Deuteronomy 4:20 - De Beebaa Dabu

²⁰ Aagai Tagi Maolunga ne poo oodou lima ga hagassao mai goodou i lo te ahi mmahi e hagavaivai ina laa baalanga, go Egypt, ma de hai goodou go de huaadangada o dono boolonga, bei oodou dagodo anailaa nei.

Deuteronomy 4:20 Referans Kwoze

1 Kings 8:51

Go hiidinga gilaadeu go oo dangada donu ma doo boolonga, go dangada aau ne hagassao mai i Egypt, de mommee e bei dagodo o de ahi mmahi e hagavaivai ina laa baalanga.

Jeremiah 11:4

go agu muna gu tala ange gi oodou dubuna madagidagi, i de masavaa aagu ne hagassao mai ai gilaadeu i Egypt, go de ahi mmahi e hagavaivai ai laa denga iron. Gai au ne hai ange, ‘Goodou hagallongo mai gi de au, ma de hai mee alodahi aagu gu tala adu gi goodou, gai au ga hai ai goodou go ogu dangada, gai au go doodou Maadua.

Deuteronomy 32:9

Gai tiba a Tagi Maolunga go dono huaadangada, Jacob go de vaaenga ne bolo ange gi de ia.

Deuteronomy 9:29

Aagai gilaadeu oo dangada ma doo boolonga, go gilaadeu aau ne hagassao mai i doo sauaa ma doo lima mmahi.”

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Psalm 135:4

Tagi Maolunga gu hili Jacob gi se dangada niiona, gai ne hai Israel go dono huaadangada hagamogomogo.

Psalm 33:12

E manuuia de huaahenua go Tagi Maolunga delaadeu Maadua, ma dangada aana gu hili go ono dangada!

Psalm 28:9

Hagaola ina doo huaadangada ma de hagamanuuia dangada o doo boolonga; gai koe gi hagaloosi ina ma de saabai gilaadeu ga hano ai.

Deuteronomy 9:26

Gai au ne dalodalo ange gi Tagi Maolunga ga hai ange, “Dogu Ia Aamua go Iahweh, aude daia oo dangada donu gi maakau, go dangada aau ne hagaola ga hagassao mai i Egypt i doo lima sauaa mmahi.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Exodus 1:13

ga hai de gau Israel gi hai hegau kona,

Exodus 6:7

Gai au ga hai naa goodou go ogu dangada, gai au go doodou Maadua, gi iloo ai e goodou bolo go au donu go Iahweh doodou Maadua, go au ne gaavee gee goodou mai i mee a de gau Egypt e hagadaemaha ai goodou.

Exodus 34:9

Gai ia ga hai ange, “Dogu Ia Aamua, noo koe e abodonu mai gi de au, gai au e dangidangi adu gi de goe, dogu Ia Aamua, koe gi humai madali gimaadeu. Ni muna abodonu gimaadeu ni dangada e makaga omaadeu lodo; aagai koe degi mai gi omaadeu baubau ma omaadeu haisala, mage haia gimaadeu go oo dangada donu.”

Deuteronomy 7:6

Go hiidinga goodou se huaadangada gu hagadabu ange gi Tagi Maolunga doodou Maadua. Gai Tagi Maolunga doodou Maadua ne hili goodou, mai i magavaa o dangada alodahi o henua i lalo e hai ai dono huaadangada hagamogomogo.

Deuteronomy 14:2

Go hiidinga goodou gu hagadabu ange gi Tagi Maolunga doodou Maadua. Gai Tagi Maolunga gu hili goodou mai i denga huaadangada alodahi o henua i lalo, e hai ai dono huaadangada hagamogomogo.

Deuteronomy 26:18

Gai Tagi Maolunga gu tala hogi anailaa nei bolo goodou se huaadangada hagamogomogo niiona, bei dana hai gu hagatoo donu adu ai gi goodou. Gai goodou gi daohia ana muna alodahi,

Isaiah 30:6

Muna hagadaemaha i dagodo o denga manu dolodolo i Negev: De gau sui e loomai naa gi de henua hai ngadaa ma de hagaduasala, go de mommee iai de laiono gauligi ma de laiono mmahi, de labodo hagammau ma de labodo lele. Gilaadeu e hagauda mai naa olaadeu lava i honga denga donkey, gai olaadeu goloa hagamogomogo i honga denga gamelo, gi de henua e deai ono haigamaiana ange gi gilaadeu,

Isaiah 48:10

Tilo, au gu hagagilimalali goe, gai tee hagagilimalali bei denga selevaa; au ne hagagilimalali goe i lo te ahi o de hagaduasala.

Daniel 3:26

Gai Nebuchadnezzar ne hano ga hagabaa ange gi de haitoga o de mommee iai de ahi mmahi laa; gai ia ga oo ga hai ange, “Shadrak, ma Meshak aama Abednego, de gau hai hegau o de Maadua Maolunga Mmao laa, goodou ssao mai! Gai loomai gi kinei!” Gai Shadrak, ma Meshak, aama Abednego ga ssao mai i lo te ahi laa,

Exodus 1:14

ma de hai gilaadeu gi kona iho i de hilo denga bela pigi ga hai ai denga duudangaa hadu, aama de hagahai hegau gilaadeu i lodo veelenga; de gau Egypt ne hai gi kona hegau a de gau Israel e hai.