Ecclesiastes 5:1 - De Beebaa Dabu

¹ Dagidiiloo au mee e hai i doo masavaa e ulu ai i de hale o de Maadua. E danuaa ange noo koe e hano ga hagallongo, i doo hano ga hai ssigidaumaha a de gau llodo ssenga, go gilaadeu e dee iloo bolo alaadeu mee e hai e dee heohi.

Ecclesiastes 5:1 Referans Kwoze

James 1:19

Denga daina hagamogomogo, goodou gi iloo de mee nei: dahi ma dahi gi moolau dana hagallongo, aagai gi dee moolau dono basa aabe go dono lili,

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Proverbs 21:27

Ssigidaumaha a tangada baubau se mee hakino gee; gai e kii ange donu de hakino gee noo se mee ne hai i de maanadu baubau!

Psalm 89:7

De Maadua se ia hagamadagu ange gi de hagabuulinga hagasaele dabu; gai e hagamadagu ange i gilaadeu madali ia.

Joshua 5:15

Gai tagi o denga hagabuulinga hebagi o Tagi Maolunga ga hai ange gi Joshua, “Aaua gee oo mee vae, go hiidinga de mommee oou e duu ai naa se mommee dabu.” Gai Joshua ga aau ono mee vae.

Exodus 3:5

Gai ia ga hai ange, “Aude humai gi hagabaa mai gi de mommee nei, gai koe aaua oo mee vae, go hiidinga de mommee oou e duu ai naa se gelegele dabu.

Hebrews 10:26

Gai noo gidaadeu se hagabau donu e haisala, i dua taadeu iloo de muna abodonu, aagai gu deai ange donu se sigidaumaha e maua i de kave gee odaadeu haisala,

1 Corinthians 11:22

E aha! Gu deai oodou hale e gaimee ai ma de unu? Aabe goodou se llodo donu e hagangadi mee de nohoanga dabu o de Maadua, ma de hagadookaa dangada e deai alaadeu mee? Gai aahee ai naa agu muna e hai adu gi goodou? Ga tuhi adu au goodou i de mee nei? E deai, au e dee tuhi adu donu goodou.

Isaiah 66:3

Aagai tangada e daia dahi kaau e hai ai ssigidaumaha, e bei hogi tangada e daia tangada ga magau; tangada e haia ssigidaumaha i dahi ssiibi gauligi, e bei hogi tangada e milo laa de ua o dahi gaaduu; tangada e haia ssigidaumaha i denga grain, e bei hogi tangada e sigidaumaha i dodo o de biigi, gai tangada e haia ssigidaumaha hagamaanadu o mee maanongi, e bei hogi tangada e daumaha ange gi dahi diinonga. Gilaadeu ne hilihili de hai donu huu olaadeu lodo, gilaadeu ne malangilangi i olaadeu diinonga hakino gee;

Acts 17:11

Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai.

Acts 10:33

Deelaa ai, au ne hagamoolau ga hai gi loadu hanu dangada gi gaamai goe, aagai koe gu abodonu hogi ma gu humai. Gimaadeu alodahi gu nnoho i kinei i mada luu mada o de Maadua e hagallongo ai mee hugadoo gu lava i de tala adu gi de goe mai i daho de Maadua.”

Leviticus 10:3

Gai Moses ne hai ange gi Aaron, “Aanei muna a Tagi Maolunga gu tala ma gu hagadaba: ‘Au e hagaago ange gi gilaadeu e loomai e hagapaa mai gi de au bolo au e dabu; gai dangada alodahi gi hagamahamaha ina au i olaadeu daha.’ ” Gai Aaron gu dee muu.

2 Chronicles 26:16

Aagai de masavaa huu o Uzziah ne mmahi, gai ia gu hagamaolunga, ga hidi mai ai dono daia ga magau, go hiidinga ia ne hagangadi mee Tagi Maolunga dono Maadua; ia ne hano ga ulu gi lo te temple o Tagi Maolunga ga dudu ai mee maanongi i honga de mommee o ssigidaumaha o mee maanongi.

Exodus 30:18

“Haia dahi daaba ma dono dagelo i bronze, e hagagilimalali ai. Gai koe ga hagaduu i magavaa de hale malo hagabuni ma de mommee o ssigidaumaha, ga hhao i vai.

De Beebaa go Job 11:2

“E maua i tee basa ange gi denga muna lagolago? E maua i de hagaheohi tangada vava de ngudu?

De Beebaa go Job 22:12

E aha, e dee noho de Maadua i de mommee maolunga i de langi? Galo age diiloo de maolunga o denga heduu!

Proverbs 10:19

De masavaa naa huu aau e tala ai muna lagolago, gai koe e maua donu gi haisala, aagai tangada e maua i de daohi dono alelo se dangada heiangi.