Ecclesiastes 7:14 - De Beebaa Dabu

¹⁴ Malangilangi i de masavaa oou e duadonu ai, aagai koe gi donu iho i de masavaa o de hai ngadaa: go de Maadua ne haia luu mee nei ngaadahi. Deelaa ai, tangada e dee maua gi iloo dagodo o dono mouli i de masavaa e humai.

Ecclesiastes 7:14 Referans Kwoze

Ecclesiastes 3:22

Gai au gu gidee bolo de mee donu huu e danuaa ange gi tangada go dono malangilangi i de hai ana hegau, go hiidinga deenei dono duuhanga. Gai goai e maua i de hagaahe mai ia gi diiloo mee e hai i dua dono magau?

Ecclesiastes 3:4

e dahi masavaa e tangi ai, gai e dahi hogi masavaa e kada ai; e dahi masavaa e hinangalosaa ai, gai e dahi hogi masavaa e aanu ai;

Ecclesiastes 12:13

Gidaadeu gu langona mee alodahi; gai aanei muna hagaodi: koe gi madagu i de Maadua ma de daohi ana hainga; deenei donu de hegau laumalie a tangada e hai.

Deuteronomy 28:47

Go hiidinga koe tee daumaha ange gi Tagi Maolunga doo Maadua i de malangilangi ma de lodo danuaa, i de masavaa oou e lava ai,

Deuteronomy 8:3

Gai ia ne hagamaolalo goodou i dana hai ga hiikai goodou, gai ga haangai adu goodou i denga manna, ni gai niiodou ma oodou dubuna madagidagi tee iloo i mua. Ia ne hai mee nei gi tonu ange ai goodou, bolo tangada e dee mouli donu huu i pelaoaa, aagai ia e mouli i muna alodahi e tala i de ngudu o Tagi Maolunga.

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

James 5:13

Noo dahi goodou gu hai ngadaa, gai ia gi dalodalo. Noo dahi goodou e malangilangi, gai ia gi daahili gi duuhia.

Matthew 9:13

Goodou hulo haia gi iloo e goodou de hagadoonunga o muna a de Beebaa Dabu e hai ange laa, ‘Au e lodo i de degi, e dee go ssigidaumaha.’  Go hiidinga au tee humai e hagahi gilaadeu e heohi, aagai go gilaadeu e haisala.”

Micah 6:9

De leo o Tagi Maolunga e hagahi ai de aduhale — gai de heiangi abodonu go de madagu i doo ingoo — “Hagallongo ange gi de laagau haele ma de ia ne hagamodu ina.

Jeremiah 23:20

De lili o Tagi Maolunga e dee ahe dua naa donu ga dae ai gi dana hagassula de hagatau gu dagodo laa i ono lodo. Gai muli mai naa huu gai goodou e tonu danuaa ange aagena.

Psalm 119:71

Gai ne haigamaiana donu dogu hagaduasala, gai au ga agoago ai i au hainga gu hagasauaa.

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Psalm 40:3

Ia ne hai au gi daahili i dahi daahili hoou, se daahili e tuhi ai taadeu Maadua. Dangada soa e maatagu naa i delaadeu gidee, gai gilaadeu e hagadonusia naa Tagi Maolunga.

Isaiah 42:25

Deelaa ai, ia ne gaamai gi de ia de hagaduasala i de kona dono lili, ma de hebagi laumalie. Gai ne duuli luoono baasi i de ahi ula, aagai ia tee donu ange aagena; de ahi ne dudu ia, aagai gilaadeu tee maanadu dagodo o mee laa.

Ecclesiastes 12:8

Tangada Agoago e hagadaba, “E deai haigamaiana! E deai haigamaiana! Mee alodahi e deai donu haigamaiana!”

1 Kings 8:47

gai noo gilaadeu e sui olaadeu lodo i de henua olaadeu gu gaavee laa aagena, ga daahuli olaadeu lodo, ga dangidangi adu gi de goe i de henua o dangada ne hagadee kii ina gilaadeu, ga hagataba, ‘Gimaadeu gu haisala, gimaadeu gu dee heohi ma de baubau amaadeu mee gu hai,’

Deuteronomy 8:5

Gai goodou gi tonu ange bolo Tagi Maolunga doodou Maadua ne haele goodou bei de haele a tangada dana dama donu.

Deuteronomy 26:11

Gai koe ma doo huaabodu ma de aamuli o Levi, aama tangada henua gee madali goodou, ga gaimee ga malangilangi i mee danuaa alodahi a Tagi Maolunga doo Maadua gu gaavadu gi goodou.

De Beebaa go Job 2:10

Job ne hai ange, “Koe e basa donu bei dahi hahine lodo senga. E aha, go mee danuaa donu huu adaadeu e kave mai i daho de Maadua, gai e dee kave hogi denga mee hai ngadaa?” Gai a Job tee haisala donu i ana muna ne tala.

Ecclesiastes 8:7

Ia e dee iloo be ni aha e hai i laangi e loomai nei, gai goai ai naa e daalaa ange gi de ia be ni aha gu hai?

Ecclesiastes 9:7

Hannoo, gaina au gai ga malangilangi, ma de unu au uvaini ga lodo danuaa, go hiidinga de Maadua e malangilangi i dau hai mee nei.

Ecclesiastes 10:14

Tangada lodo senga e lagolago ana muna e tala. E deai dangada e iloo be ni aha e hai i muli mai; gai goai e maua i de tala be ni aha e hai i dua dono magau?

Ecclesiastes 11:9

Tama daane, koe gi malangilangi i de masavaa oou e dama daane ai, gai oo lodo gi malangilangi i laangi oou e dama daane ai. Gai haia oo mee e lodo ai i mee alodahi aau e gidee, gai koe gi iloo bolo de Maadua e hagamodu naa oo muna i mee nei alodahi.

Ecclesiastes 5:17

De masavaa oona e mouli ai gai ia ne gaimee i lo te gohu, ia ne daemaha mmao, ma de duasala aama de lili.

Lamentations 3:38

E aha, e dee go de Ia Maolunga Mmao laa e daalaa de loomai o de baubau ma tanuaa?