Deuteronomy 32:24 - De Beebaa Dabu

²⁴ Gilaadeu e hiikai naa i de onge laumalie, ma de vvela olaadeu angaanga i de magi, ma de mee hagamaakau. Au e hai naa gi loomai denga manu alasala gi gadigadia gilaadeu, ma labodo hagammau e tolo i honga de gelegele.

Deuteronomy 32:24 Referans Kwoze

Leviticus 26:22

Au e hai naa gi loomai denga manu alasala gi oodou magavaa, gai gilaadeu ga daa ai oodou dama ma oodou kaau, ma de hai goodou gi sogoisi, gai oodou haiava gu deai naa dangada e seesee ai.

Ezekiel 5:17

Gai au e hai naa gi humai de onge ma denga manu alasala e hagaduasala ai goodou, gai gilaadeu e hai ga deai oodou gauligi. Denga mee hagamaakau ma daa dangada ga maakau e duu adu naa gi de goe; au e hai baasi adu naa hogi gi de goe i de gadilaasa. Go au donu go Iahweh e hagadaba.”

Habakkuk 3:5

De magi hagamaakau e hano i ono mada i mua, gai mee hagamaakau e daudali ange i ono dua.

Amos 9:3

Gai ga mmuni naa donu gilaadeu i de ulu o Carmel, gai au e ssala naa donu gilaadeu ga booboo mai; gai ga mmuni naa donu gilaadeu i tagelo o de moana, gai au e hai ange naa gi de labodo gi gadigadi gilaadeu.

Ezekiel 14:21

Gai e hagadaba de Ia Aamua go Iahweh: Jerusalem e kii ange naa donu de baubau i de masavaa aagu e gaamai ai denga hai ngadaa e haa nei ga hagaduasala ai gilaadeu — go de gadilaasa, ma de onge, ma denga manu alasala, aama mee hagamaakau — ga daa ai gi maakau dangada aama denga manu!

Ezekiel 14:15

Noo au e hai gi loomai denga manu alasala gi honga de henua, gai gilaadeu e hai naa ga deai dangada iai, gai de henua e ngadi dagodo naa, gu deai dangada e seesee i kilaa, i hiidinga o denga manu alasala,

Lamentations 5:10

Omaadeu gili gu vvela bei de mommee dao gai, gai gu mahanahana i demaadeu hiikai.

Jeremiah 16:4

Gilaadeu e mmagi naa ga maakau. Gai e deai naa donu dangada e tangi aabe danumia gilaadeu, aagai gilaadeu e bei naa denga duudae e daakodo saele laa i honga de gelegele. Gilaadeu e maakau i de gadilaasa ma de onge, gai olaadeu angaanga e gaina naa e denga manu llele ma manu dolodolo o de henua.”

Jeremiah 15:3

Au e hai naa gi loomai e haa hagadaagangaa mee oha gi gilaadeu, go Tagi Maolunga e hagadaba: de gadilaasa e daa ga maakau dangada, ma denga gaaduu e dada dangada ga gaavee, aama manu llele ma manu lodo henua e gai laa ma de daa gilaadeu.

Jeremiah 14:18

Noo au e hano gi tua de aduhale, gai au e gidee dangada gu daia i de gadilaasa. Gai noo au e hano gi lo te aduhale, gai au e gidee dangada e mmagi i hiidinga o de onge. Gai de pelaabisi ma tangada haimeedabu e hagadaga saele ma e hai alaau hegau i honga de henua, gai gilaau e dee iloo donu alaau mee e hai.’ ”

Isaiah 65:25

De wolf ma ssiibi gauligi e gaimee naa i de mommee daudahi, gai de laiono e gai naa denga helii bei dagodo o de kaau; aagai de labodo hagammau e gai naa mama o de gelegele. Gai gilaadeu e dee hagalagohia naa donu dahi, aabe e oha dahi mee i honga dogu mounga dabu,” go Tagi Maolunga e hagadaba.

Psalm 120:4

Ia e hagaduasala naa goe i denga dao kangi a taane hebagi, ma maga ahi o de manu go de broom.

Psalm 91:6

aabe go de mee hagamaakau e hano saele laa i lo te gohu, aama de mee e daia dangada ga maakau i de odea.

Deuteronomy 28:53

Gai koe e daa naa au dama ne haanau ga gai, go kano o au dama daane ma au damaa hine a Tagi Maolunga doo Maadua gu gaavadu gi de goe, i de masavaa e duuli ina ai luu baasi oo aduhale ma de hagaduasala a oo hagadaumee goe.

Deuteronomy 28:22

Tagi Maolunga e hai naa goe gi mmagi iviivi, ma de mahana, ma de hua doo angaanga ma de vvela, ma teai vai i honga de henua, ma manu ma mee dongidongi e daia laa denga manu ssomo. Mee nei e hai adu naa donu gi de goe ga dae ai gi doo magau.

Genesis 49:15

De masavaa naa huu aana e gidee ai tanuaa o dono hagamaabunga, ma de danuaa o de henua laa, gai ia e ino naa ga saabai dana mee hagauda ma de hai ia gi se dangada e hagahai hegau ina.

Genesis 3:14

Gai Tagi Maolunga go de Maadua ga hai ange gi de labodo, “Go hiidinga koe gu hai de hegau nei, koe gu kii ange de hagamalaia i denga manu haangai alodahi, ma denga manu lodo henua alodahi. Koe e tolo naa i honga doo dinae, ma de gai mama o de gelegele i taulooloa oo laangi e mouli ai.

Deuteronomy 28:48

deenei ai, koe e hai hegau ange naa gi oo hagadaumee, go dangada a Tagi Maolunga e gaamai gi hagadee kii ina goe, i doo hiigai ma doo hieunu ma teai oo malo, aama de hagaau aloha i mee alodahi. Ia e hagauda adu naa de laagau hagahai hegau e hai i baalanga, gi honga doo eu, ga dae ai gi dana daa goe ga maakau.

De Beebaa go Job 20:16

Ia e mmidi naa mee hagammau o denga labodo; niho o de labodo hagammau e daa naa ia ga magau.

Jeremiah 8:17

“Tilo, au e hai naa gi loadu denga labodo gadigadi gi oodou magavaa, gai ni labodo hagammae e dee maua i de hai gi tala, gai gilaadeu ga gadigadi ai naa goodou,” go Tagi Maolunga e hagadaba.

Micah 7:17

Gilaadeu e samusamu naa de gelegele bei de labodo, ma denga manu e tolo laa i honga de gelegele. Gilaadeu e sasao mai naa i lodo olaadeu mommee buibui makaga ma de bolebole; gilaadeu e daahuli mai naa gi Tagi Maolunga taadeu Maadua i delaadeu maatagu, gilaadeu e maatagu naa hogi i de goe.