Deuteronomy 4:19 - De Beebaa Dabu

¹⁹ Goodou kana ange hogi gi dee kalo age goodou gi lo te langi ga gidee de laa ma de maasina, aama denga heduu, go mee alodahi i lo te langi, gai goodou gu llodo e daumaha ange ma de hai hegau ange gi gilaadeu, go mee a Tagi Maolunga doodou Maadua gu gaavange gi dangada alodahi i henua i lalo.

Deuteronomy 4:19 Referans Kwoze

Romans 1:25

go hiidinga gilaadeu gu hagahesuihagi de mee abodonu a de Maadua i de muna hhadu, ma de daumaha ange gi mee ne hai laa i taamada, tee daumaha ange gi de ia ne haia mee alodahi, go de ia e heohi taadeu tuhi ga hano ai! Amen.

Deuteronomy 17:3

i dono hano ga daudali ange i denga diinonga ma de daumaha ange gi gilaadeu, be go dono daumaha ange gi de laa, be go de maasina, aabe go denga mee i lo te langi, go mee aagu gu hai adu goodou gi dee haia,

2 Kings 21:3

Ia ne hagatuu age ange denga mommee daumaha, a dono damana go Hezekiah gu oha laa; ia ne hagatuu age hogi hanu mommee o ssigidaumaha o Baal, ma dahi duludulu laagau o Asherah, bei dagodo hegau a Ahab, de hodooligi o Israel. Ia ne ino ma de daumaha ange gi denga heduu alodahi i lo te langi.

2 Kings 17:16

Gai gilaadeu ne tili denga muna alodahi a Tagi Maolunga, delaadeu Maadua gu tala ange gi gilaadeu, gai ga hai e lua kaau baalanga ga daumaha ange aagena, ma dahi duludulu laagau o Asherah. Gilaadeu ne daumaha ange hogi gi denga heduu i lo te langi aama Baal.

Genesis 2:1

Gai de langi ma henua i lalo ma mee alodahi iai gu lava i de hai.

Nehemiah 9:6

Go koe donu huu go Tagi Maolunga. Go koe ne haia denga langi, ma de langi maolunga hugadoo, ma denga hagabuulinga iai, ma henua i lalo ma mee alodahi iai, ma denga dai ma mee alodahi iai. Go koe e gaavange gi gilaadeu alodahi de mouli, gai mee o de langi e ino adu gi de goe.

Acts 7:42

Aagai de Maadua ne dugu ange gilaadeu gi daumaha ange gi mee o de langi, bei de hai gu sisi ai laa i lodo beebaa a denga pelaabisi e hai ange: ‘Dangada o Israel, goodou ne gaamai laa donu gi de au denga manu maakau ma sigidaumaha i de vao i e madahaa ngadau?

Matthew 5:45

gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi.

Jeremiah 8:2

Gai olaadeu ivi e daakodo saele naa i lalo de laa ma de maasina aama denga heduu o de langi, go mee olaadeu ne llodo e hai hegau ange aagena, ma de daudali ai aama de daumaha ange aagena. Gai olaadeu ivi e dee hagabudu naa donu aabe e danu, aagai e bei naa denga duudae e daakodo saele laa i honga de gelegele.

Zephaniah 1:5

go gilaadeu e ino gi lalo i tua denga hale ma e daumaha ange gi denga heduu i lo te langi; ma dangada e ino ange ma de hagatoo donu i de ingoo o Tagi Maolunga aagai e hagatoo donu hogi i de ingoo o Milcom,

Ezekiel 8:16

Gai ia ne kave au gi lo te buibui e mua gi lodo o de hale o Tagi Maolunga, gai tilo, e dinolua ma dogolima daane e nnoho i gaogao de haitoga o de temple i kilaa, i magavaa de velanda ma de mommee o ssigidaumaha. Gai olaadeu dua e huuhuli ange gi de temple, olaadeu mada e huuhuli gi dua, gai gilaadeu e ino ange gi de laa e hanage laa i dua.

Jeremiah 33:25

E hagadaba Tagi Maolunga: Noo au tee hagaduu gi makaga dagu hagatoo donu hagaheloongoi madali de laangi ma de boo, aama huulonga o de langi ma henua i lalo,

Jeremiah 31:35

E hagadaba Tagi Maolunga, go de ia ne haia de laa gi hagamaalama ina de laangi, go de ia ne hagatau ina huulonga o de maasina ma denga heduu gi hagamaalama ina ai de boo, gai go de ia e hagangalungalue ina tai gai ono beau gu haganguu — dono ingoo go Tagi o denga hagabuulinga hebagi:

Jeremiah 19:13

Denga hale i Jerusalem ma hale o denga hodooligi o Judah e hai naa ga hakino gee bei de mommee go Topheth — go denga hale alaadeu ne dudu ai mee maanongi i tua denga hale, ange gi denga heduu, aama de llingi ai denga sigidaumaha o mee unu ange gi denga diinonga.’ ”

2 Kings 23:11

Ia ne kave gee hogi denga hoosa i gaogao de haitoga o de hale o Tagi Maolunga, a denga hodooligi o Judah ne gaavange e daumaha ange ai gi de laa. Mee nei ne dugu i lo te buibui i gaogao de aabi o tagi go Nathan-Melek. Gai Josiah ne dudu denga hada ne gaavange laa e daumaha ange ai gi de laa.

Deuteronomy 4:18

be go dahi manu e tolo laa i honga de gelegele, aabe go dahi mamu i lausedi.

Deuteronomy 13:5

Aagai de pelaabisi aabe go tangada e haia denga midi e daa donu gi magau, go hiidinga ia gu hai dangada gi hai baasi ange gi Tagi Maolunga doodou Maadua, go ia ne hagassao ina mai goodou i de henua go Egypt, ma de hagaola goodou mai i de henua oodou nogo hai hegau hagaduasala ina ai. De gau bee nei ne hai goodou gi daahuli gee, i de haiava a Tagi Maolunga doodou Maadua gu tala adu goodou gi daudali ai. Goodou aaua gee donu de baubau nei mai i oodou daha.

Deuteronomy 13:10

Goodou ga maga ia gi magau i hadu, go hiidinga ia ne hagatale de hai goodou gi hulo gee mai i Tagi Maolunga doodou Maadua, de ia ne hagassao ina mai goodou i de henua go Egypt, aama de mommee oodou nogo hagahai hegau ina ai.

Ezekiel 18:6

ia e dee gaimee i mommee daumaha i honga mounga gai e dee tali ange gi denga diinonga o de gau Israel. Ia e dee dagodo haisala madali de bodu o tangada e baa adu gi de ia, aabe go de hine magi haahine.

Genesis 1:14

Gai de Maadua ga hagadaba, “Gi hanu mee hagamaalama i lo te langi i lunga, e vvae ai de laangi ma de boo, gai mee nei ga hagailonga ai denga masavaa, ma laangi aama ngadau.

2 Chronicles 33:3

Ia ne hagatuu age ange denga mommee daumaha a dono damana go Hezekiah ne oha laa; ia ne hagatuu age hogi hanu mommee e sigidaumaha ange ai gi Baal, ma dahi duludulu laagau o Asherah. Ia ne ino ma de daumaha ange gi denga heduu alodahi i lo te langi.

Psalm 19:3

E deai e pasa aabe ni muna e tala; e dee langona hogi olaadeu leo.