Deuteronomy 32:49 - De Beebaa Dabu

⁴⁹ “Gage age gi de mounga go Abarim, mage hanage gi de mounga go Nebo, i de henua o de gau Moab, i de baasi gee o Jericho, ga tilo adu ai de henua go Canaan, aagu gu dai gaavange gi de gau Israel gi henua ai.

Deuteronomy 32:49 Referans Kwoze

Numbers 27:12

Gai Tagi Maolunga ga hai ange gi Moses, “Hanage gi de mounga go Abarim, gai koe ga tilo ai de henua aagu e gaavange gi de gau Israel.

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

Isaiah 33:17

Gai koe e gidee naa de mahamaha o de hodooligi, ma de tilo de ngaadonga o de henua i de mommee mmao.

Acts 7:45

Gai odaadeu dubuna madagidagi ne gaamai de hale malo gi de henua nei madali Joshua, i de masavaa alaadeu ne hagadee kii ai denga huaahenua a de Maadua ne hai gi hulo gee mai i olaadeu mada i mua. Deenei ai, gu dagodo ga dae mai ai gi de masavaa o David,

Leviticus 14:34

“De masavaa naa huu oodou e tae ai gi de henua go Canaan, go de henua aagu gu gaavadu e henua ai goodou, gai au gu hai gi hanu dongidongi i dahi hale i de henua laa,

Deuteronomy 3:27

Gai koe hanage gi ulu de mounga go Pisgah ga galo ai gi dai, ma ngaiho, ma ngaage, aama dua, ga tilo ai de henua. Koe diiloo donu huu de henua i luoo mada, gai koe e dee hano gi de baasi laa o Jordan.

Jeremiah 22:20

“Hanage gi Lebanon ga oo ai ga dangi, haia gi langona e dangada i Bashan doo leo; koe gi oo ma gi dangi i Abarim, go hiidinga dangada alodahi e balea adu goe gu maakulu.

Genesis 17:8

Gai de henua alodahi o Canaan, oou e noho gaainga ai naa, e gaavadu naa gi doo hagadiilinga e loomai i oo dua ga hano ai; gai au e hai naa go delaadeu Maadua.”