Deuteronomy 33:8 - De Beebaa Dabu

⁸ Ia ne tala dagodo o Levi, ga hagadaba, “Gaavange gi Levi dau Thummim gai dau Urim gi gaavange gi doo dangada dabu. Koe ne hagatale gilaadeu i Massah gai ne hagadaumee ange gi gilaadeu i de vai go Meribah.

Deuteronomy 33:8 Referans Kwoze

Exodus 17:7

Gai Moses ne hagaingoo ange de mommee laa go Massah ma Meribah, go hiidinga de gau Israel ne hai baasi ange aama de hagatale Tagi Maolunga, ga hagataba, “E noho nei donu Tagi Maolunga i odaadeu daha be deai?”

Exodus 28:30

Gai koe haoa hogi de Urim ma de Thummim gi lo te mee dau i hadahada, gi dagodo ai i honga de hadu manava o Aaron, i de masavaa alodahi oona e ulu ai gi mada luu mada o Tagi Maolunga. Deenei de hai a Aaron e dau ai mee e hagamodu ange ai muna, gi de gau Israel, i mada luu mada o Tagi Maolunga i masavaa alodahi.

Numbers 20:13

Mee nei ne hai i Meribah, go kilaa o de gau Israel ne hagadaumee ange ai gi Tagi Maolunga, gai ia ga hagaago ange gi gilaadeu bolo ia e dabu.

Psalm 106:16

Gilaadeu ne magiaa ange gi Moses ma Aaron, taane gu hagadabu ange gi Tagi Maolunga,

Leviticus 8:8

Gai ia ga hagauda ange gi de ia de mee dau i hadahada, gai ia ga hhao ange de Urim ma de Thummim gi lo te mee dau i hadahada.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.

Hebrews 7:26

Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

Psalm 81:7

Koe ne hagahi mai au i doo duasala, gai au ne hagaola goe; au ne basa adu gi de goe mai i lo te hagausinga o de hatuli, gai au ne hagatale oo dagodo i de vai go Meribah. Selah

Psalm 16:10

Go hiidinga koe e dee tili donu au i de mommee o de gau maakau, aabe dugu ange dau ia dabu gi gidee de geelonga laa.

Nehemiah 7:65

Gai de goobenaa ne hai ange gilaadeu gi dee gaina gai dabu, ga dae ai gi de dahi dangada haimeedabu e hagamodu ina mee nei i de Urim ma de Thummim.

Ezra 8:28

Gai au ne hai ange gi gilaadeu, “Goodou gu hagadabu ange gi Tagi Maolunga, gai denga goloa naa gu hagadabu hogi. Gai denga selevaa ma goolo naa ni mee ngadi gaavange gi Tagi Maolunga, de Maadua o oodou dubuna madagidagi.

Ezra 2:63

Gai de goobenaa ne hai ange gilaadeu gi dee gaina gai dabu, ga dae ai gi de dahi dangada haimeedabu e hagamodu ina mee nei i de Urim ma de Thummim.

2 Chronicles 23:6

Gai goodou ga dagitilo gi deai ange dangada e ulu mai gi lo te hale o Tagi Maolunga, go de gau haimeedabu donu huu ma denga daane de aamuli o Levi e hai hegau laa e ulu gi lodo, go hiidinga gilaadeu gu lava i de hagadabu. Gai dangada alodahi gi daudali i muna a Tagi Maolunga ma gi nnoho i haho.

1 Samuel 28:6

Gai a Saul ne ssala gi iloo lodo o Tagi Maolunga, aagai Tagi Maolunga tee basa ange gi de ia i denga midi, be go de Urim, aabe go daho denga pelaabisi.

Deuteronomy 8:16

Ia ne haangai goodou i denga manna i lodo henua, ni mee niiodou dubuna madagidagi tee iloo, gai ia ga hagamaolalo ai goodou ma de hagatale ai dagodo o oodou lodo, gi danuaa adu ai gi goodou i muli mai.

Numbers 27:21

Gai ia gi duu i mada i mua o tangada haimeedabu go Eleazar, gai tangada haimeedabu ga hai gi iloo e ia hagatau a Tagi Maolunga i de Urim ma de Thummim. Gai tangada haimeedabu ga tala ange ai gi Joshua ma de hagabuulingaa dangada o Israel alaadeu mee e hai.”

Numbers 16:5

ga hai ange gi Korah ma denga daane madali ia, “Boo taiao gai Tagi Maolunga e hagaago mai naa be goai ono dangada gai goai e dabu, gai goai e maua i de hano e hagabaa ange gi de ia. Gai tangada naa huu aana e hili, gai ia gi humai gi hagabaa ange gi de ia.

Leviticus 21:7

Gilaadeu e dee hai bodu ange hogi gi dahi hahine hai be se manu, be se hine gu hakino gee, aabe se hine gu maavae ange gi dono bodu; i hiidinga tangada haimeedabu gu hagadabu ange gi dono Maadua.

Exodus 28:36

Gai koe ga hai dahi dibaa goolo danuaa, ga maaga ange aagena muna nei: ‘Hagadabu ange gi Tagi Maolunga’, bei de hai e maaga ai de buulei hagailonga.

Numbers 20:24

“Aaron e magau naa ga hagabuni ai madali ono dangada; ia e dee maua gi dae gi de henua aagu e gaavange gi de gau Israel, i hiidinga gooluu ne hai baasi mai gi agu muna, i de vai go Meribah.

Deuteronomy 6:16

Goodou aude hagataalea Tagi Maolunga doodou Maadua bei doodou hai ne hagatale ai laa ia i Massah.

Malachi 2:6

Gai ia e agoago mee heohi i dono ngudu, gai e deai donu se mee dee heohi e tala i dono ngudu. Gai ia ne seesee madali au i de baba ma de heohi, gai ne hagadaahuli gee dangada soa mai i olaadeu baubau.

Numbers 35:8

Gai deenei de hai a de gau Israel e gaavange ai aduhale nei: de aamuli e laumalie laa delaadeu vaaenga e kii ange de lagolago alaadeu aduhale e gaavange, gai de aamuli e damaa mee laa delaadeu vaaenga e sogoisi mai ange. Dahi aamuli ma dahi aamuli gi vaaea ange hanu olaadeu aduhale gi de aamuli o Levi, gi bei de laumalie be go de damaa mee delaadeu mommee.”

Deuteronomy 9:22

Goodou ne hai hogi Tagi Maolunga ga lili i Taberah, ma Massah aama Kibroth Hattaavah.