Ecclesiastes 12:13 - De Beebaa Dabu

¹³ Gidaadeu gu langona mee alodahi; gai aanei muna hagaodi: koe gi madagu i de Maadua ma de daohi ana hainga; deenei donu de hegau laumalie a tangada e hai.

Ecclesiastes 12:13 Referans Kwoze

Deuteronomy 10:12

De gau Israel, se aha a Tagi Maolunga doodou Maadua e lodo goodou gi haia? E aha, ia tee hai adu goodou gi maatagu i Tagi Maolunga doodou Maadua, ma de seesee i ono haiava alodahi, ma de aaloha i de ia, aama de daumaha ange gi Tagi Maolunga doodou Maadua i oodou lodo alodahi, ma oodou hagasaalunga alodahi,

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Deuteronomy 6:2

gai gi maatagu ai goodou, ma oodou dama, ma oodou mogobuna i Tagi Maolunga doodou Maadua, gai goodou ga daohi ai ana mee alodahi gu hagasauaa, ma ana muna gu tala mai au gi daalaa adu gi goodou, gi daulooloa ai oodou mouli, ma de lagolago oodou laangi e mouli ai.

Psalm 111:10

De madagu i Tagi Maolunga go taamada o de heiangi; dangada alodahi e seesee i ana hainga e tonu danuaa ange. Dono tuhi gi dee helui ga hano ai!

De Beebaa go Job 28:28

Gai ia ne hai ange gi tangada, ‘Tilo, de madagu i de Ia Aamua go de heiangi abodonu, gai de kino i de baubau go de donu ange abodonu.’ ”

Psalm 145:19

Ia e gaavange naa gi gilaadeu e maatagu i de ia olaadeu mee e llodo ai; ia e hagallongo alaadeu dangidangi ma de hagaola gilaadeu.

Ecclesiastes 8:12

Gai e dee galemu donu tangada baubau e haia laa mee dee heohi i e lau hanonga gai e daulooloa donu dono mouli, gai au e iloo bolo gilaadeu e maatagu i de Maadua e danuaa ange olaadeu dagodo, gilaadeu e hagadubu de Maadua.

Luke 1:50

Gai ia e degi ange gi gilaadeu e maatagu i de ia, mai i dahi atangada ma dahi atangada.

Proverbs 19:23

De madagu i Tagi Maolunga e hano ga duu ange gi de mouli, gai e hai tangada ga baba ono lodo, gai e dee duu ange gi de hai ngadaa.

Proverbs 1:7

De madagu i Tagi Maolunga go taamada o de heiangi; aagai tangada lodo senga e kino i de heiangi ma agoago heohi.

Psalm 147:11

aagai Tagi Maolunga e malangilangi i gilaadeu e maatagu i de ia, ma de tali hagalodolodo ange gi dono abodonu.

Ecclesiastes 5:7

Midi lagolago ma ngadi muna lagolago e deai donu olaadeu haigamaiana. Aagai koe gi madagu i de Maadua.

Revelation 19:5

Gai dahi leo ne basa mai i de nohoanga laa ma e hagadaba, “Duuhia taadeu Maadua, goodou ono dangada hai hegau alodahi, go goodou e maatagu i de ia, goodou e maolalo aabe e maolunga.”

1 Peter 2:17

Goodou hagadubu ina dangada alodahi: aaloha ange gi denga daina ange laa, madagu i de Maadua, gai hagadubu ina de hodooligi maolunga.

Proverbs 23:17

Aude lodo gaiaa ange gi de gau haisala, aagai madagu mmao i Tagi Maolunga i taiao ga boo ai.

Deuteronomy 4:2

Gai goodou e dee hagapuni ange aabe e aau gee hanu muna i muna aagu gu tala adu gi goodou, aagai goodou daohia hainga a Tagi Maolunga doodou Maadua aagu gu tala adu gi goodou.

Genesis 22:12

Tangada de langi laa ne hai ange, “Aude poo ange gi tama daane naa, aabe gi haia ange dahi mee gi de ia. Iainei gai au gu iloo bolo koe e madagu i de Maadua, go hiidinga koe tee daohi donu dau dama dagidahi i de au.”

Ecclesiastes 6:12

Gai goai e iloo be se aha e danuaa ange gi tangada i dono mouli, i laangi momo ma teai haigamaiana oona e mouli ai nei, gai e moolau de odi bei dagodo o de goohunga? Gai goai e maua i de tala ange gi de ia be ni aha e hai i lalo de laa i dua dono magau?

Ecclesiastes 2:3

Au ne maanadu hogi de hai gi malangilangi au i de unu uvaini ma de hagatale de hai hegau i de lodo senga — gai agu hagasaele goi dagi donu huu au i de heiangi. Au ne lodo e tilo be se aha e haigamaiana de hai a dangada i henua i lalo, i laangi sogoisi olaadeu e mouli ai.

1 Samuel 12:24

Aagai goodou dagidiiloo gi maatagu goodou i Tagi Maolunga, ma de daumaha ange gi de ia i de muna abodonu i oodou lodo alodahi; goodou manadua denga hegau hagalele mouli aana gu hai adu gi goodou.

Ecclesiastes 3:14

Au e iloo bolo mee alodahi a de Maadua ne hai e daakodo naa donu ga hano ai; e deai donu mee e maua i de hagapuni ange aabe go de kave gee ai. Gai de Maadua ne hai gi dagodo bee nei, gi maatagu ai dangada i de ia.

Ecclesiastes 7:18

E danuaa dau daohi dahi mee nei, aagai e dee tili de mee ange laa; go hiidinga tangada e madagu i de Maadua e maua i de hai mee nei alodahi.

Ecclesiastes 8:5

Tangada e daudali i de hainga, e dee hagammae donu, gai tangada heiangi e iloo de masavaa heohi ma dono hai e hai ai.

Deuteronomy 4:10

gai dagodo o de laangi oodou ne tuu ai, i mada luu mada o Tagi Maolunga doodou Maadua i Horeb, i de masavaa aana ne hai mai gi de au, “Hagabuni ina mai de huaadangada gi mada luoogu mada, gai au ga tala ange gi langona e gilaadeu agu muna, gi iloo ai e gilaadeu de maatagu i de au, i taulooloa olaadeu mouli i honga de henua, gai gilaadeu ga agoago ange ai alaadeu dama.”

Deuteronomy 10:20

Goodou gi maatagu i Tagi Maolunga doodou Maadua, gai daumaha ange donu huu gi de ia, ma de hagapigi ange gi de ia, aama de hagatoo donu donu huu i dono ingoo.

1 Kings 2:3

gai koe gi daudali i lodo o Tagi Maolunga doo Maadua, ma de seesee i ono haiava ma de daudali i ana muna gu hagasauaa, ma ana hainga gu hagamodu, ma ana muna gu tala, bei de hai gu sisi ai laa i lodo hainga a Moses, gi hagadagadaga age ai goe i mee alodahi aau e hai, aama mommee alodahi oou e hano aagena;