Deuteronomy 32:4 - De Beebaa Dabu

⁴ Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Deuteronomy 32:4 Referans Kwoze

Psalm 92:15

e hagaago mai ai bolo Tagi Maolunga e heohi; go ia dogu baba makaga, gai e deai donu se baubau daudahi i ono lodo.

Isaiah 26:4

Goodou hagadonusia Tagi Maolunga ga hano ai, i hiidinga Iahweh, Tagi Maolunga, go de Baba makaga e dee ngado mai.

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Psalm 100:5

Go hiidinga Tagi Maolunga e danuaa; dono abodonu e dagodo ga hano ai, gai ia e hai hegau i de mee abodonu ange gi denga atangada alodahi.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

Matthew 5:48

Deenei ai, goodou gi heohi abodonu, bei doodou Damana i de langi ia e heohi abodonu.

1 Corinthians 10:4

gai alodahi ne unu hogi i vai mai i de baasi gi de hagasaalunga; gilaadeu ne unu mai i de hadu a de hagasaalunga ne daudali ange laa i gilaadeu, gai de hadu laa go Klisdo donu.

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

Jeremiah 9:24

aagai tangada e lodo e tuhi, ia gi duuhia dono donu ange ma dana iloo au, gai go au Tagi Maolunga, de ia e abodonu laa, ma de hai hegau i de hagamodu heohi ma de heohi i henua i lalo, go hiidinga aanei mee oogu e malangilangi ai, go Tagi Maolunga e hagadaba.

Romans 3:5

Gai noo odaadeu baubau e hai ga sula danuaa mai de heohi o Maadua, gai aahee ai adaadeu muna ange gi mee nei? E maua e gidaadeu i de hagataba bolo de Maadua e dee heohi dana hagaduasala gidaadeu i dono bole? (Au e basa bei de hai o dangada e pasa ai.)

Romans 2:2

Gai gidaadeu e iloo bolo de hagamodu a de Maadua e heohi, gai ia e hagaduasala naa donu gilaadeu e haia mee nei.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Isaiah 25:1

Tagi Maolunga, go koe dogu Maadua; au e hagaamua goe ma de tuhi doo ingoo; koe gu hai denga mee hagalele mouli, ma mee aau gu hagatau e hai madagidagi loo, i hiidinga koe e hai hegau i de mee abodonu ma de heohi.

1 Peter 2:6

Go hiidinga e hagadaba de Beebaa Dabu: “Tilo, au e hagaduu dahi hadu i Zion, go tuludulu hagamogomogo i tege ne hili laa, gai be goai e hagadonusia ia e dee hagadogaa ina donu.”

John 5:22

Gai Tamana e dee hagamodu muna o dahi, aagai ia gu dugu ange Tama gi hagamodu ina muna o mee alodahi,

Habakkuk 1:13

Luoo mada e gilimalali mmao, e dee maua i de tilo de baubau; koe e dee maua i de galo ange e tilo de mee dee heohi. Gai gu aha gu dugu ai naa donu huu goe gilaadeu e hai hegau i de hagasenga? Gai gu aha gu dee muu ai naa goe i de masavaa a de gau baubau e daa ai dangada e heohi ange i gilaadeu?

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Psalm 97:2

Denga hagausinga ma de gohu boo dangodango e duuli ia; dono nohoanga hodooligi e hagaduu i de heohi ma de hagamodu muna heohi.

De Beebaa go Job 34:10

Deenei ai, goodou denga daane e tonu ange laa, nnoho mai hagalaangona agu muna. De Maadua e dee hai donu de baubau, de Ia Mmahi Mmao laa e dee hai de mee dee heohi.

Deuteronomy 32:18

Koe gu dee anga ange gi de Baba, go de ia ne hagadili ina goe; gai koe gu ngalo de Maadua ne haia goe.

Deuteronomy 32:15

Aagai Jeshurun ne bedi, ga dagadagahi au; koe gu bedi i de gaimee ma de daemaha, ma de bungubungu. Koe gu tili de Maadua ne haia goe, ma de hagangadi mee de Baba, doo Ia Hagaola.

