Ecclesiastes 7:20 - De Beebaa Dabu

²⁰ Ni muna abodonu, e deai donu se dangada heohi i henua i lalo e haia de mee heohi e dee haisala.

Ecclesiastes 7:20 Referans Kwoze

Romans 3:23

go hiidinga dangada alodahi gu haisala gai gu dee maua i de kave de mahamaha o de Maadua,

Isaiah 53:6

Gidaadeu alodahi e bei denga ssiibi, gu ssenga saele laa, dahi ma dahi gu hano donu huu i dono haiava; gai Tagi Maolunga gu hagauda ange gi de ia odaadeu baubau alodahi.

James 3:2

E lagolago donu odaadeu mee e haisala ai, gai noo tangada e dee haisala i ana muna e tala, gai ia se dangada gu heohi abodonu, ia gu maua hogi i de dagi dono angaanga alodahi.

1 Kings 8:46

De masavaa naa huu olaadeu e haisala adu ai gi de goe — go hiidinga e deai donu se dangada e dee haisala — gai koe gu bole ga dugu ange olaadeu hagadaumee gi hagadee kii ina gilaadeu, ga noonoa gilaadeu ga kave gi delaadeu henua, e dee hilihili be se mommee mmao aabe e baa mai,

Proverbs 20:9

Goai e maua i de hagadaba, “Au e gilimalali ogu lodo; au e gilimalali, au e dee haisala donu”?

2 Chronicles 6:36

De masavaa naa huu olaadeu e haisala adu ai gi de goe — go hiidinga e deai donu se dangada e dee haisala — gai koe gu bole ga dugu ange olaadeu hagadaumee gi hagadee kii ina gilaadeu, ga noonoa gilaadeu ga kave gi delaadeu henua, e dee hilihili be se mommee mmao aabe e baa mai;

Isaiah 64:6

Gimaadeu alodahi gu bei tangada e dee gilimalali laa, amaadeu hegau heohi alodahi e bei donu huu denga bido malo hakino gee; gimaadeu alodahi gu bei de lau manu gu mmae, gai omaadeu baubau gu bei dagodo o de madangi, e hagalleva saele gimaadeu.

Psalm 143:2

Koe gi dee hagamodu ina muna o doo dangada hai hegau, go hiidinga e deai donu se dangada mouli e heohi i mada luoo mada.

Psalm 130:3

Tagi Maolunga, noo koe e golo age de baubau, de Ia Aamua, gai goai ai naa e maua i de duu?

De Beebaa go Job 33:12

Tilo, koe e dee heohi donu i de mee nei; au e basa adu gi au muna. De Maadua e maolunga ange i tangada.

Leviticus 13:39

gai tangada haimeedabu gi diiloo gili laa, gai noo denga gili laa gu daamada de mmahu, gai gili laa ni mee donu huu ne maalanga age i dono angaanga; gai tangada laa e gilimalali.

1 Samuel 20:34

Gai Jonathan ne hidi age ga hano gee mai i teebele i dono lili; gai ia tee gaimee i de lua laangi o de malama, go hiidinga ia gu lodo baubau i hiidinga o David, aama de hagadogaa a dono damana ia.

Psalm 14:1

Tangada lodo senga e hagadaba i ono lodo, “E deai donu se Maadua.” Gilaadeu alodahi e hakino gee, alaadeu hegau e hai e baubau; e deai donu se dangada e haia tanuaa.

Psalm 14:3

Gilaadeu alodahi gu daahuli gee, gilaadeu alodahi gu hakino gee; gu deai donu se dangada e haia tanuaa, gu deai donu se dangada daudahi.