Deuteronomy 32:15 - De Beebaa Dabu

¹⁵ Aagai Jeshurun ne bedi, ga dagadagahi au; koe gu bedi i de gaimee ma de daemaha, ma de bungubungu. Koe gu tili de Maadua ne haia goe, ma de hagangadi mee de Baba, doo Ia Hagaola.

Deuteronomy 32:15 Referans Kwoze

Deuteronomy 31:20

Go hiidinga dua naa huu dagu kave gilaadeu ga tae gi de henua iai vai uu ma hooni lagolago, go de henua aagu gu hagatoo donu ange gi olaadeu dubuna madagidagi, gai de masavaa naa huu olaadeu e gaimee ai ga boobosu ma de pedi, gai gilaadeu ga daumaha ange gi denga diinonga ange laa, gai gilaadeu ga hagangadi mee au, ma de oha dagu hagatoo donu hagaheloongoi.

Hosea 13:6

De masavaa aagu ne haangai ai gilaadeu, gai gilaadeu ne boobosu danuaa; de masavaa olaadeu ne boobosu ai, gai gilaadeu gu hagamaolunga; gilaadeu gu ngalo donu au.

Psalm 89:26

Ia e hai mai naa gi de au, ‘Go koe dogu Damana, go koe dogu Maadua, gai go de Baba makaga ma dogu Ia Hagaola.’

Deuteronomy 33:5

Tagi Maolunga gu hodooligi i Jeshurun, i de masavaa o denga dagi o de huaadangada ma denga aamuli o Israel ne hagabuni ai.

Acts 28:27

Go hiidinga de huaadangada naa e makaga olaadeu lodo, olaadeu dalinga gu longoduli, gai gu pono olaadeu ganomada. Kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

1 Samuel 2:29

Gai gu aha goe gu hagangadi mee ai naa dagu sigidaumaha, ma dagu mee ngadi gaavange? Gai gu aha goe gu hai ai naa gi kii ange luaau dama daane dau hagadubu i de au, ma de hai gi pedi goodou i mee danuaa hugadoo, mai i sigidaumaha alodahi a ogu dangada, go de gau Israel?’

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Jeremiah 5:28

gai gu pedi ma de malali olaadeu gili. E deai donu se tuu mai o alaadeu hegau baubau; gilaadeu e dee hagamodu muna o denga gauligi gu deai olaadeu damana i de heohi gai gilaadeu e dee tala hagadonu heohi o de gau hagaau aloha.

Isaiah 44:2

E hagadaba Tagi Maolunga, go de ia ne haia goe, ma de hagaholi goe i de mommee o denga dama, gai go de ia ne balea adu goe: Aude madagu, Jacob, dogu dangada hai hegau; Jeshurun, de mommee aagu ne hili.

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Isaiah 1:4

E vakaa naa de huaahenua haisalasala, ma de huaadangada e honu i de baubau, gai ni gauligi e haia de baubau, go dama e haia hegau hakino gee! Gilaadeu gu daahuli gee i Tagi Maolunga, gilaadeu gu hagangadi mee de Ia Dabu o Israel, gilaadeu gu huuhuli ange olaadeu dua gi de ia.

Psalm 95:1

Loomai, gidaadeu ga daahili ange gi Tagi Maolunga i de malangilangi; gidaadeu ga hevaalogi e tuhi de Baba e hagaola ina gidaadeu.

Psalm 73:7

Olaadeu ganomada e hhua i hiidinga delaadeu pedi, gai olaadeu lodo e hoohonu i denga maanadu baubau.

Nehemiah 9:25

Gilaadeu ne kave denga aduhale buibui, ma gelegele danuaa, ma denga hale e hoohonu i denga hagadaagangaa mee danuaa alodahi, ma vai gu hoda gi lo te baba, ma denga veelengaa grape, ma denga veelengaa olive, ma manu iai hua lagolago. Deelaa ai, gilaadeu ne gaimee ga boobosu ma de pedi, aama de malangilangi i doo abodonu laumalie.

2 Samuel 22:47

Tagi Maolunga e mouli laa! Hagadegi ina dogu baba makaga! Hagaamua ina dogu Maadua, de baba makaga, go dogu hagaola!

Deuteronomy 33:26

Jeshurun, e deai ange donu e bei dagodo o de Maadua, ia e lele mai laa lo te langi e bale adu goe, ma de humai laa lo te langi i dono mahamaha.

Deuteronomy 32:6

De gau ssenga ma teai oodou mee e iloo, deenei doodou hai e hagao ange ai Tagi Maolunga? E dee go ia doodou Damana ne haia ina goodou, ma de hai goodou ga se huaahenua?

Deuteronomy 31:16

Gai Tagi Maolunga ga hai ange gi Moses, “Tilo, gu baa mai doo masavaa e hano ai madali oo dubuna madagidagi; gai de huaadangada nei e daumaha ange naa, gi denga diinonga o de henua olaadeu ga hulo nei e nnoho ai. Gilaadeu e hulo gee naa i de au ma de oha dagu hagatoo donu hagaheloongoi gu hai madali gilaadeu.

