Deuteronomy 32:5 - De Beebaa Dabu

⁵ Gilaadeu ne hai hegau ange gi de ia i tee heohi, gilaadeu gu dee ni dama niiana i hiidinga olaadeu baubau; gilaadeu se atangada e hulo gee i de mee heohi ma de hadu muna.

Deuteronomy 32:5 Referans Kwoze

Philippians 2:15

gi dee haisala ai goodou, gai gi gilimalali bei dagodo dama a de Maadua e heohi abodonu laa, i doodou nnoho i magavaa o de atangada baubau ma de hai alaadeu hai, gai goodou gi ni mee e hagamaalama ina dangada, bei dagodo o denga heduu e hagamaalama ina laa lo te langi i lunga,

Isaiah 1:4

E vakaa naa de huaahenua haisalasala, ma de huaadangada e honu i de baubau, gai ni gauligi e haia de baubau, go dama e haia hegau hakino gee! Gilaadeu gu daahuli gee i Tagi Maolunga, gilaadeu gu hagangadi mee de Ia Dabu o Israel, gilaadeu gu huuhuli ange olaadeu dua gi de ia.

Deuteronomy 31:29

Go hiidinga au e iloo bolo dua naa huu dogu magau, gai goodou e hagahaisala naa, ma de hulo gee i de haiava aagu gu tala adu gi goodou. Gai denga mee hai ngadaa e paa naa i goodou i laangi e loomai, go hiidinga goodou e hai naa de baubau i mada luu mada o Tagi Maolunga, gai goodou e hai naa ia ga lili i oodou hegau e hai.”

Matthew 17:17

Gai Iesu ne basa ange ga hai ange, “Goodou se atangada e dee hagadonusia ma de baubau, dee hee maa taulooloa dogu noho i oodou daha? Gai dee hee maa taulooloa de golomagi ogu lodo i goodou? Dagina mai ia gi ogu daha.”

Luke 9:41

Gai Iesu ne basa ange ga hai ange, “Goodou se atangada e dee hagadonusia ma de baubau! Dee hee maa taulooloa dogu noho madali goodou ma de golomagi ogu lodo i goodou? Gaamai dau dama daane gi kinei.”

Matthew 16:4

De atangada baubau ma tee hai hegau i de mee abodonu e ssala dahi hagailonga, gai e deai ange donu se hagailonga e hagaago ange gi gilaadeu, go de hagailonga donu huu o Jonah.”  Gai ia ga hano gee mai i olaadeu daha.

Hosea 9:9

Dangada gu kona donu de baubau, bei denga laangi i Gibeah. De Maadua e hagamaanadu naa donu olaadeu baubau, ma de hagaduasala gilaadeu i hiidinga olaadeu haisala.

Psalm 78:8

Gai gi dee bei ai gilaadeu dagodo olaadeu maadua — olaadeu dubuna se atangada e makaga olaadeu lodo ma de hagamaanege, olaadeu lodo tee maua i de tuu gi makaga, gai olaadeu hagasaalunga tee hai hegau ange gi de Maadua i de mee abodonu.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

Acts 7:51

Goodou ni dangada e makaga oodou lodo! Oodou lodo e makaga gai oodou dalinga e longoduli. Gai goodou e hai baasi ange donu gi de Hagasaalunga Dabu i masavaa alodahi; goodou e bei donu oodou dubuna madagidagi!

John 8:41

Gai goodou e hai donu mee a doodou damana gu hai.” Gilaadeu ne hai ange gi de ia, “Gimaadeu tee hagadili i de hai be se manu; gimaadeu e dahi donu huu omaadeu damana, go de Maadua.”

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Zephaniah 3:7

Au ne hagadaba, ‘Koe e madagu naa i de au ma de malangilangi i dagu hagaheohi goe!’ Gai ono mommee nnoho tee oha, bei mee alodahi aagu ne hagatau e hai ange gi de aduhale. Aagai gilaadeu ne kii ange de llodo i hai hegau hakino gee alodahi alaadeu ne hai.

Judges 2:19

Aagai de masavaa naa huu o delaadeu dangada hagamodu muna e magau ai, gai gilaadeu ga aahe ange ga hai gu kii ange delaadeu hakino gee i olaadeu damana, ma de daudali ange gi denga diinonga ange laa, ga hai hegau ange gi gilaadeu aama de daumaha ange gi gilaadeu. Gilaadeu tee llodo e tili alaadeu dahulinga, ma de hagamakaga olaadeu lodo.

Deuteronomy 9:24

Goodou gu hai baasi ange huu gi Tagi Maolunga, mai i taamada dagu iloo goodou.

Deuteronomy 4:16

gi dee haia ai e goodou hanu hegau hakino gee i doodou hai denga diinonga ga hagadagodo ange gi tangada,

Exodus 32:7

Gai Tagi Maolunga ga hai ange gi Moses, “Hagamoolau hano iho gi lalo, go hiidinga au dangada ne hagassao mai i de henua go Egypt, gu hai denga dahulinga hakino gee.

Genesis 6:12

Gai de Maadua ga tilo huu honga henua i lalo, gai ia gu gidee bolo gu kona donu de hakino gee, go hiidinga hegau alodahi a dangada gu kona donu hakino gee.

Acts 2:40

Gai ne lagolago ana mee ne tala ange ma de tala hagadonu ange aama de hagammahi ange gilaadeu, ga hai ange, “Goodou hagaola ina goodou mai i de hagaduasala gu dai gaavange gi de atangada baubau nei!”

Numbers 23:21

Ia tee gidee bolo Jacob e dahi ono hai ngadaa, aabe e gidee bolo Israel e duasala. Tagi Maolunga delaadeu Maadua e noho i olaadeu daha, gai gilaadeu e tuhi de hodooligi i olaadeu magavaa.

Deuteronomy 4:25

De masavaa naa huu oodou e hagadili ai hanu dama gai gilaadeu ga hagadili hogi alaadeu dama, i dua doodou nnoho ga daulooloa i honga de henua, gai noo goodou gu haisala i doodou hagatuu denga diinonga ga hagadagodo ange gi dahi mee, ma de hai de baubau i mada luu mada o Tagi Maolunga doodou Maadua, gai goodou ga hai ai ia ga lili,

Deuteronomy 32:20

Gai ia ga hagadaba, “Au e huli gee naa i gilaadeu, e tilo ai be aahee olaadeu dagodo. Go hiidinga gilaadeu se atangada baubau, gai ni dama e dee hai hegau i de muna abodonu.

Proverbs 8:8

Muna alodahi aagu e tala e heohi, e deai donu se muna dee heohi aabe se muna hhadu iai.

Isaiah 63:8

Gai ia ne hagadaba, “Ni muna abodonu, gilaadeu go ogu dangada donu, gai ni dama e dee hai hegau i de hagasenga;” gai ia gu hai ai delaadeu Ia Hagaola.