Deuteronomy 8:10 - De Beebaa Dabu

¹⁰ Gai ga gaimee naa huu goodou ga boobosu, gai goodou ga tuhi Tagi Maolunga doodou Maadua i dana gaavadu gi goodou de henua danuaa laa.

Deuteronomy 8:10 Referans Kwoze

Psalm 103:2

Dogu hagasaalunga, koe gi duuhia Tagi Maolunga, gai koe gi dee ngalo dono abodonu.

Romans 14:6

Tangada e hagadubu ina dahi laangi e hai e hagadubu ai Tagi Maolunga. Tangada e gaina laa gai alodahi e hagadubu Tagi Maolunga i dana gai mee laa, i hiidinga ia e hagaahe ange de abodonu gi de Maadua; aagai tangada e dee gaina mee laa e hagadubu hogi Tagi Maolunga ma de hagaahe ange ai de abodonu gi de Maadua.

Proverbs 3:9

Hagadubu ina Tagi Maolunga i doo lava, ma denga huamanu e hagihagi i taamada i lodo au veelenga alodahi;

1 Chronicles 29:14

Aagai se aha donu au, gai ni aha ogu dangada, gai gimaadeu ga maua ai i de ngadi gaavadu mee nei gi de goe? Mee alodahi ne loomai i oo daha, gai niiau donu mee amaadeu e gaavadu nei gi de goe.

Matthew 14:19

Aagai ia ga hai dangada gi nnoho i honga denga helii, gai ia ga poo mai pelaoaa e lima ma mamu e lua laa, gai ia ga galo age gi de langi ga dalodalo, ga dohidohi, ga gaavange gi ana dangada agoago, gai gilaadeu ga duha ange gi dangada.

1 Corinthians 10:31

Deenei ai, e dee hilihili be goodou e gaimee be unu, aabe ni aha ange oodou e hai, gai goodou haia mee alodahi e hagamahamaha ai de Maadua.

John 6:23

Gai hanu boose mai i Tiberias ne loomai laa gaogao de mommee a dangada ne gai ai pelaoaa i dua de hagaahe ange a Tagi Maolunga de abodonu.

1 Thessalonians 5:18

ma de hagaahe ange de abodonu i mee alodahi; go hiidinga aanei donu lodo o de Maadua i lodo o Klisdo Iesu.

Deuteronomy 8:9

Gai se henua e dee maua gi odi gai iai, gai e deai naa donu se mee daudahi oodou e duasala ai. Gai lo te hadu iai denga iron, gai goodou e geli age naa denga copper i honga denga mounga.

Deuteronomy 31:20

Go hiidinga dua naa huu dagu kave gilaadeu ga tae gi de henua iai vai uu ma hooni lagolago, go de henua aagu gu hagatoo donu ange gi olaadeu dubuna madagidagi, gai de masavaa naa huu olaadeu e gaimee ai ga boobosu ma de pedi, gai gilaadeu ga daumaha ange gi denga diinonga ange laa, gai gilaadeu ga hagangadi mee au, ma de oha dagu hagatoo donu hagaheloongoi.

Isaiah 5:1

Au e daahili ange gi de ia oogu e aloha ai i taahili o dagodo o dana veelengaa grape: De ia oogu e aloha ai e dahi ana veelengaa grape, i honga dahi duuduu e ssomo danuaa ai laa denga manu.

Joel 2:26

Goodou e lagolago naa oodou gai, goodou e gaimee naa ga boobosu, gai goodou ga tuhi ai naa de ingoo o Tagi Maolunga doodou Maadua, i dana hai mee hagalele mouli i oodou daha; gai ogu dangada e dee aahe ange naa donu ga dookaa.