a Ariok, tagi o de gau hagaloosi o de hodooligi, ne hano ai e daa gi maakau denga daane heiangi o Babylon, gai Daniel ne basa ange gi de ia i de heiangi ma muna danuaa.