Deuteronomy 33:19 - De Beebaa Dabu

¹⁹ Gilaadeu e hagahi naa dangada gi loomai gi delaadeu mounga, gai gilaadeu ga hai ai denga sigidaumaha heohi. Gilaadeu e kave naa mee danuaa i lausedi, ma mee hagamogomogo e danumia laa i lo te gelegele.”

Deuteronomy 33:19 Referans Kwoze

Isaiah 60:5

Gai luoo mada e maalama age naa i dau gidee, koe e lodo danuaa naa ma de malangilangi mmao. De lava o honga lausedi e gaavadu naa gi de goe gai de lava o denga huaahenua e gaavadu naa gi de goe.

Psalm 4:5

Haia denga sigidaumaha heohi, gai gi hagadonusia Tagi Maolunga.

Isaiah 2:3

gai dangada soa e loomai naa, ga hagataba: “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia e agoago mai naa gidaadeu i ono haiava gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Exodus 15:17

Koe e kave naa gilaadeu ga hagannoho i honga doo mounga donu; Tagi Maolunga, deenei de mommee gu hai ai doo mommee noho; de Ia Aamua, deenei de hale dabu aau gu hagaduu.

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

Micah 4:2

denga huaahenua soa e loomai naa ga hagataba, “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia ga agoago mai ai gidaadeu i ono haiava, gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Isaiah 60:16

Koe e unu naa vai uu a denga huaahenua, ma de gaimee i gai danuaa a denga hodooligi. Gai koe e iloo naa bolo go au donu go Iahweh, doo Ia Hagaola, go au ne hagaola ina goe, de Ia Mmahi o Jacob.

Psalm 107:22

Gilaadeu gi haia denga sigidaumaha o de hagadegi, ma de tala ana mee gu hai i denga daahili hagamalangilangi!

Psalm 51:19

gai gi malangilangi ai goe i denga sigidaumaha heohi, ma denga sigidaumaha dudu, aama sigidaumaha e dudu alodahi, gai ssigidaumaha o denga kaau e hai naa i honga dau mommee o ssigidaumaha.

Deuteronomy 32:13

Ia ne hai gilaadeu gi saavini laa honga denga mommee maolunga o de henua, ma de gai hua o denga manu ssomo i lo te duu malaelae; ia e haangai ange gilaadeu i denga hooni lo te baba, aama lolo o denga olive i lodo hadu makaga.

Genesis 49:13

Zebulun e noho naa i tagudai; gai e hai naa go taulanga o denga vaga, ono goinga e hano naa ga tae gi Sidon.

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

Psalm 4:6

E soa dangada e hagataba, “Goai e haia mai tanuaa gi gimaadeu? Tagi Maolunga, haia de maalama o luoo mada gi hagamaalama ina gimaadeu!”