Acts 9:5

Gai a Paul ne ssili ange, “Tagi Maolunga, go koe goai?” Iesu ne hai ange, “Go au donu go Iesu aau e vaivai hai naa.

Jeremiah 5:7

“Dee hee dagu hai e degi adu ai gi de goe? Au dama gu daahuli gee i de au gai gu hagatoo donu i denga diinonga e dee ni maadua abodonu. Au ne haangai ange gilaadeu ga boobosu, aagai gilaadeu ne dagodo haisala ma de daga ga hulo gi hale o de gau hai be ni manu.

Jeremiah 2:5

E hagadaba Tagi Maolunga: “Se baubau aha a oodou dubuna ne gidee laa i ogu daha, gai gilaadeu ga hagammao gee ai laa i de au? Gilaadeu ne daudali ange i denga diinonga dee haigamaiana, ga deai ai olaadeu haigamaiana.

Psalm 119:70

Olaadeu lodo gu makaga bei denga kiliisi, aagai au e malangilangi i au hainga.

Psalm 18:46

Tagi Maolunga e mouli! Hagadegi ina dogu baba makaga! Hagaamua ina de Maadua, dogu Ia Hagaola!

Psalm 17:10

Gilaadeu e hagamakaga olaadeu lodo, gai gilaadeu e pasa hagamaolunga.

De Beebaa go Job 15:27

Luoono galaahuu e pungu i dono bedi, gai dono daogubu e pugu mai.

Judges 10:6

Gai de gau Israel ne aahe ange hogi ga hai denga dahulinga baubau i mada luu mada o Tagi Maolunga; gilaadeu ne daumaha ange gi denga Baal, ma Ashtaroth, ma denga diinonga o Syria, ma diinonga o Sidon, ma diinonga o Moab, ma diinonga o de gau Ammon, aama diinonga o de gau Philistia. Gilaadeu ne tili Tagi Maolunga gu dee daumaha ange gi de ia.

1 Chronicles 5:25

Aagai gilaadeu tee hai hegau i de mee abodonu ange gi de Maadua o olaadeu dubuna madagidagi, gai ne daumaha ange gi diinonga o dangada nogo nnoho i de henua i mua, go dangada a de Maadua ne daa ga maakau.

2 Chronicles 26:16

Aagai de masavaa huu o Uzziah ne mmahi, gai ia gu hagamaolunga, ga hidi mai ai dono daia ga magau, go hiidinga ia ne hagangadi mee Tagi Maolunga dono Maadua; ia ne hano ga ulu gi lo te temple o Tagi Maolunga ga dudu ai mee maanongi i honga de mommee o ssigidaumaha o mee maanongi.

Psalm 81:11

Aagai ogu dangada tee hagallongo i agu muna; de gau Israel tee daudali mai i de au.

Jeremiah 2:31

Goodou de atangada nei, hagalaangona muna a Tagi Maolunga: E aha, au gu bei laa dagodo o de vao i daho Israel, aabe ne bei dahi henua gohu boo dangodango? Gai gu aha ogu dangada gu hagataba ai laa, ‘Gimaadeu gu ilaage i de hulo be go hee omaadeu e llodo e hulo aagena, gimaadeu e dee aahe ange e loomai gi de goe’?

2 Chronicles 12:1

Gai de masavaa huu ne sula ai de hodooligi o Rehoboam, gai dono nohoanga hodooligi gu mmahi, gai gilaadeu ma de gau Israel alodahi ga tili hainga a Tagi Maolunga.

Nehemiah 9:26

Aagai gilaadeu tee hagallongo i au muna ma de hai baasi adu gi de goe. Gilaadeu ne daahuli gee i au hainga ma de daa ga maakau oo pelaabisi, go gilaadeu ne agoagona gilaadeu gi aahe mai ai gilaadeu gi de goe. Gai ne kona mmao delaadeu hagangadi mee goe.

Psalm 89:27

Gai au e hai naa ia go dagu dama madua, gai go de hodooligi e maolunga hugadoo i henua i lalo.

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

Jeremiah 2:32

E aha, e maua e de gauligi hahine gi ngalo ono mee hagalaagii, aabe go de hine gu dai hai bodu i de ngalo ono malo? Aagai ogu dangada gu ngalo au i hanu laangi lagolago.

Ezekiel 14:5

Gai au ga hagaahe mai ai lodo o de gau Israel alodahi gu hulo gee laa i de au i hiidinga delaadeu daumaha ange gi denga diinonga.’

Hosea 4:7

Gu kii ange de soa de gau haimeedabu, gai gu kii ange hogi delaadeu haisala mai gi de au; au e hai naa delaadeu mahamaha gi se dookaa.