James 4:12

Gai e dahi donu huu ia hai hainga ma de ia hagamodu muna; go ia e maua i de hagaola aabe go de daa gi magau. Aagai go koe goai, gai koe ga hagamodu ai muna o tangada e baa adu gi de goe?

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Romans 1:32

Gai e dee galemu donu delaadeu iloo dagodo o de hagamodu heohi a de Maadua, bolo dangada e haia hegau bee nei e maakau donu, gai gilaadeu e dee duudagi donu huu de hai mee nei, aagai gilaadeu e malangilangi donu hogi i dangada e haia mee nei.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Ecclesiastes 3:14

Au e iloo bolo mee alodahi a de Maadua ne hai e daakodo naa donu ga hano ai; e deai donu mee e maua i de hagapuni ange aabe go de kave gee ai. Gai de Maadua ne hai gi dagodo bee nei, gi maatagu ai dangada i de ia.

Psalm 146:6

go de ia ne haia de langi ma henua i lalo, tai, aama mee alodahi iai. Ia e hai hegau i de muna abodonu ga hano ai.

Psalm 138:8

Tagi Maolunga e hagasula naa dana hagatau mai gi de au; Tagi Maolunga, doo abodonu e dagodo ga hano ai. Koe gi dee dilia dangada aau ne hai i luoo lima.

Psalm 99:4

De Hodooligi e mmahi, gai e lodo i de hagamodu muna heohi; koe gu hagaduu gi makaga de hagamodu muna heohi, gai koe gu hagamodu muna o Jacob i de heohi.

Psalm 98:3

Ia tee ngalo donu dono abodonu, ma de hai hegau i de mee abodonu ange gi de gau Israel. Henua i lalo alodahi gu gidee e gilaadeu de kii o taadeu Maadua.

Psalm 31:5

Au e dugu adu dogu hagasaalunga gi lo too lima; Tagi Maolunga, de Maadua, e hai hegau laa i de muna abodonu, koe gi hagaola ina ngau.

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

Psalm 18:46

Tagi Maolunga e mouli! Hagadegi ina dogu baba makaga! Hagaamua ina de Maadua, dogu Ia Hagaola!

Psalm 9:16

Tagi Maolunga gu hagaago mai ono dagodo, i dana hagamodu muna i de heohi; de gau baubau gu boogia mai i alaadeu hegau baubau. Higgaion. Selah

De Beebaa go Job 35:14

Gai e kii ange dana dee hagallongo i dau hagadaba bolo koe e dee gidee ia, gai koe e tali ia gi hagamodu ina au muna hagabaubau!

2 Samuel 23:3

De Maadua o Israel gu basa, de Baba o Israel ne hai mai gi de au, ‘Tangada e dagina dangada i de mee heohi, ma de dagi dangada i dono madagu i de Maadua,

2 Samuel 22:47

Tagi Maolunga e mouli laa! Hagadegi ina dogu baba makaga! Hagaamua ina dogu Maadua, de baba makaga, go dogu hagaola!

1 Samuel 2:2

E deai ange donu se dangada e dabu bei Tagi Maolunga, e deai ange donu e bei oo dagodo; e deai ange donu se baba e bei taadeu Maadua.

Deuteronomy 10:18

Gai ia e hai hegau i de hagamodu heohi ange gi denga gauligi e deai olaadeu damana, ma haahine gu maakau olaadeu bodu, ma de aloha ange gi de gau henua gee e nnoho i oodou magavaa, aama de gaavange alaadeu gai ma olaadeu malo.

Deuteronomy 7:9

Deenei ai, goodou gi iloo bolo Tagi Maolunga doodou Maadua go de Maadua donu; ia e hai hegau i de muna abodonu, gai e daohi dana hagatoo donu hagaheloongoi ma de aloha ange gi gilaadeu e aaloha i de ia, ma de daudali i ana muna, ga dae ai loo gi de mano atangada.

