Deuteronomy 6:24 - De Beebaa Dabu

²⁴ Gai Tagi Maolunga ne hai mai gidaadeu gi daudali i mee alodahi gu hagasauaa nei, ma de maatagu i Tagi Maolunga taadeu Maadua; gi hagadagadaga age ai gidaadeu i masavaa alodahi, gai ia ga hagaola ai gidaadeu, bei odaadeu dagodo anailaa nei.

Deuteronomy 6:24 Referans Kwoze

Jeremiah 32:39

Au e hai naa gilaadeu gi buni i de lodo daudahi ma de hagatau daudahi, gai gilaadeu e maatagu naa i de au ga hano ai, gi danuaa ange ai gi gilaadeu ma alaadeu dama i muli mai.

Psalm 41:2

Tagi Maolunga e buibui naa ia ma de daohi dono mouli; ia e hagamanuuia naa ia i honga de henua, gai e dee dugu ange ono hagadaumee gi haia ange gi de ia olaadeu mee e llodo ai.

Isaiah 3:10

Daalaa ange gi gilaadeu e heohi bolo gilaadeu e duadonu naa, gai gilaadeu e gai naa hua o alaadeu hegau.

Romans 10:5

Moses ne sisi dagodo de hagaheohi o tangada i dono daudali i de hainga: “Tangada e hai hegau i de hainga e mouli ai donu.”

Deuteronomy 8:1

Goodou kana ange daudali i hainga alodahi aagu gu tala adu gi goodou anailaa nei, gi daulooloa ai oodou mouli ma doodou hagadili gi soa; gai goodou ga hulo ga kave de henua a Tagi Maolunga gu hagatoo donu ange gi oodou dubuna madagidagi.

Deuteronomy 4:1

De gau Israel, goodou hagalaangona ange hainga gu hagasauaa, ma hagamodu aagu e agoago adu ai goodou. Gai goodou daudali i mee nei, gi mouli ai goodou ma de hulo gi tae, e kave de henua a Tagi Maolunga, de Maadua o oodou dubuna madagidagi, e gaavadu gi goodou.

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Proverbs 22:4

De hagaoanga o de lodo maolalo ma de madagu i Tagi Maolunga, go de lava ma de hagadubu, aama de mouli.

Proverbs 9:12

Noo koe e heiangi, gai e danuaa adu donu gi de goe, gai noo koe se dangada doo mee, gai go koe donu huu e duasala ai.

Psalm 66:9

ia ne hagaola omaadeu mouli, gai ne daohi gimaadeu gi dee baakuu.

Deuteronomy 8:3

Gai ia ne hagamaolalo goodou i dana hai ga hiikai goodou, gai ga haangai adu goodou i denga manna, ni gai niiodou ma oodou dubuna madagidagi tee iloo i mua. Ia ne hai mee nei gi tonu ange ai goodou, bolo tangada e dee mouli donu huu i pelaoaa, aagai ia e mouli i muna alodahi e tala i de ngudu o Tagi Maolunga.

Deuteronomy 4:4

aagai goodou alodahi ne hagapigi ange laa gi Tagi Maolunga doodou Maadua, e mouli huu anailaa nei.

Luke 10:28

Iesu ne hai ange gi de ia, “E heohi au muna, hannoo haia de mee nei gi mouli ai goe.”

Exodus 20:20

Gai Moses ga hai ange gi dangada, “Goodou aude maatagu, go hiidinga de Maadua gu humai e hagatale goodou e tilo ai dagodo o oodou lodo, gai gi dagodo ai de madagu o de Maadua i oodou lodo, gi dee haisala ai goodou.”

Deuteronomy 6:23

Gai ia ne hagassao mai gidaadeu i kilaa, ga dagi mai gidaadeu ga gaamai de henua aana gu hagatoo donu ange gi odaadeu dubuna madagidagi.

Deuteronomy 6:2

gai gi maatagu ai goodou, ma oodou dama, ma oodou mogobuna i Tagi Maolunga doodou Maadua, gai goodou ga daohi ai ana mee alodahi gu hagasauaa, ma ana muna gu tala mai au gi daalaa adu gi goodou, gi daulooloa ai oodou mouli, ma de lagolago oodou laangi e mouli ai.

Psalm 41:3

Tagi Maolunga e hagammahi naa ia i dono magi, ma de hagaieiangi ia mai i dono magi.