Deuteronomy 33:28 - De Beebaa Dabu

²⁸ Gai de gau Israel gu dee maatagu, gai hagadiilinga o Jacob gu nnoho paba, i de henua iai denga grain ma uvaini hoou, gai se mommee e hano iho aagena de mee suungia i de langi.

Deuteronomy 33:28 Referans Kwoze

Numbers 23:9

Au ne gidee adu gilaadeu i ulu denga mounga, ma de tilo adu gilaadeu i honga denga duuduu; gilaadeu se huaadangada e nnoho donu huu i gilaadeu, gilaadeu e dee dau ange gi denga huaahenua ange laa!

Exodus 33:16

Gai dee hee ai naa de hai a dangada e iloo ai bolo koe e malangilangi i de au, go gimaadeu ma doo huaadangada? E aha, e dee go doo hano madali gimaadeu e haia ga dagodo gee gimaadeu, go au ma oo dangada, mai i denga huaadangada ange laa i henua i lalo?”

Genesis 27:28

De Maadua gi gaavadu gi de goe de mee suungia mai i de langi, ma mee moomuna o de gelegele ma grain ma uvaini lagolago.

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Jeremiah 33:16

Laangi laa gai Judah e ola naa, gai Jerusalem e duadonu naa. Gai deenei dono hai e hagaingoo ai: Tagi Maolunga Taadeu Heohi.

Psalm 68:26

Hagadegi ina de Maadua i lo te hagabuulinga laumalie, hagadegi ina Tagi Maolunga, goodou de hagabuulinga o de gau Israel.

Deuteronomy 11:11

Gai de henua oodou ga hulo naa e henua ai, se henua iai duuduu ma gelogelonga, gai de langi e pala iho ma e hagamaluulu honga de gelegele,

Deuteronomy 33:13

Ia ne tala dagodo o Joseph, ga hagadaba, “Tagi Maolunga e hagamanuuia delaadeu henua i denga mee danuaa mai i de langi i lunga aama lalo de henua,

Deuteronomy 32:2

Agu agoago e bei dagodo o de langi pala, agu muna e loiho bei de mee suungia o taiao; bei de langi e pala iho laa gi honga helii se goodo matili age, aama de langi e hano iho maalie laa gi honga denga manu ssomo vaaligiligi.

Ezekiel 34:25

Gai au e hai naa dahi hagatoo donu hagaheloongoi ange gi de nnoho paba madali gilaadeu, ma de hai gi deai manu lodo henua e loomai gi honga de henua. Gai gilaadeu gu maua i de nnoho paba i de vao ma de sseni i lodo henua.

Isaiah 48:1

Dangada o Jacob, goodou hagalaangona muna nei, go goodou gu hagaingoo ange go Israel, gai ne hagadili i daho Judah, goodou e hagatoo donu i de ingoo o Tagi Maolunga, ma de dagudagu de Maadua o Israel, aagai e dee se muna abodonu aabe e hai i de heohi.

Genesis 27:37

Gai Isaac ne basa ange ga hai ange gi Esau, “Au gu hai ia go doo dagi, gai ono daina alodahi e hai hegau ange naa gi de ia; gai au gu gaavange gi de ia denga grain, ma uvaini e gaimee ai ia. Gai se aha naa donu aagu e maua i de hai adu maau, e dagu dama?”

Genesis 27:39

Gai dono damana go Isaac ga basa ange, ga hai ange gi de ia, “Tilo, doo mommee noho ai e mmao gee i de gelegele e hhua danuaa ai denga manu ssomo, ma mai i de mommee e hano iho ai de mee suungia o de langi.

Deuteronomy 32:8

De masavaa a de Ia Maolunga Mmao laa ne bolo ai denga huaahenua, ma de vaevae ai dangada, gai ia ne hagatuu goinga o denga huaadangada gi heohi ange gi taelodo o dama a de Maadua.

Deuteronomy 33:12

Ia ne tala dagodo o Benjamin, ga hagadaba, “De ia o Tagi Maolunga e aloha ai gi nnoho paba; ia e duuli gilaadeu mai i taiao ga boo ai, gai gilaadeu e kage i honga luoono eu.”

Proverbs 3:20

Dono iloo mee ne vvae denga moana kelo, gai ne hai gi hano iho de mee suungia i lodo hagausinga.

Proverbs 19:12

De bole o de hodooligi e bei de hagangolo o de laiono, aagai dono abodonu e bei de mee suungia e hano iho laa gi honga helii.

Jeremiah 49:31

Hiihidi age hulo hebagi ange gi de huaahenua e nnoho paba laa ma de duadonu, go Tagi Maolunga e hagadaba, se huaahenua e deai ono abaaba aabe ni laagau hagamakaga; e deai hogi dangada e paa ange gilaadeu.

Zechariah 8:12

Gilaadeu e doo naa denga golee i de masavaa o de nnoho paba. De grapevine e hua naa, gai de gelegele e lagolago naa huamanu e maua ai, gai de maluulu o taiao e hano iho naa i de langi ga hagamaluulu de gelegele. Au e gaavange naa gi dangada e doe mee nei alodahi.

Deuteronomy 12:10

Gai de masavaa naa huu oodou e hulo ai ga tae gi baasi dai o Jordan, ga nnoho i de henua a Tagi Maolunga doodou Maadua e gaavadu gi goodou gi henua ai, gai ia e hai naa hogi gi nnoho paba goodou, gai goodou gu dee maatagu i oodou hagadaumee e paa adu gi goodou.

1 Kings 5:5

Gai au gu hagatau e hagaduu age dahi hale e hagadubu ai de ingoo o Tagi Maolunga, dogu Maadua, bei dagodo muna a Tagi Maolunga ange gi dogu damana go David, ‘Go dau dama daane e suuia laa goe e hodooligi ai i doo nohoanga hodooligi, e hagaduulia de hale e hagadubu ai dogu ingoo.’

Zechariah 14:11

Gai dangada e nnoho naa i kilaa, gu dee ahe ange e hai gi se mommee gu hagamalaia. Gai Jerusalem e noho baba naa.