Deuteronomy 32:3 - De Beebaa Dabu

³ Au e tala dagodo de ingoo o Tagi Maolunga, gai duuhia de maolunga o taadeu Maadua.

Deuteronomy 32:3 Referans Kwoze

Jeremiah 10:6

Tagi Maolunga, e deai donu e bei oo dagodo; go hiidinga koe e maolunga, gai doo ingoo iai de mmahi.

Psalm 150:2

Duuhia ia i hiidinga o ana hegau ssauaa; duuhia ia i hiidinga dono maolunga mmao.

Ephesians 1:19

aama dono sauaa laumalie e hai hegau laa i odaadeu daha gu hagadonusia laa. Gai deenei donu hogi ssauaa

Deuteronomy 5:24

Gai goodou ne hai mai, “Tilo, Tagi Maolunga taadeu Maadua gu hagaago mai dono mahamaha ma dono sauaa, gai gimaadeu gu langona dono leo, e basa mai ai i lo te ahi ula. Anailaa nei gai gimaadeu gu gidee bolo tangada e maua gi mouli, e dee galemu donu de Maadua gu basa ange gi de ia.

John 17:26

Au gu tala ange gi iloo e gilaadeu oo dagodo, gai au e duudagi naa donu de hai gi iloo e gilaadeu oo dagodo, gi dagodo ai de aloha oou ne aloha ai laa i de au i olaadeu lodo, gai au ga noho hogi i olaadeu lodo.”

John 17:6

Au gu hagaago ange oo dagodo gi gilaadeu aau ne gaamai gi de au i henua i lalo. Gilaadeu niiau donu, gai koe ne gaamai gilaadeu gi de au, gai gilaadeu gu daudali i au muna.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

1 Chronicles 29:11

Tagi Maolunga, koe e maolunga, gai e mmahi, koe e mahamaha, koe e kii, gai niiou ssauaa e dagi ai, gai niiau mee alodahi i de langi ma henua i lalo. Tagi Maolunga, niiou de nohoanga hodooligi, gai koe e aamua i honga mee alodahi.

Deuteronomy 3:24

“Dogu Ia Aamua go Iahweh, koe gu daamada de hagaago mai gi de au, doo dangada hai hegau, dagodo o doo maolunga aama doo mmahi; go hiidinga e deai ange donu se maadua i de langi, aabe go henua i lalo, e maua i de hai hegau hagalele mouli aau gu hai.

Exodus 33:19

Gai Tagi Maolunga ga hai ange, “Au e hai naa ogu dagodo danuaa alodahi gi hano i oo mada i mua, gai au e tala naa dogu ingoo, go Iahweh; au e abodonu ange gi gilaadeu oogu e lodo abodonu ange aagena, gai e lodo aloha ange gi gilaadeu oogu e lodo e aloha ange aagena.”

Exodus 6:3

au ne hakide ange gi Abraham, ma Isaac aama Jacob, go de Maadua Mmahi Mmao laa, aagai au tee hagaago ange gi iloo e gilaadeu dogu ingoo go Iahweh.

1 Chronicles 17:19

Tagi Maolunga, go hiidinga o doo dangada hai hegau, aama dagodo o oo lodo donu, koe gu hai de hegau laumalie nei ma de hai gi iloo dagodo o au hagatoo donu.

Exodus 20:24

Goodou haia dahi mommee o ssigidaumaha i gelegele, ga hai ai oodou sigidaumaha dudu, ma oodou sigidaumaha hagadanuaa magavaa i oodou ssiibi ma guudi aama kaau. Gai be go hee naa huu aagu e hai gi hagadubu ina ai dogu ingoo, gai au e humai naa ga hagamanuuia goe.

Revelation 15:3

Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.

1 Chronicles 29:10

Gai David ga tuhi Tagi Maolunga i madamada o dangada alodahi, ga hagadaba, “Duuhia goe, Tagi Maolunga, de Maadua o demaadeu dubuna madagidagi go Israel, mai i de masavaa e dee ngado mai ga dae ai gi de masavaa e dee ngado mai.

1 Chronicles 29:13

Demaadeu Maadua, gimaadeu e hagaahe adu de abodonu gi de goe, ma de tuhi doo ingoo mahamaha.