Deuteronomy 8:18 - De Beebaa Dabu

¹⁸ Goodou hagamaanadu go Tagi Maolunga doodou Maadua, ne gaavadu oodou mahi ne maua ai nei e goodou oodou lava; gai ia ga hagasula ai dana hagatoo donu hagaheloongoi gu hagatoo donu ange ai laa gi oodou dubuna madagidagi, bei de hai oodou gu gide ai naa anailaa nei.

Deuteronomy 8:18 Referans Kwoze

Proverbs 10:22

De hagamanuuia a Tagi Maolunga e gaamai de lava, gai e deai donu se mee hagadaemaha iai.

Hosea 2:8

Gai ia tee iloo donu bolo go au ne gaavange laa ana hua grain, ma ana uvaini aama ana lolo, go au ne hagadanuaa ina ia i selevaa ma goolo, alaadeu ne gaavange laa gi Baal.

Deuteronomy 7:8

Aagai go hiidinga Tagi Maolunga ne aloha i goodou, gai ne daohi de hagatoo donu aana gu hagatoo donu ange ai gi oodou dubuna madagidagi, deelaa ai, ia ga hagassao mai goodou i dono lima mmahi, ma de hagaola goodou, mai i de henua oodou nogo hai hegau hagaduasala ai laa, aama mai i ssauaa o Pharaoh, de hodooligi o Egypt.

Deuteronomy 7:12

Gai noo goodou e hagallongo ange gi denga hagamodu nei ma de daohi mee nei ga daudali ai, gai Tagi Maolunga doodou Maadua e daohi hogi dana hagatoo donu hagaheloongoi, ma dono abodonu adu gi goodou, bei dana hai gu hagatoo donu ange gi oodou dubuna madagidagi.

Psalm 144:1

Duuhia Tagi Maolunga, dogu Baba makaga, gai go de ia e hagaboo ina ange luoogu lima gi de hebagi, aama ogu madannia gi taua.

Deuteronomy 26:10

Gai anailaa nei gai au ne gaamai denga huamanu ne hagihagi i taamada i honga de gelegele a Tagi Maolunga gu gaamai gi de au.” Gai koe ga dugu ange de gede laa gi mada luu mada o Tagi Maolunga doo Maadua, gai koe ga daumaha i mada i mua o Tagi Maolunga doo Maadua.

Judges 7:2

Gai Tagi Maolunga ga hai ange gi Gideon, “Gu gona odi de soa daane madali goe, gai au ga dugu adu ai au goodou gi hagadee kii ina de gau Midian, gi dee duuhia ai donu huu e de gau Israel gilaadeu, ga dee hagadubu ai au.

1 Samuel 2:7

Tagi Maolunga e hai hanu gi hagaau aloha gai hanu gi lava; ia e hagamaolalo dahi, gai e hagaamua dahi.

2 Chronicles 25:9

Gai Amaziah ne hai ange gi taane o de Maadua, “Gai ni aha gu hai ange gi de lau talent aagu gu hagao ange ai laa de hagabuulinga hebagi o Israel?” Gai taane o de Maadua ga hai ange, “Tagi Maolunga e maua i de gaavadu gi de goe mee e kii ange de lagolago ange i mee laa.”

Psalm 44:3

Gai e dee go alaadeu gadilaasa alaadeu ne kave ai de henua, aabe go olaadeu mahi ne haia ga kii gilaadeu; aagai go doo lima madau, ma doo lima mmahi, aama de maalama o luoo mada, go hiidinga koe ne malangilangi i gilaadeu.

Ecclesiastes 9:11

Au ne gidee ange dahi mee i lalo de laa: de saavini houhou e dee se mee ange donu huu gi tangada gemo, taua e dee se mee ange donu huu gi tangada mmahi; denga gai e dee ni mee ange donu huu gi tangada heiangi, gai de lava e dee se mee ange donu huu gi tangada iloo mee, gai de abodonu e dee se mee ange donu huu gi tangada gu agoagona; aagai de masavaa ma mee e hai ni mee ange gi gilaadeu alodahi.

Ecclesiastes 12:1

Koe gi manadua de ia ne haia goe i de masavaa oou e dama daane ai, i mua de tae mai o denga laangi hai ngadaa, ma ngadau aau e hagadaba ai, “Au e dee malangilangi i laangi laa” —

Genesis 32:14

e lualau guudi haahine, e madalua guudi daane, e lualau ssiibi haahine, e madalua ssiibi daane;

Deuteronomy 6:11

ma denga hale e hoohonu i mee danuaa, gai e dee ni goloa niiodou ne hhao gi lodo hale laa, ma mommee hhao vai hoda gi lodo hadu, e dee ni vai niiodou ne hoda, ma veelengaa grape ma denga olive, ni manu niiodou tee doo, gai goodou gu gaimee ai ma gu boobosu danuaa,

Deuteronomy 8:1

Goodou kana ange daudali i hainga alodahi aagu gu tala adu gi goodou anailaa nei, gi daulooloa ai oodou mouli ma doodou hagadili gi soa; gai goodou ga hulo ga kave de henua a Tagi Maolunga gu hagatoo donu ange gi oodou dubuna madagidagi.

Judges 3:7

Gai de gau Israel ne dahulinga baubau i mada luu mada o Tagi Maolunga; gilaadeu ne ngalo Tagi Maolunga delaadeu Maadua, gai ga daumaha ange gi denga Baal ma denga Ashtaroth.

1 Chronicles 29:12

De lava ma de hagadubu ni mee mai i oo daha, gai go koe tagi o dangada alodahi. Doo lima iai ssauaa ma de mmahi, e hagaamua ai dahi ma de gaavange ai de mmahi gi dangada alodahi.

Jeremiah 23:27

Gilaadeu e maanadu de hai ogu dangada gi ngalo dogu ingoo i alaadeu midi e hagadau tala, bei de hai a olaadeu dubuna madagidagi ne hagangalo ai dogu ingoo gai ga daumaha ange gi Baal.