Deuteronomy 33:13 - De Beebaa Dabu

¹³ Ia ne tala dagodo o Joseph, ga hagadaba, “Tagi Maolunga e hagamanuuia delaadeu henua i denga mee danuaa mai i de langi i lunga aama lalo de henua,

Deuteronomy 33:13 Referans Kwoze

Micah 5:7

Gai dangada o Jacob e doe i daho denga huaadangada soa e bei naa de mee maluulu mai i daho Tagi Maolunga, ma de langi pala i honga helii, e dee tali ange donu dahi dangada aabe e dahi alaadeu tali ange gi tangada.

Hosea 14:5

Au e bei naa de maluulu o taiao ange gi Israel; gai ono huaala e bei naa bei de lilii. Ono aga e bei naa aga o cedar o Lebanon,

Isaiah 18:4

Tagi Maolunga ne hai mai gi de au, “Au e noho naa ga dee muu ga galo iho ai i dogu mommee noho, bei de vvela o de laa i de masavaa e dii ai, ma de mee maluulu i de masavaa hagihagi e hagavvela laa.”

Proverbs 19:12

De bole o de hodooligi e bei de hagangolo o de laiono, aagai dono abodonu e bei de mee suungia e hano iho laa gi honga helii.

Proverbs 3:20

Dono iloo mee ne vvae denga moana kelo, gai ne hai gi hano iho de mee suungia i lodo hagausinga.

Zechariah 8:12

Gilaadeu e doo naa denga golee i de masavaa o de nnoho paba. De grapevine e hua naa, gai de gelegele e lagolago naa huamanu e maua ai, gai de maluulu o taiao e hano iho naa i de langi ga hagamaluulu de gelegele. Au e gaavange naa gi dangada e doe mee nei alodahi.

Psalm 110:3

Oo dangada e malangilangi naa i de daudali adu i de masavaa o de hebagi, i honga de mounga dabu. Gai oo daane e loomai naa gi oo daha bei dagodo o de mee suungia i taiao.

De Beebaa go Job 29:19

Au e bei de manu somo e hulo laa ono aga gi lodo vai, gai ono laa e hagamaluulu i ssuungia o de boo.

Deuteronomy 32:2

Agu agoago e bei dagodo o de langi pala, agu muna e loiho bei de mee suungia o taiao; bei de langi e pala iho laa gi honga helii se goodo matili age, aama de langi e hano iho maalie laa gi honga denga manu ssomo vaaligiligi.

Genesis 48:9

Gai Joseph ga hai ange gi dono damana, “Aanei luu dama a de Maadua ne gaamai gi de au i kinei.” Israel ne hai ange, “Gaamai gilaau gi ogu daha, gai au ga hagamanuuia ai gilaau.”

Genesis 48:5

Gai luaau dama daane ne hagadili i Egypt, go Ephraim ma Manasseh, i mua dogu humai gi oo daha i kinei gu niiagu donu; gilaau gu bei donu dagodo o Reuben ma Simeon, gilaau gu niiagu.

Genesis 27:27

Gai Jacob ne hano ga hagabaa ange ga oso dono damana, gai ga dungua huu e Isaac de nnamu o ono malo, gai ia ga hagamanuuia ia, ga hagadaba, “De nnamu o dagu dama daane e bei de nnamu i lo te duu malaelae a Tagi Maolunga gu hagamanuuia.

Genesis 27:39

Gai dono damana go Isaac ga basa ange, ga hai ange gi de ia, “Tilo, doo mommee noho ai e mmao gee i de gelegele e hhua danuaa ai denga manu ssomo, ma mai i de mommee e hano iho ai de mee suungia o de langi.

Numbers 1:32

Gai daane mai i de aamuli o Joseph: daane mai i de aamuli o Ephraim: go daane alodahi gu dagimadalua olaadeu ngadau ga hanage ai, gai gu maua i de dau i de hebagi, ne dau ga sisi olaadeu ingoo madali olaadeu aamuli ma huaabodu o olaadeu dubuna madagidagi.

Deuteronomy 33:14

ma denga huamanu danuaa e hhua mai i hiidinga o de laa, ma mee danuaa alodahi e hhua i denga malama,

Deuteronomy 33:28

Gai de gau Israel gu dee maatagu, gai hagadiilinga o Jacob gu nnoho paba, i de henua iai denga grain ma uvaini hoou, gai se mommee e hano iho aagena de mee suungia i de langi.

Psalm 148:7

Duuhia Tagi Maolunga i henua i lalo, goodou denga dragon o lausedi aama denga moana kelo alodahi,