Ecclesiastes 6:3 - De Beebaa Dabu

³ Noo tangada e hagadili e lau dama ma de mouli i ngadau lagolago, gai ga daulooloa naa donu dono mouli, gai noo ia e dee maua gi malangilangi i mee danuaa o de mouli nei, gai teai hogi dangada ne danumia ia, gai au e hagadaba bolo tama ssege e danuaa ange i de ia.

Ecclesiastes 6:3 Referans Kwoze

De Beebaa go Job 3:16

Gai gu aha tee danu ai laa donu huu au bei dahi dama ssege, be se gaagaa tee gidee e ia de maalama?

Jeremiah 22:19

Ia e danu naa bei dagodo o dahi donkey, ma de dada ga kave ga tili gi tua denga haitoga o Jerusalem.”

Ecclesiastes 4:3

Aagai tangada e danuaa ange i gilaau ngaadahi go tangada tigi haanau laa, ia tigi gidee denga hegau baubau e hai i lalo de laa.

2 Kings 9:35

Aagai de masavaa huu olaadeu ne hulo ai e danu ia, gai gilaadeu gu gidee bolo go ivi donu huu o dono biho ma luoono vae ma luoono lima e doe.

Genesis 47:9

Jacob ne hai ange gi Pharaoh, “Gu 130 ogu ngadau gu noho gaainga saele ai. Ogu ngadau ne mouli ai e sogoisi ma de hai ngadaa, gai au tigi daea donu ngadau o ogu maadua ne nnoho gainga saele ai.”

Matthew 26:24

Tama a Tangada e hano naa donu bei de hai gu sisi ai ono dagodo, aagai e vakaa naa tangada e gaavange Tama a Tangada! E danuaa ange noo ia tee haanau.”

Jeremiah 36:30

Deenei ai, e hagadaba Tagi Maolunga i dagodo o Jehoiakim, de hodooligi o Judah: E deai ange naa donu se dangada mai i dono aamuli e dagi i de nohoanga hodooligi o David; gai dono angaanga e tili naa i lalo de laa i de laangi, gai e boo i de mommee hagamagalili i de boo.

Jeremiah 8:2

Gai olaadeu ivi e daakodo saele naa i lalo de laa ma de maasina aama denga heduu o de langi, go mee olaadeu ne llodo e hai hegau ange aagena, ma de daudali ai aama de daumaha ange aagena. Gai olaadeu ivi e dee hagabudu naa donu aabe e danu, aagai e bei naa denga duudae e daakodo saele laa i honga de gelegele.

Proverbs 17:6

Denga mogobuna go de hau i honga biho o de gau madumaatua, gai denga damana go de mahamaha o alaadeu dama.

Psalm 58:8

Haia gilaadeu gi bei de snail e vaivai laa ga odi, gai gi bei tama ssege e dee gidee laa de maalama o de laa.

Esther 7:10

Gai gilaadeu ga daudau Haman i honga de laagau aana ne hagaduu laa e daudau ai Mordecai, gai de hodooligi gu ahe dono lili.

Esther 5:11

ga tala hagasoenga ange gi gilaadeu dagodo o dono lava, ma de soa ana dama, aama de hagaamua a de hodooligi ia, ma de hai ia gi maolunga ange i denga dagi o de henua ma de gau hai hegau o de hodooligi.

2 Chronicles 11:21

Gai Rehoboam ne kii ange dono aloha i Maacah tamaa hine a Absalom i ono bodu ange laa, aama ono bodu laa daha alodahi. Gai ne dinoangahulu ma dogovalu ono bodu ma e dinoono bodu laa daha, gai se dinolua ma dogovalu ana dama daane ma e dinoono damaa hine.

1 Chronicles 28:5

Gai ne soa dama a Tagi Maolunga gu gaamai gi de au, gai ia gu hili dagu dama go Solomon gi hodooligi i de nohoanga hodooligi o Tagi Maolunga i Israel alodahi.

2 Kings 10:1

Gai Ahab e dinohidu ana dama daane e nnoho i Samaria. Gai Jehu ga sisi hanu leda ga kave gi Samaria, gi denga dagi o Jezreel, ma daane maatua ma dangada e diiloo ange dama a Ahab, ga hai ange,

Genesis 33:5

Gai Esau ne gidee e ia denga haahine ma gauligi laa, gai ia ga ssili ange, “Goai aanei ne loomai nei madali goe?” Jacob ne hai ange, “Gilaadeu go dama a de Maadua ne abodonu mai ai gi de au, doo dangada hai hegau.”

Ecclesiastes 6:4

Go hiidinga teai haigamaiana dono haanau ga lava ga hano i lo te gohu, gai dono ingoo gu haolia i de gohu.

De Beebaa go Job 3:11

Gu aha tee magau ai laa donu huu au i de masavaa oogu ne haanau ai, aabe ne magau i de masavaa oogu ne doo mai ai i de mommee o denga dama?