Exodus 34:6

Gai Tagi Maolunga ne hano gi mada i mua o Moses, ga hagadaba, “Tagi Maolunga, Tagi Maolunga, de Maadua e lodo aloha ma de degi, e dee moolau de lili, gai e honu i de aloha aama de hai hegau i de muna abodonu,

Genesis 1:31

Gai de Maadua ga tilo huu mee alodahi aana gu hai, gai ia gu gidee bolo gu danuaa mmao. Deenei de ahiahi ma taiao o de hagaono laangi.

2 Chronicles 19:7

Goodou gi maatagu i Tagi Maolunga; gai dagidiiloo gi danuaa oodou mee e hai, go hiidinga Tagi Maolunga taadeu Maadua e dee haisala donu dana hagamodu aabe hilihili dangada, ia e dee kave hogi denga mee ngadi gaavange hagasenga.”

De Beebaa go Job 8:3

E aha, de Maadua se ia e hagahaisala ina de hagamodu heohi? E aha, de Ia Mmahi Mmao laa e hagahaisala laa de mee heohi?

De Beebaa go Job 36:23

Goai ne daalaa ange dono haiava e hano ai, gai goai ne hai ange, ‘Koe gu hai dahi mee dee heohi’?

Psalm 78:35

Gai gilaadeu gu manadua bolo go de Maadua delaadeu baba makaga, gai de Maadua Maolunga Mmao laa go delaadeu Ia Hagaola.

Psalm 90:16

Hagaagona ange doo sauaa gi oo dangada hai hegau, ma au hegau hagalele mouli gi alaadeu dama.

Isaiah 17:10

Goodou gu ngalo de Maadua doodou Ia Hagaola; goodou tee manadua de Baba ne buibuia goodou. Deelaa ai, e dee galemu donu doodou doo manu danuaa, ma denga grapevine ne sigi mai i denga henua gee;

Habakkuk 1:12

Tagi Maolunga, e aha, koe tee noho mai laa i taamada? Go koe dogu Maadua, dogu Ia Dabu, gimaadeu e dee maakau donu. Tagi Maolunga, koe ne hagatau bolo gilaadeu gi hagaduasala ina gimaadeu; gai go koe, de Baba, ne hagamodu ina ange gilaadeu gi haelea gimaadeu.

Zephaniah 3:5

Aagai Tagi Maolunga e noho laa i kilaa e heohi, ia e dee hai hegau i de mee dee heohi. Daiao alodahi gai ia e hagamodu muna i de heohi, gai ia e dee tuu donu de hai mee nei i laangi alodahi; aagai de gau baubau e dee dookaa donu.

Nehemiah 9:8

Gai koe ne gidee bolo ia e hai hegau i de muna abodonu, gai koe ne hai dahi hagatoo donu hagaheloongoi madali ia, bolo koe e gaavange gi dono aamuli de henua o de gau Canaan, ma de gau Heth, ma de gau Amor, ma de gau Perez, ma de gau Jebus, aama de gau Girgash. Koe ne hagasula dau hagatoo donu, go hiidinga koe e heohi.

Psalm 33:4

Go hiidinga muna a Tagi Maolunga e heohi gai ni muna abodonu, gai ia e hai hegau i de mee abodonu i ana hegau alodahi.

Psalm 145:17

Tagi Maolunga e heohi ono haiava alodahi, gai e abodonu i hegau alodahi aana e hai.

Daniel 4:34

Gai ga odi huu denga ngadau e hidu laa, gai au, Nebuchadnezzar, ga galo age gi de langi, gai dogu biho gu ahe ange ga danuaa. Gai au ga tuhi de Ia Maolunga Mmao laa ma de hagadubu de ia e mouli laa ga hano ai. Dono sauaa e dagi ai e dee ngado mai donu; dono nohoanga hodooligi e dagodo naa donu huu i denga atangada alodahi.