Deuteronomy 32:22 - De Beebaa Dabu

²² Gai de ahi gu hakaa i hiidinga o dogu lili, gai e ula ga hano gi de mommee o de gau maakau, gai e dudu naa honga de henua ma mee alodahi e ssomo ai, ma de haula ga kaa daahido o denga mounga.

Deuteronomy 32:22 Referans Kwoze

Lamentations 4:11

Tagi Maolunga gu bole mmao, ia gu hagahai hegau dono lili, Ia gu dahu dahi ahi i Zion e dudu ai de aduhale alodahi.

Jeremiah 15:14

Au e hai naa goodou gi hai hegau ange gi oodou hagadaumee i dahi henua oodou e dee iloo, gai dogu lili e bei naa de ahi mmahi e ula laa ga hai baasi adu ai gi goodou.”

Zephaniah 3:8

Deenei ai, goodou daalia mai au, go Tagi Maolunga e hagadaba, de laangi laa gai au e duu age naa ga hagabaubau goodou. Au gu baba ange e hagabuni denga huaahenua, ma denga nohoanga hodooligi, gai au ga hagaduasala ai gilaadeu i dogu lili — ma dogu bole alodahi. Henua i lalo alodahi e oha ga odi i de ahi o dogu lili i hiidinga dogu lodo gaiaa.

Micah 1:4

Denga mounga gu vaivai i lalo luoono vae, gai denga geelonga gu mahangahanga, bei denga wax e vaivai laa i de ahi, ma denga vai e ssali iho laa i de madadaagodo.

Jeremiah 17:4

Gai go goodou donu huu ne hidi mai ai de gaavee gee de boolonga aagu gu gaavadu gi goodou. Au e hai naa goodou gi hai hegau ange gi oodou hagadaumee i dahi henua oodou e dee iloo laa, i hiidinga goodou gu hai au ma gu lili, gai dogu lili e bei naa de ahi mmahi e ula laa ga hano ai.”

Psalm 86:13

Go hiidinga oo abodonu mai gi de au e laumalie mmao; koe gu hagaola mai au i lo te mommee gelo iai de gau maakau.

Numbers 16:35

Gai de ahi ne humai i daho Tagi Maolunga ga daa gu maakau de 250 daane laa, i de masavaa alaadeu e hai ai alaadeu sigidaumaha i mee maanongi.

Hebrews 12:29

go hiidinga taadeu Maadua e bei de ahi ula e duungia mee alodahi.

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

Matthew 23:33

Goodou e bei denga labodo, gai ni dama nii denga labodo hagammau, dee hee doodou hai e hagaola ai goodou i de hagaduasala o de ahi?

Matthew 18:9

Gai noo doo ganomada ne hai goe ga haisala, gai koe laoa mai dilia. E danuaa ange doo ulu i de mouli ma dahi ganomada, i doo tili ange gi lo te ahi ma luoo ganomada ngaadahi.

Matthew 10:28

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Habakkuk 3:10

denga mounga ne bolebole i delaadeu gidee goe. Denga vai gu ssali iho; de moana gelo gu hagangolo gai ono beau gu kona de nnui.

Ezekiel 36:5

deenei ai, e hagadaba de Ia Aamua go Iahweh: Au e basa i dogu maagoda e hai baasi ange gi denga huaahenua, ma Edom alodahi, go hiidinga gilaadeu ne malangilangi ma de hagangadi mee dogu henua ga kave ga henua ai aama de gaiaa ono mommee iai helii.

Lamentations 2:3

Ia ne hai gi deai mahi o Israel i hiidinga de kona dono lili. Ia ne aau dono lima sauaa e buibui ai laa gilaadeu, i de masavaa o olaadeu hagadaumee ne loomai ai. Ia ne hai baasi ange gi Jacob bei dagodo o de ahi, ga hagallilo mee alodahi i kilaa.

Jeremiah 4:4

Goodou gi tuu dagaholiage ange gi Tagi Maolunga, gai tuu dagaholiage ina oodou lodo, goodou e dangada o Judah ma dangada o Jerusalem; kana humai dogu bole bei de ahi ula e dee maua laa i de diinei, i hiidinga o oodou hegau baubau.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Isaiah 30:33

Madagidagi laa gai dahi mommee gu hagadabena e dudu ai; gai ne hagadabena ange gi de hodooligi o Assyria. Dono geelinga ne geli gi maolalo ma de mada laumalie, madali de ahi laumalie ma lahhie lagolago; gai de madangi o de manava o Tagi Maolunga e bei de maga ahi o de ahi e haia laa ga ula.

