Ecclesiastes 10:13 - De Beebaa Dabu

¹³ Ana muna i taamada ni muna lodo senga; gai de hagaodi o ana muna e baubau gai e bei muna a tangada senga.

Ecclesiastes 10:13 Referans Kwoze

Proverbs 29:9

Noo tangada heiangi e gaavange dahi dangada lodo senga gi de hainga, gai tangada lodo senga e lili naa donu huu ma de gadagada, gai e dee tuu naa donu de hagalongaa.

John 12:10

Gai de gau haimeedabu maolunga gu nnoho hogi e sala delaadeu hai e daa ai Lazarus gi magau,

Luke 11:38

Gai de Pharisee laa ne lele ono mouli i dana gide bolo Iesu tee hhui luoono lima i mua dono gaimee.

Luke 6:11

Aagai de gau sisi ma denga Pharisee gu llili mmao, gai gilaadeu ga daamada de hagasaele delaadeu hai e hai ai Iesu.

Luke 6:2

Aagai hanu Pharisee ne ssili ange gi gilaadeu, “Gu aha goodou gu hai ai naa mee e dee alaange i de hai i de laangi o Sabbath?”

Matthew 2:16

De masavaa huu a Herod ne iloo ai bolo de gau heiangi laa gu daahanga ia, gai ia gu lili mmao, gai ia ga hai hanu gi hulo gi Bethlehem, gi daia ai gi maakau denga gauligi daane alodahi gu dagilua laa olaadeu ngadau ga hano iho ai, aama mommee alodahi e paa ange gi kilaa. Ia ne kumi ange gi dana masavaa ne hagadonu ai mee laa i daho denga daane heiangi.

2 Kings 6:31

Gai ia ne hagadaba, “De Maadua gi hagaduasala ina donu au, noo au e dee tuu de ua o Elisha, tama daane a Shaphat, ailaa nei!”

2 Kings 6:27

Gai ia ga hai ange, “Noo Tagi Maolunga e dee bale adu goe, gai go hee aagu e gaamai ai hanu mee e bale adu ai goe? Go agu hua i de mommee hili huamanu aabe go de mommee kumi uvaini?”

2 Samuel 19:41

Gai denga daane alodahi o Israel ne loomai gi daho de hodooligi, ga hai ange gi de ia, “Gai gu aha denga daane o Judah gu kave gee ai laa goe i omaadeu daha, ga kave goe ma doo huaabodu ga hulo ai gi de baasi laa o Jordan, aama oo daane alodahi madali goe?”

Judges 14:15

Gai dua huu e haa laangi, gai gilaadeu ga hai ange gi de bodu o Samson, “Usuusuhia ange doo bodu gi daalaa adu de hagadoonunga o de mee hagasengasenga laa, gai koe ga tala mai, gimaadeu kana dudu goe ma doo huaabodu i de ahi. Goodou se gauna mai nei gimaadeu gi taonga e gaiaa ai amaadeu mee?”

Ecclesiastes 7:25

Au ne hagammahi gi donu ange au, ma de ssala gi maua de heiangi ma ono dagodo, ma de hai gi donu ange au gi de baubau o de lodo senga ma de lodo senga e haia laa ga senga tangada.

Ecclesiastes 10:14

Tangada lodo senga e lagolago ana muna e tala. E deai dangada e iloo be ni aha e hai i muli mai; gai goai e maua i de tala be ni aha e hai i dua dono magau?

Proverbs 13:16

De gau maanetonu alodahi e hai hegau i de iloo mee, aagai hegau a tangada lodo senga e hagaago mai dono lodo senga.

Ecclesiastes 5:2

Aude hagamoolau gi daalaa hanu muna i doo ngudu, aude hagamoolau gi daalaa hanu ngadi muna i oo lodo i mada luu mada o de Maadua. Go hiidinga de Maadua e noho i de langi, gai koe i henua i lalo, deelaa ai, haia gi dee lagolago au muna e tala.