Deuteronomy 5:5 - De Beebaa Dabu

⁵ De masavaa laa gai au ne duu i oodou magavaa ma Tagi Maolunga, ga tala adu ai gi goodou muna a Tagi Maolunga, go hiidinga goodou ne maatagu i de ahi ula laa, gai tee loage gi de mounga laa. Gai ia ne hai adu,

Deuteronomy 5:5 Referans Kwoze

Galatians 3:19

Gai aahee hiidinga ne gaamai ai laa de hainga? De hainga ne gaamai i hiidinga o denga haisala, ga dae gi de masavaa e dae mai ai de hagadiilinga ne gaavee laa de hagatoo donu. Gai de hainga ne gaamai i daho de gau de langi ma tangada e hano i magavaa.

Exodus 19:16

Gai taiao huu o de hagadolu laangi, gai gu babaa denga hatuli ma de labalaba denga uila, gai de hagausinga maadolu gu haoli de mounga laa, gai gu kona de nganangana de ili o de hanga manu. Gai dangada alodahi i de mommee nnoho gaainga gu bolebole i delaadeu maatagu.

Hebrews 9:24

Go hiidinga Klisdo tee ulu i de mommee dabu ne hai laa i lima o dangada, go de ada o de mommee dabu abodonu; aagai ne ulu donu gi de langi, gai iainei gu i mada luu mada o de Maadua i odaadeu hiidinga.

Jeremiah 30:21

Gai delaadeu dagi se dangada donu i olaadeu magavaa; delaadeu dangada aamua e haanau naa i olaadeu magavaa. Gai au e gaamai naa ia gi baa mai, gai ia e humai naa ga hagabaa mai gi de au, Gai goai naa donu e maua i de humai e hagabaa mai noo au e dee dugu ange? go Tagi Maolunga e hagadaba.

Psalm 106:23

Gai ia ne hagadaba bolo e daa gilaadeu gi maakau; aagai Moses, dana daane ne hili, ne dangidangi i olaadeu hiidinga i ono mada i mua, ga hai ia gi dee daia gilaadeu gi maakau i dono bole.

Deuteronomy 5:27

Hannoo hagalaangona muna alodahi a Tagi Maolunga, taadeu Maadua e lodo e tala mai. Gai koe ga tala mai ai muna a Tagi Maolunga taadeu Maadua ne tala adu gi de goe; gai gimaadeu e hagallongo naa donu ana muna ga daudali ai.”

Numbers 16:48

Gai ia ne hano ga duu i magavaa o dangada gu maakau aama dangada goi mouli laa, gai de mee hagamaakau laa gu tuu.

Genesis 18:22

Gai luu daane ange laa ne huuhuli e hulo gi Sodom, aagai Abraham goi duu huu i mada i mua o Tagi Maolunga.

Exodus 19:21

Gai Tagi Maolunga ga hai ange gi Moses, “Ahe iho daalaa ange gi dangada, gi dee hagammahi ai gilaadeu gi loomai e tilo au, gai e soa naa gilaadeu e maakau.

Exodus 19:25

Gai Moses ga hano iho gi daho dangada ga tala ange muna nei gi gilaadeu.

2 Kings 18:4

Ia ne aau gee denga mommee daumaha, ma de oha denga duludulu hadu ma de duuduu iho denga duludulu laagau o Asherah. Ia ne oha hogi de labodo bronze a Moses ne hai laa, go hiidinga de gau Israel ne duudagi de dudu denga mee maanongi e hagadubu ai de labodo laa. Gai de labodo laa e hagaingoo ange go Nehushtan.