Deuteronomy 33:9 - De Beebaa Dabu

⁹ Ia ne hagadaba i dono damana ma dono dinana, ‘Au e dee anga ange donu gi gilaau.’ Ia ne hagangadi mee ono daina gai ne tili ana dama. Go hiidinga gilaadeu ne daudali i au muna, ma de daohi dau hagatoo donu hagaheloongoi.

Deuteronomy 33:9 Referans Kwoze

Luke 14:26

“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

Matthew 12:48

Gai Iesu ne ssili ange gi tangada ne basa ange laa gi de ia, “Goai dogu dinana? Aagai goai ogu daina daane?”

Matthew 10:37

Be goai e kii dono damana be go dono dinana i dono aloha ai i de au, e dee bau ange gi de hagabinga bolo se dangada agoago niiagu; gai be goai e kii dana dama daane be go dana damaa hine i dono aloha ai i de au, gai ia e dee bau ange i de hagabinga bolo se dangada agoago niiagu.

Galatians 1:10

E aha, go dangada aagu e hagatale nei de hai gi malangilangi, aabe go de Maadua? Noo au goi hagatale huu de hagamalangilangi dangada, aagai au e dee se dangada hai hegau abodonu niio Klisdo.

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

De Beebaa go Job 37:24

Deelaa ai, dangada e maatagu i de ia; ia e dee anga ange gi dangada e maanadu laa bolo gilaadeu e heiangi.”

1 Chronicles 17:17

De Maadua, e dee deenei donu huu dau mee gu hai; gai koe gu tala hogi dagodo o de aamuli o doo dangada hai hegau i muli mai. Tagi Maolunga de Maadua, koe gu hai ai au gi bei dagodo o de gau maolunga.

Leviticus 21:11

Ia e dee ulu hogi i de mommee iai dahi dangada magau. Ia e dee hai donu gi dee gilimalali ia, e dee galemu donu go dono damana aabe go dono dinana ne magau.

Leviticus 10:6

Gai Moses ga hai ange gi Aaron, ma luaana dama daane go Eleazar aama Ithamar, “Goodou e dee hai gi lausamua oodou biho, be e saesae oodou malo gi dee maakau ai goodou, gai dae mai ai de lili o Tagi Maolunga gi honga o de huaadangada. Gai oodou daina go de gau Israel alodahi e tangi naa i hiidinga o dangada a Tagi Maolunga ne daa ga maakau i de ahi.

Genesis 29:32

Gai Leah gu hai dama ga haanau dahi dama daane, gai ia ga hagaingoo ange ia go Reuben, gai ia ne hagadaba, “Tagi Maolunga gu gidee dogu duasala, dua iainei gai dogu bodu e aloha donu i de au.”

1 Timothy 5:21

Au e hai adu gi de goe i mada luu mada o de Maadua ma Klisdo Iesu aama de gau de langi gu hili laa, koe gi daohia muna nei, gai koe gi dee vae dangada, aabe gi hilihili dangada.

1 Thessalonians 2:4

aagai ne hai bei de hai a de Maadua ne gaamai ai gi gimaadeu de longo danuaa. Deelaa ai, gimaadeu tee tala mee nei e hagamalangilangi ai dangada, aagai ne tala e hagamalangilangi ai de Maadua, go de ia e hagataalea dagodo maanadu i odaadeu lodo.

Psalm 119:57

Go Tagi Maolunga dogu duuhanga; au gu hagatoo donu bolo au e daohi au muna.