Isaiah 24:6

Deelaa ai, de malaia gu hagadohu henua i lalo, gai dangada iai gu hagaduasala i hiidinga o olaadeu haisala. Deelaa ai, dangada e nnoho i henua i lalo gu dudu i de ahi, gai gu sogoisi donu huu dangada e doe.

Psalm 144:5

Tagi Maolunga, haia gi singa iho dau langi, gai koe ga iho mai ai. Boogia ange denga mounga, gi buu age ai de useahi.

Psalm 97:3

De ahi e hano i ono mada i mua e dudu ai ono hagadaumee alodahi i luoono baasi.

Psalm 83:14

Haia gilaadeu gi bei de mommee e ula laa i lodo henua, gai gi bei de ahi e haulasia denga mounga,

Psalm 46:2

Deelaa ai, gimaadeu e dee maatagu donu, e dee galemu donu de ngalue o de henua, gai denga mounga e tili ange gi lo te moana,

Psalm 21:9

Koe e hai naa gilaadeu gi bei de mommee iai de ahi ula, i de masavaa oou e hagasula mai ai. Tagi Maolunga e daa naa gilaadeu ga odi i dono bole, gai dana ahi e dudu naa gilaadeu ga odi.

Deuteronomy 29:20

Gai Tagi Maolunga e dee degi ange naa donu gi de ia, aagai de lili o Tagi Maolunga ma dono maagoda e hai baasi ange donu gi tangada nei, bei dagodo o de useahi. Gai hagamalaia alodahi gu sisi laa i lo te beebaa nei, e hai ange naa gi de ia, gai Tagi Maolunga e hai naa gi dee manadua dono ingoo i lalo de langi.

Leviticus 26:20

Goodou e hai hegau kona naa gai e deai naa donu haigamaiana, i hiidinga oodou gelegele e deai naa donu hua iai, gai oodou manu ssomo ange laa e deai naa hogi olaadeu hua.

Numbers 16:33

Gai gilaadeu ma olaadeu goloa alodahi gu tili iho gi de mommee o de gau maakau; gai de gelegele gu ahe ange ga buni, gai gilaadeu alodahi gu maakau, ga dee nnoho i magavaa o hagabuulingaa dangada.

Ezekiel 38:19

Go hiidinga au e hagadaba naa i dogu lodo gaiaa, ma dogu bole, bolo e hai naa dahi hagangalungalue o de henua mmahi i Israel i de masavaa laa.

Amos 7:4

Deenei de mee a de Ia Aamua go Iahweh ne hagaago mai gi de au: tilo, de Ia Aamua go Iahweh ne hagadabena de ahi e hagaduasala ai ono dangada, gai ne hai ga deai vai i de mommee gelo ma de dudu de henua.

Lamentations 2:2

De Ia Aamua tee lodo aloha ange donu gai ne oha mommee nnoho alodahi o Jacob; ia ne oha mommee buibui makaga o tamaa hine o Judah i dono bole. Ia ne oha iho dono nohoanga hodooligi, ma de hai gi dee hagadubulia ono dagi.

Lamentations 2:4

Ia ne dada dana mee hholu bei hegau a de hagadaumee; gai dono lima madau gu baba donu. Ia ne daa ga maakau gilaadeu alodahi e tilo danuaa, bei hegau a de hagadaumee; ia ne llingi iho dono bole bei de ahi gi honga de hale malo o tamaa hine o Zion.

Ezekiel 19:12

Gai hanu ne llili ga unusi age de grapevine laa, ga hagabaguu iho gi honga de gelegele, gai de madangi mai i dua ne ili ga mmae, ono hua gu malili, gai ono laa makaga laa gu mmae, gai de ahi ne dudu de manu laa alodahi.

Ezekiel 22:21

Au e hagabudu naa goodou ga busi goodou i de kona dogu bole, gi vaivai ai goodou i lo te aduhale laa.

Amos 5:6

Goodou saalaa Tagi Maolunga gi mouli ai goodou, ia kana humai ga hano laa magavaa aamuli o Joseph bei dagodo o de ahi; gai ia ga dudu ga gilaadeu alodahi, gai e deai naa donu se dangada e diinei ina de ahi laa.

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.