Deuteronomy 9:24 - De Beebaa Dabu

²⁴ Goodou gu hai baasi ange huu gi Tagi Maolunga, mai i taamada dagu iloo goodou.

Deuteronomy 9:24 Referans Kwoze

Deuteronomy 31:27

Go hiidinga au e iloo bolo goodou e kona donu de hai oodou hai ma de makaga oodou lodo. Iainei donu i dogu masavaa goi mouli ai, gai goodou e hai baasi ange donu gi Tagi Maolunga, gai e kii ange naa donu doodou hai mee nei i dua dogu magau.

Acts 7:51

Goodou ni dangada e makaga oodou lodo! Oodou lodo e makaga gai oodou dalinga e longoduli. Gai goodou e hai baasi ange donu gi de Hagasaalunga Dabu i masavaa alodahi; goodou e bei donu oodou dubuna madagidagi!

Exodus 32:22

Gai Aaron ga hai ange, “Dogu dangada aamua, koe gi dee kona doo bole. Koe e iloo naa donu dagodo o de gau nei; gilaadeu e nnoho ange huu e hai de baubau.

Numbers 14:9

Gai goodou aude hai baasi ange gi Tagi Maolunga, be gi maatagu i dangada o de henua laa, go hiidinga e hai ngaohie donu taadeu hagadee kii gilaadeu. Gilaadeu gu deai selaadeu buibui, aagai Tagi Maolunga e noho madali gidaadeu; goodou aude maatagu i gilaadeu.”

Numbers 17:10

Gai Tagi Maolunga ga hai ange gi Moses, “Hagaahea togo o Aaron dugua i ma te ngavesi o de tala hagadonu, e hai ai dahi hagailonga ange gi gilaadeu e hai baasi mai gi de au. De mee nei e hai gi dee aahe ange gilaadeu gi nnanu i de au, gi dee maakau ai gilaadeu.”

Numbers 23:21

Ia tee gidee bolo Jacob e dahi ono hai ngadaa, aabe e gidee bolo Israel e duasala. Tagi Maolunga delaadeu Maadua e noho i olaadeu daha, gai gilaadeu e tuhi de hodooligi i olaadeu magavaa.

Deuteronomy 9:4

Gai goodou gi dee hagataba i oodou lodo, i de masavaa a Tagi Maolunga doodou Maadua e aau gee ai gilaadeu i oodou mada i mua, “Go hiidinga demaadeu heohi a Tagi Maolunga ne gaamai ai, gimaadeu gi henua i de henua nei.” E deai, aagai go hiidinga de baubau o denga huaahenua nei, gai Tagi Maolunga e aau gee ai gilaadeu mai i oodou mada i mua.

Psalm 78:8

Gai gi dee bei ai gilaadeu dagodo olaadeu maadua — olaadeu dubuna se atangada e makaga olaadeu lodo ma de hagamaanege, olaadeu lodo tee maua i de tuu gi makaga, gai olaadeu hagasaalunga tee hai hegau ange gi de Maadua i de mee abodonu.

Isaiah 48:8

Koe tigi langona naa donu aabe gu donu ange; mai loo i mua gai luoo dalinga tigi maahuge donu. Gai au e iloo dagodo o doo dee hai hegau i de mee heohi, gai koe ne hagaingoo ange bolo se dangada hagamanege mai i doo haanau.

Numbers 32:14

Gai tilo, goodou go dama donu a oodou damana, goodou gu sui donu oodou damana e hai ai gi kii ange de lili o Tagi Maolunga i de gau Israel.

Jeremiah 4:17

Gilaadeu gu duuli de aduhale bei denga daane e hagaloosia laa dahi veelenga, go hiidinga ia gu hai baasi mai gi de au,’ go Tagi Maolunga e hagadaba.

Ezekiel 20:8

Aagai gilaadeu ne hai mai alaadeu hai gi de au, tee llodo e hagallongo mai; gilaadeu tee tili denga diinonga hakino gee olaadeu e daumaha ange laa aagena, aabe ne tili denga diinonga o Egypt. Deelaa ai, au gu maanadu de hagaduasala gilaadeu i dogu bole ma dogu lili i de henua go Egypt.