Deuteronomy 4:32 - De Beebaa Dabu

³² Goodou siilia dagodo o mee gu hai i laangi gu hulo, i mua doodou masavaa, ma mai i de laangi a de Maadua ne hai ai tangada i henua i lalo; goodou ga ssili gi iloo e goodou mai i dahi bido o de langi ga dae ai gi de bido ange laa. Be gu hanu laa mee hagalele mouli bee nei gu hai, aabe gu hanu nei mee bee nei a dangada gu langona?

Deuteronomy 4:32 Referans Kwoze

De Beebaa go Job 8:8

Siilia ange gi denga atangada gu hulo, ma de kana ange ga ssala mee a olaadeu maadua gu iloo,

Matthew 24:31

Gai ia e hai naa gi hulo ana dangada de langi i de ili o de trumpet, gai gilaadeu e hagabuni mai naa ana dangada gu hili i denga madangi e haa, ma mai i dahi bido o de langi ga hano ai gi de bido ange laa.

Psalm 44:1

De Maadua, gimaadeu gu langona i omaadeu dalinga, gai omaadeu dubuna madagidagi gu tala mai gi gimaadeu, dagodo o au mee ne hai i delaadeu masavaa, i denga laangi madagidagi.

Deuteronomy 32:7

Goodou manadua de masavaa madagidagi, gai hagasaelea age dagodo o denga atangada soa i mua. Siilia ange gi oodou damana gai gilaadeu ga tala adu; siilia ange gi oodou dagi, gai gilaadeu ga tala adu.

Joel 1:2

Denga daane maatua, goodou hagalaangona muna nei, alodahi e nnoho i honga de henua, hagalaangona. Gu hanu laa hegau bee nei ne hai i doodou masavaa, aabe go de masavaa o odaadeu dubuna madagidagi?

Genesis 1:27

Gai de Maadua ne hai tangada ga hagadulagi ange gi ono dagodo donu, ia ne hai tangada gi bei hagadulagi o de Maadua; ia ne hai taane ma de hine.

Mark 13:27

Gai ia e hai naa ana dangada de langi gi hulo, gi hagabuni ina mai ana dangada gu hili i denga madangi e haa, aama mai i luu bido o henua i lalo ma luu bido o de langi.

Deuteronomy 30:4

Gai ga mmao naa donu de mommee oodou gu gaavee aagena i henua i lalo, gai Tagi Maolunga doodou Maadua e hagabuni naa goodou ga hagaahe mai.

Exodus 34:10

Gai ia ne hai ange, “Tilo, au e hai dahi hagatoo donu hagaheloongoi madali goe. Au e hai naa denga mee hagalele mouli i madamada o doo huaadangada alodahi, ni mee tigi hai i mua i henua i lalo alodahi, aabe gu hai i dahi huaahenua gee. Gai denga huaadangada alodahi oodou e hulo e nnoho i olaadeu magavaa, e gidee naa hegau hagalele mouli a Tagi Maolunga e hai; go hiidinga se hegau hagamaatagu mmao aagu gu dai hai i oodou daha.

Deuteronomy 4:7

Gai e deai ange donu se huaahenua laumalie e hanu olaadeu maadua e kona de baa ange gi olaadeu dangada, bei de baa mai o Tagi Maolunga taadeu Maadua gi gidaadeu, i masavaa odaadeu e dalodalo ange ai gi de ia.

Deuteronomy 28:64

Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.

Deuteronomy 33:29

De gau Israel, goodou gu manuuia! Goai e bei oodou dagodo, dangada a Tagi Maolunga gu hagaola? Ia e bei doodou mee hungihungi ma doodou bale aama doodou gadilaasa e kii ai. Oodou hagadaumee e maatagu naa i goodou, gai goodou e dagadagahi naa olaadeu mommee daumaha.”

2 Samuel 7:23

Gai goai e bei dagodo o oo dangada go de gau Israel — go de huaahenua i henua i lalo, a de Maadua ne hagaola laa e hai ai ono dangada, gai koe ga hai ai gi maolunga doo ingoo, ma de hai hegau hagalele mouli ma de hagamaatagu, i dau hai gi hulo gee denga huaahenua ange laa ma olaadeu diinonga, mai i daho oo dangada, go dangada aau ne hagaola mai i Egypt?

Isaiah 45:12

Go au donu ne haia henua i lalo, ga hagadau dangada e nnoho ai. Go luoogu lima ne hoolaa de langi, ma de tala ange gi mee i lo te langi alaadeu mee e hai.

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”