Deuteronomy 33:12 - De Beebaa Dabu

¹² Ia ne tala dagodo o Benjamin, ga hagadaba, “De ia o Tagi Maolunga e aloha ai gi nnoho paba; ia e duuli gilaadeu mai i taiao ga boo ai, gai gilaadeu e kage i honga luoono eu.”

Deuteronomy 33:12 Referans Kwoze

2 Chronicles 15:2

gai ia ne hano ga hedae ange gi Asa, ga hai ange gi de ia, “Asa, ma denga daane alodahi o Judah ma Benjamin, goodou hagalaangona agu muna. Tagi Maolunga e noho madali goodou, noo goodou e nnoho madali ia. Noo goodou e ssala ia, gai goodou e gidee naa donu ia, aagai noo goodou e tili ia, gai ia e tili naa hogi goodou.

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Psalm 91:4

Ia e haoli naa goe i lalo ono hulu manu ma de buibui goe i lalo luoono bakau; dono hai hegau i de muna abodonu go doo mee hungihungi ma doo buibui.

Isaiah 51:16

Au gu hhao agu muna gi lo too ngudu, ma de haoli goe i de malu o dogu lima; go au donu ne hagaduulia de langi, ma henua i lalo i olaau mommee, go au ne hagadagodo denga dagelo o henua i lalo, gai go au ne hai ange gi Zion, ‘Go goodou ogu dangada.’ ”

Isaiah 37:35

Gai au e buibui naa donu ma de hagaola de aduhale nei, i hiidinga o dogu ingoo ma hiidinga o dogu dangada hai hegau go David.”

Isaiah 37:22

aanei muna a Tagi Maolunga e hai baasi ange ai gi de ia: De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

2 Chronicles 11:1

De masavaa o Rehoboam ne dae ai gi Jerusalem, gai ia ga hagabuni e 180,000 daane dau i de hebagi mai i de aamuli o Judah, ma de aamuli o Benjamin, e hebagi ange ai gi de nohoanga hodooligi o Israel, e hagaahe mai ai de nohoanga hodooligi alodahi gi Rehoboam.

1 Kings 12:21

De masavaa o Rehoboam ne dae ai gi Jerusalem, gai ia ga hagabuni de aamuli o Judah, ma de aamuli o Benjamin — se 180,000 daane dau i de hebagi — e hebagi ange ai gi de nohoanga hodooligi o Israel, e hagaahe mai ai de nohoanga hodooligi alodahi gi Rehoboam, tama daane a Solomon.

Deuteronomy 12:10

Gai de masavaa naa huu oodou e hulo ai ga tae gi baasi dai o Jordan, ga nnoho i de henua a Tagi Maolunga doodou Maadua e gaavadu gi goodou gi henua ai, gai ia e hai naa hogi gi nnoho paba goodou, gai goodou gu dee maatagu i oodou hagadaumee e paa adu gi goodou.

Psalm 132:14

“Deenei dogu mommee noho ga hano ai; go kinei oogu e noho ai i hiidinga go de mommee oogu e lodo ai.

Judges 1:21

Gai de aamuli o Benjamin tee hai gi hulo de gau Jebus e nnoho laa i Jerusalem; deelaa ai, de gau Jebus gu nnoho madali dangada de aamuli o Benjamin i Jerusalem, ga dae mai ai gi anailaa nei.

Exodus 28:12

Gai koe ga hagabigibigi ange luu hadu nei gi honga luu eu o de ephod e hagamaanadu ai de gau Israel. Gai Aaron gi hagaudalia olaadeu ingoo i honga luoono eu e hagamaanadu ai gilaadeu i mada luu mada o Tagi Maolunga.

Numbers 34:21

Tagi o de aamuli o Benjamin go Elidad, tama daane a Kislon.

Deuteronomy 4:37

Gai go hiidinga ia e aloha i oodou dubuna madagidagi, deelaa ai, ia ne hili olaadeu aamuli ne haanau i olaadeu dua, gai ia ne hagassao ina mai goodou i Egypt i dono sauaa mmahi,

Deuteronomy 32:11

Ia e bei dagodo o de igele e aheahe saele laa i honga dono hoohanga, ma e hagaloosi ange ai ana dama, ia e doha luoono bakau e sigo ai gilaadeu ga hagauda ai gilaadeu ga kave.

Deuteronomy 33:11

Tagi Maolunga, hagamanuuia ina olaadeu goloa, gai malangilangi i alaadeu hegau e hai; hagadee kii ina olaadeu hagadaumee ma dangada e kino i gilaadeu, ga dae ai gi delaadeu dee aahe ange e hiihidi age.”

Psalm 60:5

Gai hagaola ina gimaadeu i doo lima madau, ma de basa mai gi amaadeu dalodalo, gi ola ai gilaadeu oou e aloha ai.

1 Samuel 10:20

Gai Samuel ne hai gi loomai denga aamuli o Israel alodahi, gai de aamuli o Benjamin gu daangia.

2 Samuel 12:24

Gai David ne hagaaneane lodo o dono bodu go Bathsheba, gai ia ne hano ga hagahebaa ma ia. Gai de hine laa gu hai dama ange hogi, ga haanau dahi dama daane, gai David ga hagaingoo ange ia go Solomon. Gai Tagi Maolunga gu aloha i tamaa gauligi laa,

2 Samuel 12:25

gai ia ne hagailoo ange ana muna gi de ia, i daho de pelaabisi go Nathan, bolo gi hagaingoo ina ange tamaa gauligi go Jedidiah, go hiidinga Tagi Maolunga e aloha i de ia.

Jeremiah 12:7

Au gu tili dogu hale; au gu tili de huaahenua o dogu boolonga; au e dugu ange naa de ia oogu e aloha ai gi ono hagadaumee.