Ecclesiastes 7:12 - De Beebaa Dabu

¹² De heiangi se buibui niio tangada, gai e bei ai hogi denga sseene, aagai deenei de haigamaiana o de iloo mee: de heiangi e hagaola de mouli o tangada e heiangi laa.

Ecclesiastes 7:12 Referans Kwoze

Proverbs 8:35

Go hiidinga be goai e gidee au e gidee de mouli, gai Tagi Maolunga e abodonu ange gi de ia.

Proverbs 3:18

De heiangi e bei de manu somo o de mouli, ange gi dangada alodahi e gaavee; gai gilaadeu e daohia de heiangi nei, e manuuia donu.

Proverbs 2:7

Ia e doange de heiangi e gaavange gi gilaadeu e heohi, ia se buibui niiolaadeu e dee haisala,

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

John 12:50

Gai au e iloo bolo ana muna e tala go de mouli e dee ngado mai donu. Deelaa ai, agu muna e tala nei e tala donu bei de hai a Tamana gu tala mai ai gi de au.”

Proverbs 11:4

Goloa lagolago e deai ono haigamaiana i de laangi o de bole, aagai de mee heohi e hagaola tangada mai i de magau.

Judges 9:15

De manu daladala ne hai ange gi denga manu ssomo, ‘Noo goodou e llodo abodonu e hai au go doodou hodooligi, gai goodou loomai hagalilo i ogu lalo; aagai noo e deai, gai de ahi e sao mai naa i lo te manu daladala ga dudu denga cedar o Lebanon.’

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

Isaiah 33:6

Gai ia e hai naa go doo dagelo makaga i de laangi laa, ma de hagaola laumalie, ma de heiangi, aama de iloo mee. De madagu i Tagi Maolunga se mee hagamogomogo mmao.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Proverbs 9:11

Go de heiangi e haia ga daulooloa doo mouli, ma de hai ga lagolago oo ngadau e mouli ai.

Proverbs 2:11

Doo maanetonu e buibui naa goe, gai doo donu ange e hagaloosi adu naa goe,

Psalm 57:1

De Maadua, lodo aloha mai gi de au, lodo aloha mai gi de au, go koe dogu buibui; au e ssala dogu buibui i lalo de malu o luoo bakau, ga dae ai gi de sili de madangi mmahi.

De Beebaa go Job 1:10

Gai e dee go hiidinga koe e buibui ia ma dono huaabodu aama ana mee alodahi? Koe gu hagamanuuia ana hegau alodahi, gai ana manu haangai gu hhao ma gu honu honga de henua.

Deuteronomy 32:47

Gai e dee ni ngadi muna donu huu e tala adu gi goodou, aagai go doodou mee donu e mouli ai. Gai go muna nei oodou e mouli ai ga daulooloa, i de henua oodou ga hulo naa e kave i baasi i dai o Jordan.”

Isaiah 30:2

Gilaadeu ne loiho gi Egypt aagai tee hagatuu mai donu gi de au; gilaadeu ne ssala de bale mai i daho Pharaoh, ma de mmuni i lalo de malu o Egypt!

Proverbs 14:20

Dangada e paa ange gi tangada hagaau aloha e kino donu hogi i de ia, aagai tangada lava e soa dangada e hai soa ange gi de ia.

Ecclesiastes 2:13

Au gu gidee bolo de heiangi e danuaa ange i de lodo senga, gai e bei ai hogi, de maalama e danuaa ange i de gohu.

Ecclesiastes 7:19

De heiangi e hai tangada heiangi gi mmahi ange i e dinoangahulu dagi o dahi aduhale.

Ecclesiastes 9:16

Gai au e hagadaba bolo de heiangi e danuaa ange i de mmahi, e dee galemu donu de heiangi o taane hagaau aloha ne hagangadi mee ina e dangada, gai dangada e deai anga ange gi ana muna.

Ecclesiastes 9:18

De heiangi e danuaa ange i denga goloa o de hebagi, aagai dahi dangada haisala e oha mee danuaa lagolago.

Ecclesiastes 10:19

Denga gai ne hai gi kada dangada, gai denga uvaini e hai ga malangilangi tangada, aagai denga sseene e hai ga maua mee alodahi.