Deuteronomy 7:26 - De Beebaa Dabu

²⁶ Gai koe aude gaavee dahi diinonga hakino gee gi lo too hale, gi dee oohaa ai goe bei ono dagodo. Gai koe gi kino i de mee hakino gee nei, go hiidinga gu vvae gee e hagadabena ange e oha.

Deuteronomy 7:26 Referans Kwoze

Deuteronomy 13:17

Gai gi deai donu se goloa daudahi gu hagamodu laa e oha oodou e poo ange aagena, gi dee humai ai de bole o Tagi Maolunga gi goodou, gai ia ga abodonu adu ai gi goodou ma de lodo aloha adu gi goodou, ga hai goodou gi hagadili gi soa, bei dana hai gu hagatoo donu ange ai gi oodou dubuna madagidagi,

Hosea 14:8

Ephraim, ni aha naa donu aagu e hai i denga diinonga? Au e basa ange naa ma de aloha ange gi de ia. Au e bei dahi cypress lau kohu, go au e haia goe ga hua lagolago.

Ezekiel 11:18

Gai gilaadeu e aahe mai naa ga aau gee denga diinonga hakino gee ma mee hakino gee alodahi i kilaa.

Isaiah 30:22

Gai goodou e oha naa oodou diinonga gu haoli i selevaa, ma oodou diinonga gu haoli i goolo; gai goodou e tili naa mee nei bei de malo hakino gee e hai ai laa magi haahine, ga hai ange, “Hannoo i kinaa!”

Romans 2:22

Koe e hagadaba, “Aude dagodo haisala,” aagai koe e dagodo haisala? Koe e kino i denga diinonga, aagai koe e gaiaa mee i lodo hale daumaha?

Ezekiel 14:7

Gai de masavaa naa huu o dahi dangada Israel, aabe se dangada henua gee e noho laa i Israel e huli gee mai ai i de au, ga daudali ange i denga diinonga i ono lodo, ma de hagaduu dahi diinonga e hagahaisala ai ia, gai ia e hano hogi gi daho de pelaabisi e ssili mai ai dahi mee i ogu daha, gai go au donu, Tagi Maolunga e basa ange naa gi de ia.

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”

Isaiah 2:20

De laangi laa gai dangada e tili ange naa olaadeu diinonga selevaa ma diinonga goolo, e daumaha ange laa aagena, gi denga mole ma gimoo llele.

Deuteronomy 13:16

Gai goodou ga hagabudu denga goloa alodahi ga kave gi de mommee malaelae i lo te aduhale, gai goodou ga dudu de aduhale laa ma mee alodahi iai e hai ai ssigidaumaha dudu ange gi Tagi Maolunga doodou Maadua. Oohaa gi maoha gi dagodo ai ga hano ai, aagai e dee hagaahe age donu e hagaduu age ange.

Deuteronomy 13:18

noo goodou e hagallongo ange gi muna a Tagi Maolunga doodou Maadua, ma de daohi ana hainga alodahi aagu gu tala adu gi goodou anailaa nei, ma de hai de mee heohi i mada luu mada o Tagi Maolunga doodou Maadua.

Isaiah 41:24

Tilo, goodou denga diinonga ni ngadi mee donu oodou hegau e deai donu haigamaiana; gai tangada e hilihilia de daumaha adu gi goodou e hakino gee.