Ecclesiastes 1:8 - De Beebaa Dabu

⁸ Mee alodahi e kona donu de hagadaalea, e hai ngadaa i de tala ono dagodo. Luu ganomada e dee maua gi lava alaau mee e tilo, luu dalinga e dee maua hogi gi lava alaau mee e hagallongo.

Ecclesiastes 1:8 Referans Kwoze

Proverbs 27:20

De mommee o de gau maakau ma Abaddon e dee maua donu gi hoohonu, gai luu ganomada o tangada e dee maua hogi gi lava ana mee e tilo.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Ecclesiastes 2:26

Gai de Maadua e gaavange gi tangada e hagamalangilangi ina ia de heiangi, ma de iloo mee aama de malangilangi; aagai ia e hai tangada haisala gi hagabudulia ma de doange dono lava, e gaavange gi tangada e haia mee o de Maadua e lodo ai. De mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 2:11

Gai ga noho huu au ga tilo mee alodahi aagu ne hai ma mee alodahi aagu ne hai hegau ange aagena, gai tilo, mee alodahi e deai donu olaadeu haigamaiana, gai e bei de ngadi doolohi a tangada de madangi; e deai donu haigamaiana o mee i lalo de laa.

Psalm 63:5

Au e bosu naa i de gai mee moomuna; au e daahili naa ga hagadegi goe.

Ecclesiastes 1:7

Denga saalingaa vai alodahi e ssali ga hulo gi tai, aagai tai e dee maua donu gi honu. De mommee o denga saalingaa vai e loomai laa, gai go kilaa hogi olaadeu e aahe ga hulo aagena.

Haggai 1:9

Goodou e tali bolo oodou mee e lagolago naa, aagai ne sogoisi donu oodou mee ne mau. Gai au ne hai gi deai mee oodou ne gaamai gi oodou hale. Aahee hiidinga? go Tagi o denga hagabuulinga hebagi e siilia adu. Go hiidinga dogu hale gu maoha ma e dagodo ai, gai tangada nei ma tangada nei e dee saohia donu huu i de hai dono hale.

Ecclesiastes 6:7

Hegau alodahi a tangada ni mee e ssala ai ana gai, gai ia e dee maua donu gi bosu ai.