Deuteronomy 33:27 - De Beebaa Dabu

²⁷ De Maadua e mouli laa ga hano ai, go doo buibui, gai luoono lima dee ngado mai laa e daohi age goe. Ia e aau gee naa doo hagadaumee i oo mada i mua, ga hagadaba, ‘Daia gilaadeu gi maakau!’

Deuteronomy 33:27 Referans Kwoze

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

Psalm 91:9

Noo koe e hai Tagi Maolunga go doo buibui, gai de Ia Maolunga Mmao laa go doo mommee e nnoho ai;

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Isaiah 26:4

Goodou hagadonusia Tagi Maolunga ga hano ai, i hiidinga Iahweh, Tagi Maolunga, go de Baba makaga e dee ngado mai.

Revelation 20:10

Gai de ia hagabaubau e daahangadia laa gilaadeu gu tili ange gi lo te ahi ula ma denga sulfur e ssali laa bei vai, go de mommee ne tili ange aagena de manu alasala ma de pelaabisi hadu muna laa, gai gilaadeu e hagaduasala naa i de laangi ma de boo ga hano ai e dee ngado mai.

Psalm 102:24

Au ne hagadaba, “Dogu Maadua, koe gi dee gaavee gee au i dogu masavaa e dama daane ai, gai koe e mouli donu i denga atangada alodahi.

Genesis 49:24

aagai dana mee hholu e dee ngalungalue naa donu, luoono lima e hai ga mmahi i hiidinga o de Ia Mmahi o Jacob, go de Ia Hagaloosi, ma de Baba mmahi o Israel.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Song of Songs 2:6

Dono lima masui e lango age ai dogu biho, gai dono lima madau e buuludi mai au.

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

Luke 13:34

Jerusalem, Jerusalem, de aduhale ne daia ga maakau denga pelaabisi ma de maga i hadu gilaadeu ne hai gi loomai gi de aduhale! Gu dee modu dogu lodo e hagabudu au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Proverbs 10:25

De gau baubau e gaavee gee naa i de masavaa e dau ai de madangi mmahi, aagai tangada heohi e duu ma e makaga ga hano ai.

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 46:7

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 36:7

De Maadua, e hagamogomogo mmao doo abodonu! Gai dangada e buibui i lalo de malu o luoo bakau.

Psalm 27:5

Gai ia e buibui naa donu au i dono mommee noho i de masavaa hai ngadaa; ia e hagammuni au i lo tono hale malo, ma de dugu age au i honga de baba maolunga.

1 Samuel 15:29

Gai de ia Mahamaha o Israel e dee hadu muna donu aabe e sui ono lodo; go hiidinga ia e dee bei dagodo o tangada, gai ia ga sui ai ono lodo.”

Deuteronomy 7:2

gai de masavaa naa huu a Tagi Maolunga doodou Maadua e dugu adu ai gilaadeu gi nnoho i oodou lalo, gai goodou gu hagadee kii gilaadeu, gai goodou e daa gilaadeu alodahi gi odi i de maakau. Goodou e dee hai hogi dahi hagatoo donu hagaheloongoi madali gilaadeu, aabe abodonu ange gi gilaadeu.

Psalm 48:3

De Maadua gu noho i ono hale buibui makaga, ia gu hagaago mai bolo go ia de mommee buibui makaga.

Joshua 24:18

Gai Tagi Maolunga ne hai gi hulo gee dangada alodahi mai i omaadeu mada i mua, go de gau Amor ne nnoho laa i de henua. Deenei ai, gimaadeu e daumaha ange naa donu gi Tagi Maolunga, go hiidinga go ia demaadeu Maadua.”

Exodus 34:11

Gai goodou kana ange hagallongo ange gi muna aagu gu tala adu gi goodou anailaa nei. Tilo, au e hai naa gi hulo gee de gau Amor, ma de gau Canaan, ma de gau Heth, ma de gau Perez, ma de gau Hiv, aama de gau Jebus.

Psalm 55:19

Gai de Maadua gu hodooligi laa mai madagidagi, ia e langona, ga hagaduasala gilaadeu; Selah go hiidinga gilaadeu e dee llodo donu e sui, gai e dee maatagu i de Maadua.

Psalm 71:3

Go koe de baba makaga oogu e buibui ai, go de mommee oogu e maua i de hano aagena i masavaa alodahi; koe gu hagadaba bolo au gi hagaola ina mai au, gai go koe dogu baba ma dogu mommee buibui makaga.

Habakkuk 1:12

Tagi Maolunga, e aha, koe tee noho mai laa i taamada? Go koe dogu Maadua, dogu Ia Dabu, gimaadeu e dee maakau donu. Tagi Maolunga, koe ne hagatau bolo gilaadeu gi hagaduasala ina gimaadeu; gai go koe, de Baba, ne hagamodu ina ange gilaadeu gi haelea gimaadeu.

Exodus 23:28

Gai au e hai naa gi hulo denga wasp gi haia gi hulo gee de gau Hiv, ma de gau Canaan, aama de gau Heth mai i oodou mada i mua.

Psalm 68:34

Daalaa dagodo mahi o de Maadua; gai go ia iai ssauaa e dagi i honga o Israel, gai ono mahi e hagaago mai i lo te langi.

Psalm 139:5

Koe e duuli mai ogu dua ma ogu mada i mua, gai koe e dagi au i doo lima.

Jeremiah 50:21

Goodou loage hebagi ange gi de henua go Merathaim, ma dangada e nnoho i Pekod. Dolohia, ga daa gilaadeu alodahi gi odi i de maakau, go Tagi Maolunga e hagadaba, Haia donu gi bei mee alodahi aagu gu tala adu gi de goe.

Hosea 11:3

Gai go au ne agoagona ange Ephraim gi seesee, go au ne boogia olaadeu lima; aagai gilaadeu tee iloo donu bolo go au ne hagaieiangi ina gilaadeu.

Micah 5:1

De aduhale o denga daane hebagi, hagabuni ina oo hagabuulinga hebagi, go hiidinga hanu gu dai hebagi mai naa gi taadeu aduhale. Gilaadeu e hagailiili naa de galaahuu o tagi o Israel i de laagau.