Deuteronomy 4:28 - De Beebaa Dabu

²⁸ Gai goodou ga daumaha ange ai naa gi denga diinonga laagau ma hadu, go mee e hagatuu i lima o dangada, gai e dee maua gi gidee dahi mee, be go de hagallongo, be go de gaimee, aabe go de hagadungu dahi mee.

Deuteronomy 4:28 Referans Kwoze

Deuteronomy 28:64

Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.

Jeremiah 16:13

Deenei ai, au e maga naa goodou gi hulo gi de henua oodou ma oodou dubuna madagidagi tee iloo laa, gai goodou ga hai hegau ange ai gi denga diinonga i de laangi ma de boo. Gai au e dee damaa aloha adu naa donu gi goodou.’

Isaiah 46:7

Gilaadeu e hagauda delaadeu diinonga ma de saabai i honga olaadeu eu; ga kave ga hagaduu i dono mommee gi duu ai, gai e dee maua donu i de ngalue gee i dono duulanga. Gai ga dalodalo ange naa donu dahi dangada aagena, aagai e dee basa ange donu, aabe maua i de hagaola tangada mai i ono hai ngadaa.

Deuteronomy 28:36

Gai Tagi Maolunga e hai naa goe ma de hodooligi e dagina goe gi hulo gi dahi huaahenua aau ma oo dubuna madagidagi e dee iloo. Gai koe ga daumaha ange ai gi denga diinonga laagau ma hadu.

Ezekiel 20:39

Gai oodou dagodo, dangada o Israel, go de Ia Aamua go Iahweh e hagadaba: Dahi ma dahi gi hano gi daumaha ange gi ono diinonga! Aagai dua naa huu mee nei, gai goodou e hagallongo mai gi de au; goodou gu dee hagangadi mee dogu ingoo dabu i oodou mee ngadi gaavange ma oodou diinonga.

Isaiah 45:20

Goodou loomai hagabuni i dahi mommee; goodou e doe i denga huaahenua, hagabuni mai. Gilaadeu e gaavee saele olaadeu diinonga laagau ni dangada ssenga, gilaadeu e dalodalo ange gi denga diinonga e dee maua laa i de hagaola.

Isaiah 44:9

Alodahi e haia denga diinonga ni ngadi mee, gai alaadeu mee hagamogomogo e deai donu mee e kii ange ai. Dangada e daalaa hagadonu olaadeu dagodo e dee kide, ma de ssenga — gilaadeu e hagadookaa ina naa.

1 Samuel 26:19

Deenei ai, dogu dangada aamua go de hodooligi, aude haihaia hagalaangona muna a doo dangada hai hegau. Noo go Tagi Maolunga ne gaavadu gi oo lodo, koe gi humai gi hai baasi mai gi de au, gai ia gi gaavee dahi sigidaumaha mai i ogu daha; aagai noo go dangada, gai Tagi Maolunga gi hagamalaia ina gilaadeu, go hiidinga anailaa nei gai gilaadeu gu hai au gi hano gee mai i de henua o Tagi Maolunga, gi daumaha ange gi denga diinonga.

Acts 7:42

Aagai de Maadua ne dugu ange gilaadeu gi daumaha ange gi mee o de langi, bei de hai gu sisi ai laa i lodo beebaa a denga pelaabisi e hai ange: ‘Dangada o Israel, goodou ne gaamai laa donu gi de au denga manu maakau ma sigidaumaha i de vao i e madahaa ngadau?

Jeremiah 10:9

Gai denga selevaa ne tugi ga baabaa ni mee mai i Tarshish; denga goolo ni mee mai i Uphaz. Gai mee a de labagau ne hai i goolo ma selevaa, ne hakahu i malo buluu ma de purple — mee nei alodahi go denga labagau ne haia.

Jeremiah 10:3

Dahulinga a denga huaadangada e deai haigamaiana; gilaadeu e sele iho dahi manu somo i lodo henua, gai de labagau ga daa ai dahi diinonga.

Ezekiel 20:32

Gai oodou mee e maanadu naa e dee maua donu i de hai, i doodou hagataba, “Gimaadeu e hai gi bei dagodo o denga huaahenua ange laa, ma huaabodu i denga henua ange laa, gimaadeu e daumaha ange gi denga laagau ma hadu.”

Acts 19:26

Gai goodou gu gidee ma de iloo bolo taane go Paul gu hagabasa dangada soa i Ephesus, ma mommee alodahi o Asia, gilaadeu gi dee hagadonusia mee nei, ma de hagadaba bolo denga diinonga a dangada e hai e dee ni maadua abodonu.

Revelation 9:20

Gai dangada e doe tee maakau i denga mee hagamaakau laa, tee tili donu mee ne hai i olaadeu lima, gai tee tuu hogi delaadeu daumaha ange gi denga hagasaalunga ma diinonga ne hai laa i olaadeu lima, i goolo ma selevaa ma bronze ma hadu aama laagau, go mee e dee maua laa i de tilo be langona aabe go de seesee.

Deuteronomy 29:17

Gai goodou gu gidee olaadeu diinonga hakino gee i olaadeu daha, go olaadeu diinonga e hai i laagau ma hadu, ma selevaa aama goolo.

Isaiah 26:14

Gilaadeu gu maakau iainei, gu dee mouli ange; olaadeu hagasaalunga gu dee mouli age ange. Koe ne hagaduasala gilaadeu ma de hagallilo gilaadeu, koe gu hai gi deai olaadeu hagamaanadu.

Isaiah 44:12

De labagau o denga baalanga e kave dahi goloa baalanga; ga dugu ange gi lo te ahi e hholu ai; gai ia ga hagahua ai dahi diinonga i denga haamaa, i dana dugidugi i dono lima. Ia e hano ga saalohia gu deai ono mahi; gai e ssili ono mada i dana dee unu vai.

2 Kings 17:40

Aagai gilaadeu tee hagallongo ange gi ana muna, gai ne duudagi donu huu i alaadeu dahulinga mai i mua.

Isaiah 44:11

Tilo, ono soa alodahi e dookaa naa, gai denga labagau alodahi ni dangada donu huu. Gilaadeu alodahi gi hagabuni, gilaadeu gi tuu age; gai gilaadeu alodahi e maatagu naa ma de dookaa.

Jeremiah 10:5

Olaadeu diinonga e bei de mee e dugi ai laa denga manu i lo te veelenga kiulii; olaadeu diinonga e dee maua i de pasa; gai dangada e saabai saele gilaadeu, i hiidinga gilaadeu e dee maua i de seesee. Goodou aude maatagu i denga diinonga nei; gilaadeu e dee maua donu i de hai adu dahi baubau aabe se danuaa daudahi gi goodou.”