Deuteronomy 32:26 - De Beebaa Dabu

²⁶ Au ne hagadaba, ‘Au e hai naa gilaadeu gi mavaevae saele, ma de hai gi deai dangada e manadua gilaadeu;’

Deuteronomy 32:26 Referans Kwoze

Deuteronomy 28:64

Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Psalm 34:16

Tagi Maolunga e hai baasi ange gi de gau baubau, ma de hai gi deai selaadeu hagamaanadu i henua i lalo.

Deuteronomy 28:37

Gai koe e hai naa ga se mee e maatagu ai dangada, ma de pasa hagasengasenga ai ma de hakadanga ai dangada o denga huaahenua a Tagi Maolunga e hai goe gi hano aagena.

Deuteronomy 28:25

Gai Tagi Maolunga e hai naa gi dee kii goe i oo hagadaumee; koe e hano naa e hebagi ange gi gilaadeu i dahi haiava, gai oo dangada e saavini naa ga hulo gee mai i gilaadeu i e hidu haiava. Gai denga huaahenua e llele naa olaadeu mouli i delaadeu gidee mee e hai adu gi de goe.

Deuteronomy 4:27

Gai Tagi Maolunga e hai naa goodou gi mavaevae saele i magavaa o de gau henua gee, gai e sogoisi naa donu huu goodou e ola i doodou nnoho i daho denga huaahenua a Tagi Maolunga e hai goodou gi hulo gi nnoho ai.

Leviticus 26:38

Goodou e maakau naa i denga henua gee, ma de maakau ga danu i henua o oodou hagadaumee.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Deuteronomy 9:14

Aude buibuia ngau, gai au ga hai nei gi odi gilaadeu i de maakau gi deai ai se gilaadeu e doe i honga de henua. Gai au ga hai doo aamuli gi se huaahenua e mmahi ange ma de soa ange i gilaadeu.”

Isaiah 48:11

Go ogu hiidinga, go ogu hiidinga donu aagu ne hai ai de hegau nei. Dee hee dagu hai e dugu ange ai dahi gi hagangadi mee ina dogu ingoo? Au e dee dugu ange naa donu dogu mahamaha gi dahi dangada gee.

Exodus 32:12

Gai gu aha gu hai ai gi maua e de gau Egypt i de hagataba, ‘Tagi Maolunga se hagassao donu huu gilaadeu e kave e daa gi maakau i magavaa denga mounga, ma de hai gi odi gilaadeu i teai i henua i lalo.’ Hagahelui ina doo bole, gai suuia dau hagatau, koe gi dee hagaduasala ina doo huaadangada.

Psalm 34:17

Gilaadeu e heohi e tangi, gai Tagi Maolunga e langona delaadeu tangi; ia e hagaola gilaadeu mai i olaadeu hai ngadaa alodahi.